Shyǵarmashylyq kezdesýler aıasynda 10 teatr, sonyń ishinde Ózbekstan Respýblıkasy Ózbek ulttyq akademııalyq drama teatry men Qyrǵyz Respýblıkasy B.Qydykeeva atyndaǵy Qyrǵyz memlekettik jastar teatry, Q.Qýanyshbaev atyndaǵy Qazaq memlekettik akademııalyq mýzykalyq-drama teatry, Ǵ.Músirepov atyndaǵy Qazaq memlekettik akademııalyq balalar men jasóspirimder teatry, M.Gorkıı atyndaǵy Memlekettik akademııalyq orys drama teatry, Qazaqstan Respýblıkasynyń Ulttyq ulan án-bı ansambli, Nur-Sultan qalasy ákimdiginiń Jastar teatry, «Astana Musical» memlekettik teatry jáne Á.Mámbetov atyndaǵy memlekettik drama jáne komedııa teatry elordalyq kórermender men teatr synshylary nazaryna úzdik qoıylymdaryn usyndy.
Shyǵarmashylyq kezdesýler aıasynda usynylǵan qoıylymdar arnaıy shaqyrylǵan teatr synshylary tarapynan taldanyp, talqylandy.
Sarapshylar alqasynyń quramynda Qazaqstannyń eńbek sińirgen qaıratkeri, Muhtar Áýezov
atyndaǵy Qazaq ulttyq akademııalyq drama teatrynyń dırektory, ónertaný ǵylymdarynyń kandıdaty, sarapshylar alqasynyń tóraǵasy Erkin Jýasbek, Qazaqstannyń halyq ártisi, Memlekettik syılyqtyń laýreaty, «Qazaqstan teatr qaıratkerleri» odaǵynyń tóraǵasy, teatr jáne kıno aktery Tuńǵyshbaı Qadyruly Jamanqulov, Qazaq ulttyq óner ýnıversıtetiniń aǵa oqytýshysy, teatrtanýshy, ónertaný ǵylymdarynyń magıstri Aızat Qadyralıeva, Jumat Shanın atyndaǵy Shymkent qalalyq akademııalyq qazaq drama teatry dırektorynyń orynbasary, ónertaný ǵylymdarynyń magıstri, teatrtanýshy Tımýr Nuralyuly Ahmetov, Qalıbek Qýanyshbaev atyndaǵy Memlekettik akademııalyq qazaq mýzykalyq-drama teatrynyń kórkem ádebıet jáne ǵylymı qor bóliminiń meńgerýshisi, ónertaný magıstri, teatrtanýshy Mıras Ábil bar.
Teatrlardyń baılanysyn nyǵaıtý maqsatynda sheberlik synyptary uıymdastyryldy. Spıkerler: Erkin Jýasbek, Tuńǵyshbaı Jamanqulov, Tilektes Meıramov, Farhat Moldaǵalı, Ashat Maemırov, Karypbaev Ýlanmyrza, Mambetova Nazıra.
Bas-aıaǵy on kúnge sozylǵan is-shara aıasynda elordalyq kórermender "Jibek" (Nur-Sultan qalasy ákimdiginiń "Jastar" teatry), "Jeńis jalaýy" (Ulttyq ulan án-bı ansambli), "ENT tapsyrmaımyn" (Astana Musical memlekettik teatry), "Qulager" (Ǵ.Músirepov atyndaǵy Qazaq memlekettik akademııalyq balalar men jasóspirimder teatry), "Tynyshtyq kúzetshisi" (Á.Mámbetov atyndaǵy memlekettik drama jáne komedııa teatry), "Iman" (Ózbek ulttyq akademııalyq drama teatry), "Abaı-Toǵjan" (Nur-Sultan qalasynyń Mýzykalyq jas kórermen teatry), "Jarqyn oılar" (M.Gorkıı atyndaǵy Memlekettik akademııalyq orys drama teatry), "Úmit" (Baken Qydykeeva atyndaǵy Qyrǵyz memlekettik jastar teatry), "Bopaı hanym" (Q.Qýanyshbaev atyndaǵy Memlekettik akademııalyq qazaq mýzykalyq-drama teatry) spektaklderin tamashalaýǵa múmkindik aldy.
Shyǵarmashylyq kezdesýlerdiń jabylý saltanatynda sarapshylar men qatysýshy teatr basshylaryna alǵys hat pen dıplom tabystaldy.
