22 aqpan kúni T. Júrgenov atyndaǵy Qazaq Ulttyq Óner Akademııasy, "Kıno tarıhy men teorııasy" kafedrasy, "Ónertaný" fakýlteti, "Kinoman” kınoklýbynyń uıymdastyrýmen ótken is-sharada «Ana týraly ańyz» fılmi kórsetildi. Kıno jáne teatr aktrısasy Ámına Ómirzaqova qaıtalanbas erekshe ana beınesin el esinde qaldyrǵan edi. Kórermen kóńiline búgin taǵy bir erekshe sezim uıalatqan bul fılm rejısser Aleksandr Karpovtyń bastaýymen 1963 jyly jaryqqa shyqty.
Fılm 1941-1945 jyldardaǵy Dúnıejúzilik ekinshi soǵysty sýretteıdi. Súıikti uly Asandy kútken ana beınesi ómirdiń shynaıy kórinisin beıneleıdi. Ananyń jalǵyz ulyna degen mahabbaty, kún saıyn kútip júrgen anany kórgen ýaqytta kórermen júregin eljiretedi. Osylaısha, ana beınesi arqyly soǵys qasiretin kórsetti.
Esterińizge sala keteıik, Ámına Ómirzaqovanyń 100 jyldyǵyna oraı uıymdastyrylǵan bul is-shara 20 aqpannan, naýryz aıynyń 2-shi juldyzyna deıin jalǵasady. Alda ótetin is-shara kóretinderińiz:
27 aqpan kúni «Mama Roza» (rej.: A.Chataeva, 1991 j.) fılmi, 1 naýryz – «Taqııaly perishte» (rej.: Sh.Aımanov,1968 j.) jáne 5 naýryz – Kıno jáne teatr ustazdary men maıtalmandarynyń qatysýymen dóńgelek ústel ótedi.
eskertý: kórneki foto gýgl ashyq aqparat kózinen alyndy.