Sandardyń jalǵan sóılemeıtindigi belgili. Kıno naryǵy qatysýshylarynyń kezekti lokdaýndy otandyq prokattyń joıylýyna alyp keletin jaǵdaı dep ataýy oryndy. Munda 2020 jyldyń 1 toqsany men 2021 jyldyń 1 toqsany jaǵdaıynda daıyndalǵan salystyrmaly taldaýda keltirilgen keıbir shyǵyndardy usynamyz (aqparat RENTRAK málimetteri boıynsha berilgen).
2020 jylǵy 1 qańtardan 14 naýryzǵa deıingi aralyqta elimizde 368 kınozaly bar 102 kınoteatr qyzmet etken. 2021 jylǵy 1 qańtarda tek 89 kınoteatr óz jumysyn bastaı aldy, qalǵandary «qyzyl» aımaqta bolǵan. Búgingi tańda Almaty jáne Nur-Sultan qalalaryndaǵy elimizdiń kınokórsetilim naryǵynyń eń iri segmentterinde taǵy 31 kınoteatr jabyldy. Semeı qalasyndaǵy «Eńlik-Kebek», Almaty qalasyndaǵy «Silkway» jáne «Nomad» kınoteatry, banrottyqty boldyrmaý maqsatynda, kıno kórsetilim boıynsha óz qyzmetterin qaıta bastamaıtyn boldy.
2020 jylǵy 1 qańtardan 14 naýryzǵa deıingi aralyqta 117 fılm kórsetilgen, onyń ishinde:
qazaqstandyq - 17 (fılmderdiń jalpy sanynyń 14,5%), reseılik - 20 (17%), sheteldik - 80 (68%). 2021 jyldyń 1 toqsanynda 112 fılm kórsetilgen, onyń ishinde: qazaqstandyq - 9 (8%), reseılik - 26 (23%), sheteldik - 77 (68%). Gollıvýdtyń iri kompanııalarynyń relızderi shyǵarylmady, Qazaqstannyń jetekshi prodıýserlik kompanııalary da oryn alǵan jaǵdaılarǵa baılanysty kınoteatrlarda óz ónimderin kórsetkisi kelmeıdi. Otandyq fılmderdiń úlesi prokatta da, kassalyq alymy boıynsha da eki esege tómendese, sol ýaqytta reseılik jáne sheteldik kınonyń kassalyq alymy sáıkesinshe 3,4% jáne 19,1 % ósken.
2020 jylǵy 1 qańtardan 14 naýryzǵa deıingi aralyqta jalpy tabys 6 435 946 097 teńgeni quraǵan. Onyń ishindegi tabys úlesiniń kórsetkishteri: qazaqstandyq – 1 802 097 096 tg. (28%), reseılik – 659 838 772 tg. (10,2%), sheteldik – 3 974 010 229 tg. (61,7%). 2021 jylǵy 1 toqsan úshin jalpy tabys 3 357 692 636 teńgeni quraǵan. Onyń ishindegi tabys úlesiniń kórsetkishteri: qazaqstandyq – 191 212 822 tg. (5,6%), reseılik – 453 016 080 tg. (13,4%), sheteldik – 2 713 463 734 tg. (80,8%). Osylaısha, el boıynsha tabys úlesi 52,1% qurady.
Qazirgi ýaqytta zaldyń ortasha toltyrylýy 10%-ǵa jaqyndap keledi, biraq eń tómengi josparly toltyrý kórsetkishi 30% bolýy tıis. Bul jaǵdaıdyń oryn alǵanyna besinshi aıdyń júzi boldy jáne birqatar sebepterge baılanysty ındýstrııa qajetti qarqynǵa jete almaı jatyr. Iri kınokórsetilim naryqtaryn qaıta jabý jaǵdaıdy tek ýshyqtyrady. Kınokórsetilim naryǵynyń jalpy shyǵyndary qazirgi ýaqytta 15 mıllıard teńgeden astam qarajatty quraıdy. Qaıta qalpyna keltirý úshin kem degende 2-3 jyl qajet.
