Kýrstyq fılmder onlaın baıqaýynyń jeńimpazdary anyqtaldy

2020 jyldyń 22-30 sáýir aralyǵynda Qazaq ulttyq óner ýnıversıtetinde Kýrstyq fılmderdiń onlaın baıqaýy jáne jobalar pıtchıngi ótti.
Kýrstyq fılmder onlaın baıqaýynyń jeńimpazdary anyqtaldy

Bul baıqaýdyń basty maqsaty stýdentter fılmderin áleýetti jumys berýshilerge tanystyrý, jas kınematografıstterdiń prodıýserlermen baılanys ornatýyna múmkindik jasaý. Sondaı-aq, baıqaýdan úzdik shyqqan fılmder (jáne tek olar emes) Halyqaralyq «Ushqyn» stýdenttik kıno kınofestıvaline iriktelinetin bolady. Osy sebeppen, bıylǵy kýrstyq fılmder baıqaýy Ulttyq kınony qoldaý memlekettik ortalyǵy, «El arna» telearnasy, «RedMark», «FilmFilmFilm», «Ametıst Prodakshn» kompanııalary, «Salem Social Media», «Freedom Production International» uıymymen seriktestik jasady.

Úzdik shyqqan fılmder nátıjesi tómendegideı.

Kınosynshylar tańdaýy boıynsha

«Úzdik kórkemdik-beınelik sheshimi úshin» –  «Anamnyń aty Baqyt» fılmi (Sh.Serjan);

«Kıno tiliniń táýelsizdigi úshin» –  «Aılyq kúni» fılmi (Á.Ámenov);

«Taqyrypty ashýdaǵy poetıkalyq ıirimderi úshin» – «Odnajdy v parke» fılmi (Á.Nurmuhambetov);

«Ulttyq ózekti máseleni kórsetkeni úshin» – «Qonaqtar» fılmi (N.Bazarbaeva);

«Metaforalyq beınelerdi utymdy qoldanǵany úshin»  – «Lastık» (Á.Mýkýshev) fılmi marapattaldy.

 

Professorlyq-oqytýshylyq quramnyń tańdaýy:

Úzdik dybys rejısseriniń jumysy – «Antaıtled» (Chıngız Izetov)

Úzdik montaj rejısseriniń jumysy – «Antaıtled»

Úzdik qoıýshy-rejısseriniń jumysy – «Obet» (Nýrasyl Joken)

Úzdik senarıı – «Metel» (Esim Adlet)

Ádebıet shyǵarmasyn sátti ekrandaǵan úshin – «Qonaqtar» (Nazerke Bazarbaeva)

Úzdik qoıýshy-operatorlyq jumys – «Odnajdy v gorode N» (Kamıla Makat)

Derekti kınodaǵy úzdik rejısserlik júmys – «Aıgerim» (Sanjar Amansýgýrov)

Televızııalyq jobadaǵy úzdik rejısserlik jumys – «Nastavnıkı» (Iavroslava Kýrdıýkova)

Anımaııalyq kınodaǵy úzdik rejısserlik jumys – «Lastık» (Álibı Mýkýshev)

Kórkemsýretti kınodaǵy úzdik rejısserlik jumys – «Anamnyń aty Baqyt» (Serjan Shuǵyla)

QazUÓÝ stýdentteriniń tańdaýy – «Qonaqtar» (Nazerke Bazarbaeva) úzdik dep tanyldy.

Ulttyq kınony qoldaý memlekettik ortalyǵy  «Anamnyń aty Baqyt» fılminiń rejısseri Shuǵyla Serjanǵa 50.000 teńge usyna otyryp,  UKKMO jobalarynyń bireýinde taǵylymdamadan ótýge shaqyrady. Jobalar pıtchıngi boıynsha Ámir Ámenovtyń «Arýjannyń alǵashqy mahabbaty» jobasyna UKKMO-da ótetin pıtchıngke shaqyrý sertıfıkaty jáne 30.000 teńge tabystaldy.

«RedMark» kompanııasy Araı Karımova («Obet»), Kýrdıýkova Iaroslava («Nastavnıkı»), Álibı Mýkýshev («Lastık») syndy jas kınogerlerge seriktestik usyndy. Sondaı-aq, Shuǵyla Serjannyń «Kútýdiń máni» jobasyn tolyqtaı tehnıkalyq qamtamasyz etetin bolady.

«FilmFilmFIlm» kompanııasy Anımaııalyq kıno rejısseriniń stýdenti Eldana Aımuhambetovanyń «Volıa k jıznı» bolashaq fılmine 50.000 teńge tabystady.

«Freedom Production International» uıymy Sanjar Amansýgýrovtyń «Aıgerim» derekti fılmin tańdap, jas rejısserge atalmysh prodakshnde taǵylymdamadan ótýge shaqyrdy.

«DNK» Korporaııasy «Metel» fılminiń rejısseri Ádilet Esimge jáne «Arýjannyń alǵashqy mahabbaty» jobasynyń avtory Ámir Ámenovke hard dısk tabystady.

«El arna» telearnasy «Poelýı v kýrılke» fılminiń rejısseri Malıka Baıjanovaǵa telekanalda tájirıbeden ótýge joldama bere otyryp, telearna efırinde fılmdi kórsetýge múmkindik berdi.

«Ametıst Prodakshn» kompanııasy Shuǵyla Serjan «Anamnyń aty Baqyt» fılmin marapattady.

«Salem Social Media» stýdııasynyń tańdaýy boıynsha «Odnajdy v gorode N» fılmi úzdik dep tanyldy. Jobalar pıtchınginen Almas Júsipovtiń «Vnýtrı» jobasyn tańdady. Eki jeńimpazdy «Salem Social Media» taǵylymdamadan ótýge shaqyrdy.

Jeńimpazdardy quttyqtaı otyryp, aldaǵy jumystaryna sáttilik tileımiz!