13 aqpan qazaq topyraǵynda alǵash ret Ulttyq teatrynyń shymyldyǵy ashylǵan kún. 1915 jyly dál osy kúni Semeıdegi saýdagerler klýbynda Júsipbek Aımaýytovtyń rejıssýrasymen «Birjan – Sara» aıtysy sahnalandy. Aǵa býyn teatr zertteýshileri B.Qundaqbaıuly, Á.Syǵaı ulttyq teatrdyń týǵan kúnin osy kún dep esepteý kerektigin aıtyp ketken bolatyn.
Biz Sizderdi, osy tarıhı 2020 jyldyń 13 aqpany kúni «M.O.Áýezov murajaı-úıi» ǵylymı-mádenı ortalyǵynyń Májilis zalynda ótetin «Halyqaralyq teatr synshylary birlestiginiń» - «International Union of Theatre Critics» tusaýkeserine shaqyramyz.
«Halyqaralyq teatr synshylary birlestigi» Respýblıkanyń jáne sheteldiń belgili teatrtanýshy mamandardyń basyn biriktiredi. Synshylar zamanaýı teatr men dramatýrgııa máselelerin qarastyratyn shyǵarmashyl jastarmen jumys isteý úshin aldyna úlken maqsattar qoıady.
Osy birlestiktiń tusaýkeser rásimi aıasynda Qazaqstan teatr synshylarynyń alǵashqy zertteýshilik jumys nátıjesiniń qorytyndylary jarııalanyp 2019 jyldaǵy Qazaqstan teatrlarynyń jasaǵan jumystaryna baǵa beriledi.
Búgingi elimiz teatrlarynda bolyp jatqan úderis, onyń damýy men baǵyt-baǵdary, teatr repertýaryn jasaýdaǵy ustanǵan saıasaty, zamanaýı kórermenniń qoıylymǵa kelýi men qabyldaý kózqarastary sekildi máseleler otandyq jáne halyqaralyq teatr mamandary qaýymdastyǵy tarapynan qyzyǵýshylyq týdyryp otyr. Osyǵan baılanysty 2019 kúntizbelik jyly jasalynǵan shyǵarmashylyq jumystar nátıjesin saraptan ótkizip, oǵan baǵa berildi. Elimizdiń barlyq teatr ujymdaryna «Halyqaralyq teatr synshylary birlestigi» tarapynan arnaıy saýalnama usynylyp, onyń negizinde búgingi Qazaqstan teatrlarynyń shyǵarmashylyǵy men sharýashylyǵynda bolyp jatqan zamanaýı úderister aıqyndaldy.
Saraptama nátıjesimen elimizdiń belgili teatrtanýshylary, synshylary – S.Qabdıeva, A.Muqan, B.Nurpeıis, A.Erkebaı, M.Jaqsylyqova, Z.Islambaeva, A.Ahmet, t.b. tanystyrady. Saýalnama nátıjeleri elimiz teatrlarynyń damýyna, qazirgi baǵytbaǵdaryna, jańa belesterdi baǵyndyrýda qajetti oı-tujyrymdar qorytýǵa múmkindik beredi.
«Halyqaralyq teatr synshylary birlestigi» bekitken «Synshylar júldesi» syılyǵynyń jeńimpazdaryn marapattaý rásimi ótedi.
«Halyqaralyq teatr synshylary birlestiginiń» tusaýkeser saltanatyna M.O.Áýezov atyndaǵy Ádebıet jáne óner ınstıtýtynyń dırektory, fılologııa ǵylymdarynyń doktory Matyjanov Kenjehan Islámjanuly, jazýshy-dramatýrg, QR eńbek sińirgen qaıratkeri Balǵabaev Sultanáli, QR Halyq ártisi, QR Teatr qaıratkerleri Odaǵynyń tóraǵasy, ónertaný kandıdaty Jamanqulov Tuńǵyshbaı Qadyruly, Qazaqstan teatrlar assoıaııasynyń ókilderi, Almaty qalasynda ornalasqan teatr ujymdarynyń dırektorlary, rejısserleri men akterleri, dramatýrgııa men teatr salasynyń belgili maman ǵalymdary qatysady.
Ótetin orny: «M.O.Áýezov murajaı-úıi» ǵylymı-mádenı ortalyǵynyń Májilis zaly (Almaty q., Tólebaev kóshesi, 185 úı).
Ýaqyty: 2020 jyldyń 13 aqpan kúni saǵat 15.00 de.
qurmetpen: Halyqaralyq teatr synshylary birlestigi