Jumadilhan Kerimbek 1959 jyly Ońtústik Qazaqstan oblysy, Saıram aýdanynyń Birlik aýylynda dúnıege keldi. 1986 jyly Almaty qalasyndaǵy Qazaq aýylsharýashylyq ınstıtýtynyń agronomııa fakýltetin bitirgen. Túrkııada bıologııa salasy boıynsha doktorlyq dıssertaııa qorǵady (1998). Qazirgi ýaqytta ol Qazaq Ulttyq agrarlyq ýnıversıtetinde aǵa oqytýshy bolyp qyzmet atqarady.
Jumadilhannyń shyǵarmalary buǵan deıin de birneshe ret Ortalyq mýzeı qabyrǵasynda kórsetildi. Bul joly almatylyqtar nazaryna sýretshiniń týǵan aýylyna arnalǵan eńbekteriniń jańa toptamasy usynylady. J. Kerimbektiń týǵan ólkesine, eline degen súıispenshilik sezimine toly óner týyndylary qazaq etnosynyń mádenıeti, salt- dástúri, ádet-ǵurpymen tanystyrady. Sýretshiniń «Qara jorǵa», «Kúnniń batýy», «Almaty (Kóktóbeden qaraǵandaǵy kórinis)», «Sákide», «Jazǵy kún» syndy eńbekterinde aýyl turǵyndarynyń kúndelikti turmys-tirshiligi, aýyl tabıǵatynyń sulýlyǵy, sáıgúlikter shabysy, ulttyq mereke sátteri – bizge jaqyn da túsinikti, shynaıy jaǵdaıattar beınelengen. Onyń «Taýlar», «Mashat 1 asýy», «Taý ózeni», «Týǵan ólke», «Bulaq basynda» jáne t.b. shyǵarmalary en dala, taý qyrqasy – týǵan ólkeniń baı da ásem tabıǵatyna degen súıispenshiligin ańǵartady. «Kúz», «Naýryzdaǵy qar», «Jazǵy kesh» syndy týyndylary sýretshiniń jyl mezgilderi peızajyn beıneleýdegi sheberligin kórsetedi. Onyń peızajdary bala kezinen jadynda qalǵan qymbat dúnıeler. Onyń dala, taý landshaftna degen súıispenshiligi balalyq shaqtaǵy estelikterden bastaý alady. Sýretshige aýyl ómiri jaqsy tanys, ol ózi ómir súrgen ortasyn beıneleıdi, shyǵarmalarynyń shynaılyǵy da osydan.
Jumadilhannyń keskindeme janryndaǵy «Vals», «Jigitter bıi», «Nemere», «Sákide», «Mýzyka», «Qoılar», «Ańshylyqqa» sııaqty tabıǵatyna jaqyn jumystarynda ózi ósken ortadaǵy kúndelikti tirshilik jelisi – qymyz quıyp otyrǵan nemese otbasy-oshaq qasyndaǵy áıelder, jumystan keıin sákige jaıǵasqan januıa músheleri, mereke sátinde bılep júrgen jastar beınelengen. Túrli materıaldarmen tájirıbe jasaýǵa qushtar sýretshi akrıldi boıaý, gýash, týsh, maıly boıaýdy paıdalana otyryp qozǵalysqa, jaryqqa toly umtylys, jarqyndyq, biregeılikti tanytatyn kúrdeli janrlyq kompozıııalardy usynady. Onyń túrik eliniń kórinisteri toptamasyndaǵy aq-qara tústerdi utymdy úılestire oryndalǵan «Túrkııa jaıly estelikter», «Seljúkterdiń Konıa qalasy» sııaqty mazmundylyǵy, aıshyqtylyǵy jáne uǵymdylyǵymen ekshelenetin grafıkalyq jumystary da qyzǵylyqty.
Únemi shyǵarmashylyq izdenis ústindegi J. Kerimbek Qazaq Ulttyq agrarlyq ýnıversıtetindegi oqytýshylyq qyzmetimen shektelgen emes, ol ǵylymı eńbektermen qatar, óleń jazýmen áýestendi, pedagogıka salasy boıynsha birneshe ǵylymı jarııalanymdar, oqý-ádistemelik quraldardyń avtory. Kórmege sýretshiniń 80- astam shyǵarmasy qoıyldy.
Kórme 2019 jyldyń 6- qarashasyna deıin jalǵasady.