Abaı atyndaǵy Qazaq ulttyq pedagogıkalyq ýnıversıtetiniń Óner, mádenıet jáne sport ınstıtýty Kórkemsýret-grafıka fakýlteti retinde tanylǵan, 50 jyl ishinde Instıtýt mádenıet, óner salalarynda joǵary bilikti kadrlardy daıyndaǵan qara shańyraqqa aınaldy.
Kórkemsýret fakýltettiń tarıhy sonaý 1963 jyldan bastaý aldy. Onyń alǵashqy túlekteri búkil respýblıka boıynsha kórkemdik bilim berý salasynda birqatar kafedralardyń ashylýyna óz úlesterin qosty. Sondyqtan Kórkemsýret fakýltetin «Qara shańyraq» dep atasa da oryndy.
Kórkemsýret kafedrasy óziniń túlekterimen maqtanady. Búginde olar belgili mádenıet jáne óner qaıratkerleri, aty tanymal sýretshiler, grafıkter, keskindemeshiler, músinshiler men pedagogtar. Atap aıtqanda: Erbolat Tólepbaı, Muratbek Nurlybaev, Vladımır Vlasıýk, Shoqan Tólesh, Arken Zýlfıkar, Vıacheslav Lıýıko, Batıma Zaýrbekova, Nellı Býbe, Toqqoja Qojaǵulov, Alekseı Begov jáne t.b. Bul tek ataqty esimderdiń bir bóligi ǵana.
Búgingi tańda, ınstıtýtta professorlar, ǵylym doktorlary men kandıdattar, doentter, Qazaqstan Respýblıkasynyń eńbek sińirgen qaıratkerleri, QR eńbek sińirgen mádenıet qaıratkerleri, QR eńbek sińirgen jattyqtyrýshylary, sport sheberleri, QR Sýretshiler odaǵynyń músheleri, QR Dızaınerler odaǵynyń músheleri jáne basqa da shyǵarmashylyq birlestikter jumys jasap, sonymen qatar olar Qazaqstan jáne alys shetelderde stýdentterimen, shákirttterimen kórmeler uıymdastyryp, konertter men festıvaldarda belsendilik tanytyp júr.
«Mereıtoılyq palıtra» ekspozıııasy otandyq kórkemdik bilimniń zamanaýı negizin qalaýshy tulǵalardyń shyǵarmashylyq áleýetin, tynymsyz izdenister men kórkemdik eksperımentterdiń nátıjelerin, qazaqstandyq sýretshiler men pedagogtardyń tájirıbesi men jetistikterin kórsetýge arnalǵan.
Sheberlerdiń árqaısysynyń ózine tán tanymal jáne erekshe stıli bar. Sonymen birge, barlyq jumystar bir úlken mereıtoılyq palıtrada bir maqsatqa biriktirilgen - qazirgi Kórkemsýret fakýltetiniń barlyq qyrlary men tústerin kórsetip qana qoımaı, ózderiniń oılary men úmitterimen bólisý.
Kórme 2019 jyldyń 23 qazanyna deıin jalǵasady.
Anyqtama telefony: 264-46-50