QR Mádenıet jáne sport mınıstrliginiń tapsyrysy boıynsha, Sh.Aımanov atyndaǵy «Qazaqfılm» AQ-nyń «Debıýt» shyǵarmashylyq-óndiristik birlestigi túsirgen bul fılm dombyranyń qulaǵynda oınap, úlken sahnada óner kórsetýdi armandaǵan Áset esimdi balanyń ómirin baıandaıdy.
Aıta ketsek, atalǵan kınotýyndy bıyl Almatyda ótken IV Halyqaralyq Baiqonyr ISFF kınofestıvaliniń konkýrstan tys baǵdarlamasynda kórsetilip, «Brodveıdiń tańdaýy» syılyǵyn alǵan.
Nıý-Delıdegi DSIFF halyqaralyq kınofestıvali alǵash ret 2012 jyly ótken bolatyn. Uıymdastyrýshysy – Miniboxoffice úndi kompanııasy. Bıyl festıvaldiń halyqaralyq qazylar alqasyn ıspan rejısseri Vıktor Manýel Lopesmýnos basqardy. Sonymen qatar, qazylar alqasy quramynda: prodıýser Vıktorııa Sıl (Japonııa), rejısser Rakel Rýız (Argentına), rejısser Prashant Segal (Úndistan) boldy.
«Dombyra»
Uzaqtyǵy: 30 mınýt
Senarıı avtorlary: Ramazan Halıolla, JanatJaılybaı
Rejısseri: Ramazan Halıolla
Qoıýshy operatory: Bolatbek Malıkov
Qoıýshy sýretshisi: Salaýat Qabdoldanov
Kompozıtory: Áset Dánenov
Rejısser týraly anyqtama:
Ramazan Halıolla 1994 jyly 15 mamyrda Qaraǵandy oblysy, Balhash qalasynda dúnıege kelgen. 2012-2017 jyldar aralyǵynda Nursultan qalasyndaǵy Qazaq ulttyq óner ýnıversıtetinde, «Rejısser, kıno jáne telearna prodıýsseri» mamandyǵy boıynsha oqyǵan.