2014 jyly Qazaqstan, Grýzııa, Germanııa, Franııa jáne Chehııa elderi birlesip túsirgen rejısser Georgıı Ovashvılıdiń «Kýkýrýznyı ostrov» kórkem fılmi álemge áıgili Variety kınojýrnalynda sońǵy onjyldyqta AQSh-ta prokatqa shyqpaǵan sheteldiń úzdik fılmderdiń tizimine kirdi. Qazaqstan tarapynan bul fılmge Sh.Aımanov atyndaǵy «Qazaqfılm» kınostýdııasy qoldaý bildirgen, al fılmniń bastamashyl prodıýseri - Saıyn Ǵabdýllın.
Basylymda jaryq kórgen «Kórsetilmegen injý» maqalasynyń avtory Variety jýrnalynyń bas kınosynshysy Pıter Debrıýg. Aıta ketsek, bedeldi salalyq basylymda jarııalanatyn analıtıkalyq maqalalar prokatpen aınalysatyn mamandarǵa jáne festıvalder ókilderine úlken ekrandarǵa shyǵýǵa laıyqty kartınalardy irikteýge kómektesedi.
«Osy kúnge deıin amerıkandyq kórermender bul fılmderdi kóre almaǵandaryna qatty ókinemin. Osy týyndylardy taýyp, mindetti túrde kórýge keńes beremin!», - dep jazady kınosynshy óz maqalasynda.
Atalǵan kartına nemeresimen birge júgeri ósirý úshin ózen jaǵasynda ornalasqan aralǵa arnaıy kóship kelgen qarııa sharýanyń ómirin baıandaıdy.
Bul týystyq jáne rýhanı qatynastardyń adamgershilikke toly jáne áserli oqıǵasy. Fılmde tirshiliktiń qamy úshin eńbek etip júrgen qarapaıym adamdardyń ómiri sýretteledi. Sharýanyń rólin túrik akteri Ilııas Salman, al onyń nemeresin – osetııalyq jas aktrısa Marııam Býtýrıshvılı somdady.
«Óziniń osy tamasha jumysy arqyly bes birdeı eldiń bedelin arttyrǵan rejısserdiń erekshe talanty týraly aıtqym keledi. Men Georgıı Ovashvılımen 2004 jyly Marokkoda tanystym, keıin onyń «Drýgoı bereg» atty alǵashqy tolyqmetrli fılminde prodıýser boldym. Bul týyndy Berlın kınofestıvaliniń baǵdarlamasyna ilinip, 2009 jyly Eýropralyq kınoakademııanyń nomınaısyna usynylǵan bolatyn. Ýaqyt óte osy «Kýkýrýznyı ostrov» fılmine kiristik», - dedi prodıýser Saıyn Ǵabdýllın.
Aıta ketsek, fılmniń álemdik tusaýkeseri 2014 jyly Halyqaralyq Karlovy Vary kınofestıvali aıasynda ótti. Bul baıqaýda kınotýyndy Bas júldege jáne ekýmenıkalyq qazylar alqasynyń marapatyna ıe boldy.
Sol jyly «Kýkýrýznyı ostrov» fılmi Grýzııa elinen «Sheteldiń úzdik fılmi» nomınaııasy boıynsha «Oskar» júldesine usynylyp, tipti toǵyz úmittiden turatyn short-paraqshasyna kirdi.
Reseıdiń Anapa qalasynda ótken «KINOShOK» festıvalinde de Ovashvılıdiń fılmi Bas júldege jáne «Úzdik operatorlyq jumys» syılyǵyna ıe boldy. Sonymen qatar, bul týyndy Mınskide ótken «Lıstopad» kınofestıvalinde «Úzdik operatorlyq jumys» júldesimen marapattaldy.
«Kýkýrýznyı ostrov» fılmi álemge máshhúr Kann, Býsan jáne San-Sebastıan syndy halyqaralyq bedeldi kınofestıvalderdi qosa sanaǵanda 70-ke jýyq kınobaıqaýlarǵa qatysty. Jalpy alǵanda bul fılm 32 júldege ıe boldy, olardyń keıbireýlerin atap ketken jón:
✓ «Qazylar alqasynyń arnaıy júldesi», FILM FROM THE SOUTH/«Ońtústiktiń fılmderi» festıvaliniń negizgi baǵdarlamasyna qatysqan (Oslo, Norvegııa);
✓ «Kınosynshylar marapaty» - MOSTRA DE CINEMA/«Kınoshoý» halyqaralyq kınofestıvaliniń qurmetti júldesi, «Jańa rejısserlerdiń jarysy» kategorııasynda (San-Paýlý, Brazılııa);
✓ «Kórermender kózaıymy júldesi (Úzdik fılm)», sondaı-aq «Halyqaralyq kınosynshylardyń júldesi», ATHENS PANORAMA OF EUROPEAN CINEMA/«Eýropalyq kıno panoramasy» festıvali (Afıny, Greııa);
✓ «Úzdik rejıssıor» jáne «Úzdik aktrısa», SAN MARINO INTERNATIONAL FILM FESTIVAL/«Halyqaralyq San-Marınodaǵy kınofestıvaldik negizgi baǵdarlamasyna qatysqan (San-Marıno);
✓ «Úzdik fılm», «Úzdik mýzyka», «Synshylardyń marapaty» jáne Gran-prı - «Altyn Antıgona» júldesi, 36th INTERNATIONAL MEDITERRANEAN FILM FESTIVAL/«36-Halyqaralyq jerortalyq fılmder kınofestıvali» (Monpele, Franııa).