Televızııalyq beıimdeý, fılmde jasyrynǵan nemese jaýapsyz qalǵan suraqtarǵa tolyǵymen jaýap bermek.
Osy aıdyń basynda Pon Chjýn Ho óziniń Altyn palma butaǵyn ıelengen "Parazıtter" fılmin HBO arnasynyyń shekteýli serııalar shyǵarylymyna beıimdemek.
Jýyrda Ońtústik Koreıalyq rejısser fılmniń jańa formaty jaıynda ózi tolyǵyraq aqparat berdi.
«Bul negizgi ıdeıalardyń barlyǵy senarııdi jazyp bastaǵan kezden beri bar edi », - dedi Pon The Wrap basylymyna. «Men bul ıdeıalardyń barlyǵyn eki saǵattyq fılmge qosa almadym, sondyqtan olardyń barlyǵy meniń iPad-ymda saqtalǵan jáne meniń maqsatym - alty saǵatqa sozylatyn fılm jasaý».
«Mysalǵa aıtatyn bolsaq bastapqydaǵy úı qyzmetkeri Mýn Gvannyń jertóle jaıynda biletindigi onyń álgi arhıtektormen qandaı qarym-qatynasta bolǵany jaıly suraq týdyrady. Fılmdegi osy sekildi aıtylmaı qalǵan jaýaptardyń barlyǵy mende saqtaýly»
Aıta ketetin bolsaq "Parazıtter" - jumysshylar otbasynyń óz jaǵdaıyn jaqsartý úshin alaıaqtyqpen aýqatty áýletti paıdalanýy jaıly, taptyq máseleniń aınalasynda qurylǵan, qoǵamdyq satıra. Jáne de bul fılm Oskar syılyǵyna alty nomınaııa boıynsha úmitker alǵashqy Koreılik týyndy.