Almatyda Almas Nurǵojaevtyń «Ótkel» atty sýret kórmesi ótedi

Ábilhan Qasteev atyndaǵy Memlekettik óner mýzeıi Almas Nurǵojaevtyń «Ótkel» atty sýret kórmesin usynady. Ekspozıııada mazmuny jaǵynan maǵynalas jańa jeti trıptıh bar. Vernısaj 22 aqpan kúni saǵat 16:00, al press-týr 15:00-de bastalady.
Almatyda Almas Nurǵojaevtyń «Ótkel» atty sýret kórmesi ótedi
22.02.2022 kúni Ábilhan Qasteev atyndaǵy Memlekettik óner mýzeıinde Almas Nurǵojaevtyń «Ótkel» atty sýret kórmesi ashylady

Almas Nurǵojaev bul jolǵy jeke kórmesin «Ótkel» dep ataýdy jón sanaǵan. Alǵashqy qadamy 2019 jyly ótken «Debıýtpen» bastalyp edi. «Debıýt» kórmesi sýretshiniń daryny men tabandylyǵyn, ózindik erekshe qoltańbasyn kórsetti. Almas Nurǵojaev qazaqstandyq talantty sýretshi, pedagog Jumaqyn Qaırambaevtan dáris alǵan. Shákirtiniń boıyna senim men kúsh uıalatqan ustazynyń kóp jyldyq eńbegi aqtaldy, Almas ózine ǵana tán stıl qalyptastyrdy. Búgingi kúni Almastyń shyǵarmashylyq bolmysynan úlken kartınalardyń monýmentaldy úlgisi, erkin sýretkerliktiń tolǵanysy, ádeıi deformaııalanǵan masshtabtary bar fıgýralardyń kútpegen dınamıkalyq buryshtary, únem, tústerdiń qaıtalanbas boıaýyn kórýge bolady. Osy sapanyń barlyǵy onyń alǵashqy jeke kórmesinde-aq baıqaldy. Sýretshiniń keıingi eki jyldaǵy kútpegen damý qarqyny kórmeniń mazmunyn-mánin arttyra túsken. Onyń qoltańbasy belgili, biraq osy kórmede sol qoltańbanyń túrlengenin kóremiz. Keskindemelerdiń úlken formaty kompozıııany damytyp, kúrdelendirýge, oıdyń qozǵalysyn kórsetýge múmkindik beretin trıptıhtermen almasqan.

Ekspozıııa sıýjetteri abstrakııa men beıneniń sheginde turǵan jeti kólemdi  trıptıhten quralǵan. Olardyń beseýinde túpsana oıynyna uqsaıtyn suıyq jáne ótkir formalar kombınaııasy, ásirese qorqynyshty túster men qııaldy eske túsiretin turaqsyz beıneler basym. Adamnyń beınesi bul jerde tek kóriner-kórinbes beınelengen. Ilgekteri bar saýsaqtar jáne qozǵalatyn tize-shyntaǵy bar antropomorf kórinister,  sur-sary tústi pishindi mazasyz qubyjyq beıneleri men pishinderi úreı týǵyzady. Sýretter ótkir, sergek ári mánerli bolyp kórinedi.

Kórmege biryńǵaı kórkemsýret jobasy retinde qaraıtyn bolsaq, barlyq jumystyń baılanysy men mazmuny úılesim tapqanyn kóremiz. Qııal álemine enetin bes trıptıhtiń qos qaptalynda erekshe týyndylar ornalasqan. Ishi bos tekshe tárizdi labırıntter paneldi turǵyn úılerdi nemese Malevıchtiń qııaldaryn eske túsiredi. Sol jaqtaǵy birinshi trıptıh – bul bir kúnniń aıaqtalyp, qara-aq-sur tústi bulyńǵyr basqa álemge enýdi kórsetedi. Odan keıin eki jyl boıy pandemııa jaǵdaıynda ómir súrgen avtordyń óziniń jáne ortasynyń basynan keshken úreı men dramaǵa toly sezimderi kúsheıip, keıde álsiregeni beınelengen. Al oń jaqtaǵy trıptıhterde álem qaıtadan óz qalpyna kelip, «ǵajaıyp ári qaharly álem» qyzyl-sary-aq túske enedi.

Sýretshi qıyndyqqa qaramastan, túpsanadaǵy kórinisterdi beıneleý, «qas-qaǵym sátterdi toqtatý» sııaqty sheberlikti ózine mindet etip qoıǵan sııaqty. Ol metafızıkalyq jáne fılosofııalyq problemalarǵa mán bergen. Bul jerde bolyp jatqan oqıǵadan góri adamnyń  qaıǵysy, ómirdiń jumbaǵy, aınaladaǵy qubylastardyń beımálim bolýy týraly rýhanı mánge ıe mazmun baıqalady. Adamnyń ishki kúıiniń turaqsyzdyǵy men qubylmalylyǵy týyndynyń «Ótkel» degen ataýǵa suranyp turǵanyn kórsetedi. Bul - keńistiktegi topografııalyq qozǵalys qana emes, sonymen qatar úmittenýge quqyq beretin belgisizdik shekarasy. Sýretshi sheberligindegi alyp-ushqan qushtarlyqqa, sezimniń kúshine, beıneleý qarqynyna, erkindikke qarap, óz isine berilgen mundaı myqty tulǵa bizdiń óner keńistiginde kópten beri bolmaǵan desek artyq emes.

Kórme jetekshisi - Ekaterına Reznıkova, QR Eńbek sińirgen qaıratkeri, ónertaný kandıdaty.

Kórme Igilik Qulbaevty eske alýǵa arnalady jáne 1 aıǵa sozylady.


Ómirbaıany:

Almas Nurǵojaev 1988 jyly Almaty oblysy, Raıymbek aýdany, Kegen aýylynda dúnıege kelgen. 2007 jyly O.Tańsyqbaev atyndaǵy Almaty sándik-qoldanbaly óner kolledjin bitirgen. 2012 jyly T.Júrgenov atyndaǵy Qazaq ulttyq óner akademııasyn (J. Qaırambaev, U. Jubanııazov sheberhanasy) támámdaǵan. 2017 jyly osy akademııadan «Stanokty keskindeme» mamandyǵy boıynsha magıstratýrany bitirdi. 2016 jyldan beri O.Tańsyqbaev atyndaǵy Almaty sándik-qoldanbaly óner kolledjinde sabaq beredi.