Bul joba QR Prezıdenti – Elbasy N.Á. Nazarbaevtyń «Rýhanı jańǵyrý. Bolashaqqa baǵdar» baǵdarlamasy jáne QR Prezıdentiniń jarııalaǵan Jastar jyly aıasynda ótkizilip otyr.
K. Baıseıtova atyndaǵy Respýblıkalyq konkýrs sońǵy ret 2004 jyly ótkizilgen. Sodan keıin 15 jyl ótkennen soń Qazaqstan Respýblıkasy Tuńǵysh Prezıdenti – Elbasy Qorynyń qoldaýymen qaıta jańǵyryp jańa ómir bastaǵaly otyr.
Baıqaýdyq basty maqsaty – Qazaqstannyń barlyq óńirinen kelgen jas opera oryndaýshylaryn qoldaý jáne olardyń ishinen úzdigin tańdaý. Sonymen qatar jastar arasynda Qazaqstannyń ulttyq mýzykalyq mádenıetin damytýǵa eleýli úles qosqan ataqty óner qaıratkerleriniń attaryn qaıta jandandyrý jáne nasıhattaý.
Baıqaý 2 topta ótedi. Birinshi top – QR mýzykalyq kolledjderiniń vokal bóliminiń stýdentteri. Ekinshi top – joǵary mýzykalyq oqý oryndarynyń vokal kafedrasynyń stýdentteri, magıstranttary jáne 32 jasqa deıingi kásibı opera oryndaýshylary.
Qazylar alqasynyń músheleri - Qazaqstannyń opera óneriniń tanymal ókilderi.
Baıqaýdyń ashylý saltanaty 2019 jyldyń 01 naýryzynda saǵat 10.00-de P. Chaıkovskıı atyndaǵy Almaty mýzykalyq kolledjiniń E. Serkebaev atyndaǵy úlken konerttik zalynda ótedi.
Baıqaýdyń jabylý saltanaty jáne laýreattar men dıplomanttardy quttyqtaý rásimi E. Serkebaev atyndaǵy úlken konerttik zalda ótedi. Ótetin ýaqyty qosymsha habarlanady.
Meken jaıymy: Almaty q. Manas k. 13 ýı.
