Onlaın formatta ótken sharaǵa Germanııa, Chehııa, Reseı, Lıtva, Danııa, Ózbekstan, Qyrǵyzstan, Qazaqstan, Portýgalııa, Tájikstan jáne Túrkimenstan elderiniń kınoındýstrııa mamandary qatysty.
Qatysýshylar usynǵan jeńimpaz jobalar qomaqty júldelermen yntalandyryldy.
Sonymen, Súıinbıke Sýleımenovanyń «MÄTIL» jobasy DOK Leipzig halyqaralyq kınofestıvaliniń ókili Ýlrıke Shmıdttiń nazaryna iligip, jobanyń avtory bıyl Germanııada ótetin DOK Leipzig jıynyna qatysýǵa akkredıtaııa aldy, sondaı-aq halyqaralyq ko-prodýkııa óndirýge baǵyttalǵan eýropadaǵy DOK Co-Pro iri kınonaryǵyna baqylaýshy esebinde qatysý múmkindigine ıe boldy.
«Artdokfest» halyqaralyq derekti kınofestıvaliniń prezıdenti, rejısser-dokýmentalıst Vıtalıı Manskıı «Ózen qandaı tús kóredi» jobasyn (rej: Krıstına Mıhaılova, prod: Dana Sabıtova) úzdik dep tanydy. Sondaı-aq, Dıana Jılkenovanyń «Jertóle» dep atalatyn týyndysyna erekshe baǵa berdi. Bul jeńimpaz jobalar bıylǵy jyldyń 9-12 qyrkúıeginde ótetin Artdocfest/Riga pıtchıngine qatysýǵa múmkindik alyp, bıyl jeltoqsan aıynda Máskeýde ótetin «Artdokfest» festıvaline sapar (trevel-grant) shegedi.
Al Internews ókilderi Alevtına Madıarova men Manana Aslamazıan «Baldaı tátti dúmbil» fılmine 1000 dollar kóleminde aqshalaı syılyq berdi (rej: Aıjan Qasymbek, prod: Dıana Ashımova).
