2019 jylǵy 23 mamyrda, otandyq kınoprokatqa «Aladdın» fılmi qazaq tilinde shyǵady. Dýblıaj «Bolashaq» korporatıvtik qory jáne «Meloman» kompanııasynyń bastamasy boıynsha «Aray Media Group» stýdııasymen seriktestikte «Ózińnen basta» jobasy aıasynda júzege asyryldy. Dýblıaj demeýshisi: BI Group.
Sınopsıs:
Aladdın atty jas ury Jasmın hanshaıymǵa úılený úshin hanzada bolǵysy keledi. Al Agraba ýáziri Djafar qalany basyp alǵysy kelip, ǵajaıyptar úńgirinde saqtaýly turǵan sıqyrly shamdy alýǵa tyrysyp baǵýda. Ol úńgirge tek júregi taza, «qyrlanbaǵan almaz» dep atalatyn adam ǵana kire alady. Jáne bundaı adam – dál osy Aladdınniń ózi.
Fılmdegi Djafardyń rólin dýblıajdaýshy - Nurlan Álimjan, Jynnyń rólin dýblıajdaýshy - Dáýren Serǵazın. Sondaı-aq, rólderdi dýblıajdaǵandar: Aısultan Jálıev (Aladdın), Shehnaza Qyzyhanova (Jasmın), Araı Omarova (Dalııa), Tilektes Meıramov (Sultan), Janat Ospanov (Andres hanzada), Nartaı Saýdanbek (Hakim).
[embed]
[/embed]