Бұл жоба ҚР Президенті – Елбасы Н.Ә. Назарбаевтың «Рухани жаңғыру. Болашаққа бағдар» бағдарламасы және ҚР Президентінің жариялаған Жастар жылы аясында өткізіліп отыр.
К. Байсеитова атындағы Республикалық конкурс соңғы рет 2004 жылы өткізілген. Содан кейін 15 жыл өткеннен соң Қазақстан Республикасы Тұңғыш Президенті – Елбасы Қорының қолдауымен қайта жаңғырып жаңа өмір бастағалы отыр.
Байқаудық басты мақсаты – Қазақстанның барлық өңірінен келген жас опера орындаушыларын қолдау және олардың ішінен үздігін таңдау. Сонымен қатар жастар арасында Қазақстанның ұлттық музыкалық мәдениетін дамытуға елеулі үлес қосқан атақты өнер қайраткерлерінің аттарын қайта жандандыру және насихаттау.
Байқау 2 топта өтеді. Бірінші топ – ҚР музыкалық колледждерінің вокал бөлімінің студенттері. Екінші топ – жоғары музыкалық оқу орындарының вокал кафедрасының студенттері, магистранттары және 32 жасқа дейінгі кәсіби опера орындаушылары.
Қазылар алқасының мүшелері - Қазақстанның опера өнерінің танымал өкілдері.
Байқаудың ашылу салтанаты 2019 жылдың 01 наурызында сағат 10.00-де П. Чайковский атындағы Алматы музыкалық колледжінің Е. Серкебаев атындағы үлкен концерттік залында өтеді.
Байқаудың жабылу салтанаты және лауреаттар мен дипломанттарды құттықтау рәсімі Е. Серкебаев атындағы үлкен концерттік залда өтеді. Өтетін уақыты қосымша хабарланады.
Мекен жайымы: Алматы қ. Манас к. 13 уй.
