Is-shara kınokórsetilim jáne dıstrıbýııamen aınalysatyndar úshin uıymdastyryldy. Tusaýkeserge «KınoPoısk» onlaın-kınoteatrynyń, «Meloman» jáne «Sulpak» jelileriniń, Chaplin, Cinemax, «Arman» jáne «Kınopark» kınoteatrlarynyń ókilderi shaqyryldy. ZOOM arqyly kezdesýge Astana, Qaraǵandy, Óskemen jáne basqa da qazaqstandyq qalalardaǵy kınoteatrlardyń basshylary qosyldy. Kınoortalyq atynan is-sharaǵa Basqarma tóraǵasy Esetjan Qosybaev, sondaı-aq Dırektorlar keńesiniń músheleri Ǵanı Qasymov pen Borıs Cherdabaev qatysty.
Kınoortalyqtyń Basqarma tóraǵasynyń orynbasary Baýyrjan Shókenov is-shara qonaqtaryna arnalǵan sózinde qazaqstandyq kınony ilgeriletý búgingi kúni UKQMO qyzmetindegi negizgi baǵyttardyń biri ekenin aıtty: «Biz aldymyzǵa qoıǵan maqsat – otandyq kınoprokattaǵy fılmderdiń úlesin 30 paıyzǵa deıin arttyrý».
B.Shókenovtiń aıtýynsha, bıyl QR Mádenıet jáne sport mınıstrligi qazaqstandyq fılmderdi nasıhattaýǵa jáne ilgeriletýge baǵyttalǵan eki baǵdarlamany josparlap otyr. Bıýdjeti 104 mln teńgeni quraıtyn birinshi baǵdarlama kınoteatrlarǵa, al 92 mln-dy quraıtyn ekinshi baǵdarlama dıstrıbýııa jáne ilgeriletý salasynda jumys isteıtin kompanııalarǵa arnalady.
«Búgin aldaryńyzda kórsetilgen kartınalardy qazaqstandyq kórermenniń nazaryna jetkizý úshin osy baǵdarlamalardy qalaı tıimdi paıdalaný kerektigin Sizdermen talqylaǵymyz keledi», - dedi Shókenov zalda jınalǵan kınoındýstrııa ókilderine.
Kórermender otandyq kartınalardyń tusaýkeserine joǵary baǵa berdi – treılerlerdiń kórsetilimderi dý qol shapalaqpen aıaqtaldy. «KınoPoısk» onlaın kınoteatrynyń ókili Alla Chýdjaeva qazaqstandyq kınokontent deńgeıine qatysty jalpy pikir bildirdi: «Men Ulttyq kınony qoldaý memlekettik ortalyǵyna úlken alǵysymdy bildirgim keledi. Mundaı is-sharalar jergilikti naryqta qandaı jańashyldyqtar paıda bolǵanynan habardar bolý úshin, birinshi kezekte, strımıng platformalary úshin óte mańyzdy. Bul netvorkıng, qarym-qatynas qurýǵa, salada ne bolyp jatqanyn túsinýge múmkindik beretin keremet alań. Qazaqstan qazir rasymen kınosy bar el jáne biz jergilikti kınonaryqqa úlken qulshynys bildiremiz».
Kesh jas rejısser Aldııar Baırakımovtyń «Paralımpıadashy» debıýttik fılminiń jabyq premerasymen aıaqtaldy. Kórermender kartınany jyly qabyldady.
Jurtshylyqqa usynylǵan fılm treıleriniń tizimi:
- «Alǵa», rej. E.Nurǵalıev
- «Dos-Muqasan», rej. A.Sahaman
- «Patrıottar ýaqyty», rej. S.Ótepbergenov
- «Paralımpıadashy», rej. A.Baırakımov
- «Adam jáne Alma», rej. A.Uzabaev
- «Tátti qyz», rej. M.Baljanov
- «1941-jyldyń jazy», rej. B.Shekerov
- «Kenje qyz», rej. I.Ardashov
- «Aqyn», rej. D.Ómirbaev
- «Shema», rej. F.Sháripov
- «Ómir», rej. E.Baıǵazın
- «Hırýrg», rej. A.Ámirqulov
- «Aýyl», rej. S.Aprymov
- «Baýyrlar», rej. D.Túlegenov
- «Ademokanyń oqýy», rej. Á.Erjanov
- «Ot», rej. A.Qasymbek
- «Besmoınaq», rej. E.Tursynov
- «Aq boz úı», rej. B.Elýbaev
- «Tarlan», Iý.Zaharova
- «Tyrna, tyrna, tyrnalar», rej. D.Manabaı
- «Mama, men tirimin», rej. A.Zaırov, M.Mamyrbekov
