‘DEBUT’ Nurǵojaev Almastyń jeke shyǵarmashylyq kórmesi

Nurǵojaev Almas – búgingi qazaq beıneleý ónerindegi belsendi jas sýretshilerdiń biri. Sýretshiniń týyndylary – onyń ishki álemi men jan-tolǵanystarynyń kórinisi.
‘DEBUT’ Nurǵojaev Almastyń jeke shyǵarmashylyq kórmesi
Qyzyl kitap. 2019. Kenep, maıly boıaý. 150h170

Samal Mamytova

kórme kýratory


Onyń shyǵarmalaryn tamashalaǵan kezde birinshi bolyp kózge túsetini – kúrdeli qozǵalys pen rakýrsqa qurylǵan ekspressııaǵa toly kompozıııalar. Qylqalam sheberi natýrany jalpylaý men monýmentalızaııalaýǵa jaqyn. Ol adamnyń syrtqy fızıkalyq kúıin ǵana emes, sonymen birge bizdiń zamanymyzǵa tán ishki psıhologııalyq shıelenisti de kórsetýge tyrysady.

‘DEBUT’ Almastyń alǵashqy jeke shyǵarmashylyq kórmesi bolǵanymen, onyń qatysqan kólemdi kórmeler tiziminen asa belsendi ári aıtarlyqtaı tájirıbeli sýretshi ekenin ańǵaramyz. Ekspozıııaǵa avtordyń sońǵy eki jylda oryndalǵan úlken formattaǵy 15 keskindemelik týyndylary qoıylǵan.

Sýretshi taqyryptarynyń jelisi keń. Áke men balanyń qarym-qatynasy, mahabbat, qoǵamdaǵy ótkir máseleler, sondaı-aq, eń bastysy adam jáne onyń ómirmen nemese ózimen kúresi. Bul beınelerdiń árqaısysy ǵalamdyq tebirenispen kómkerilgen. Olar ótkir jaǵystar men monohromdy túster úılesiminde kúrdeli rakýrste sheshilip, dene-bitimderine erekshe mán berile beıne bir músinshi sekildi saz balshyqpen emes, tús arqyly somdalady.

Nurǵojaev Almas óziniń keskindemelik týyndylarynda detalızaııadan sanaly túrde alshaqtap, kompozıııanyń monýmentaldyǵyna umtylady. Ol ózi men keneptegi beıneniń ara qashyqtyǵyn saqtaı otyryp jalpylyqqa qol jetkizedi. Iaǵnı, sýretshi syrtqy turmystyq sýretteýden góri fılosofııalyq oılaýǵa talpynady. Oǵan avtordyń «Áke qanaty», «Dıalog», «Kókten», «Aýyz bekitý», «Syrlasý», «Kelisim aldynda» kompozıııalary jaqsy mysal bola alady. Munda qylqalam sheberi basty beıneni aýqymdy etip kórsetse, jazyqtyq betindegi zattar men fıgýralar úshin kenep kólemi árqashan tarlyq etetindeı áser qaldyrady. Al, «Avtoportretinde» ár kezeńde de óz dáýiriniń qaharmany bolyp tabylatyn sýretshi beınesin kúrdeli qozǵalysta barynsha aıshyqty etip jazady. Mundaǵy sýretshiniń basty qarýlary – qylqalam men palıtra. Sonymen qatar, «Oıaný», «Qyzyl kitap», «Jańa áýen», «Sýretshiniń joly», «Sharyqtaý» kenepteri turmystyń shıelenisin, shyǵarmashylyqtyń tynysyn, sezim men oıdyń dramalyq dıalogyn kórsetedi. Nurǵojaev Almastyń shyǵarmashylyǵynda zamanaýı qazaq beıneleý ónerindegi jańa izdenister men talpynystar kórinis tabýda.

Nurǵojaev Almas 1988 jyly Almaty oblysy, Raıymbek aýdany, Kegen aýylynda dúnıege kelgen. 2007 jyly O. Tańsyqbaev atyndaǵy Almaty sándik-qoldanbaly óner kolledjin, 2012 jyly T. Júrgenov atyndaǵy Qazaq ulttyq óner akademııasyn J. Qaırambaev, Ó. Jubanııazovtardyń sheberhanasynda támamdady. 2017 jyly T. Júrgenov atyndaǵy QazUÓA-nyń magıstratýrasyn támamdady. 2012 jyldan QR Sýretshiler odaǵynyń múshesi. 2016 jyldan O. Tańsyqbaev atyndaǵy Almaty sándik-qoldanbaly óner kolledjinde ustazdyq qyzmet atqaryp keledi.

Qyzyl kitap. 2019. Kenep, maıly boıaý. 150h170

Dıalog. 2019. Kenep, maıly boıaý. 150h170

Áke qanaty. 2019. Kenep, maıly boıaý. 150h170

Avtoportret. 2019. Kenep, maıly boıaý. 100h100

Kelisim aldynda. 2019. Kenep, maıly boıaý. 150h170