Bıyl 23-28 qyrkúıek aralyǵynda Almatydaǵy «Arman» kınoteatrynda QaraFest festıvaliniń fılmderi kórsetildi. Al 30 qyrkúıek pen 9 qazan aralyǵynda qarafilmfest.kz alańynda onlaın-festıval ótti.
QaraFest baǵdarlamasynda Chılı, Túrkııa, Shveııa, Germanııa, Norvegııa, Fınlıandııa, Grýzııa, Belgııa, AQSh jáne Rýmynııadan 10 týyndy kórermen nazaryna usynyldy. Barlyq fılmder túpnusqa tilinde, qazaq jáne orys sýbtıtrlerimen kórsetildi.
Kórsetilimder Soros-Qazaqstan qorynyń jáne Nıderlandtyq movies That Matter kınofestıvaliniń granttar baǵdarlamasynyń qoldaýymen uıymdastyryldy.
Bul festıval 2020 jyldan beri uıymdastyrylyp keledi, áıtse de, joba avtory ári menedjeri Ýlıana Toporovskaıanyń aıtýynsha, bıyl alǵash ret ári onlaın, ári oflaın ótken.
«Bıyl oraıy kelip, festıval fılmderi onlaın ǵana emes, kınoteatrda da kórsetý múmkindigi týǵanyna áli de sene alar emespin. Bizdiń fılmderdi «Arman» kınoteatrynan jáne qarafilmfest.kz alańynan onlaın kórgen árbir kórermenge alǵysym sheksiz. Bıyl festıval baǵdarlamasyna tańdalǵan árbir týyndy kórermenniń jan-dúnıesine jol taýyp, ár keıipker óz taǵdyrymen tolǵandyrdy dep senemin hám úmittenemin», - dedi Ý.Toporovskaıa.
Festıvaldi bıyl alǵash ret uıymdastyrylyp otyrǵan halyqaralyq baıqaý qorytyndylady, onda 4 nomınaııa boıynsha júlde taǵaıyndaldy.
Sonymen, «Úzdik fılm» júldesi (2000 evro) «Qańǵybastar» (rej: Elızabet Lo, AQSh) fılmine buıyrdy. Bul týyndy Stambýldyń kezbe kóshelerin kezip júrgen úsh ıttiń kózimen baspanasyz ómir súrýdiń qandaı bolatynyn kórsetedi. Zeıtın, Nazar jáne Kartal atty úsh ıt ár kúnin jeıtinge tamaq, jatatynǵa turaq izdeýmen ótkizedi. Qyzyqqa qumar ıtter qaraýsyz qalǵan úıler men shýly kóshelerdi kezip, burysh-buryshty tintýden sharshamaıdy, sol arqyly avtor túrik qoǵamynyń kóleńkede qalǵan ómirin kórsetkisi kelgendeı.
«Úzdik rejıssıor» nomınaııasynda (2000 evro) «Áýlıe áke» týyndysy (Rýmynııa) úshin Andreı Daskaleský jeńimpaz atandy. Andreı esimdi rejısser men onyń jubaıy Paýla ekeýi alǵash ret ata-ana atanbaq. Andreıdiń ózi ákesiz ósedi. Áke bolýdyń qyr-syryn túsiný úshin es bilgeli kórmegen ákesin izdep-taýyp, onymen tatýlasýǵa bel býady. Búginde Afonda monah bop júrgen ákesinen otbasyn tastap ketýiniń sebebin surap-bilýge, túsinýge tyrysady. Fılm áke men bala arasyndaǵy qarym-qatynas qalaı órbitınin baıandaıdy.
Ádil-qazy alqasynyń arnaıy júldesin (1000 evro) «Baǵban» kartınasy (rej: Salome Djashı, Grýzııa) aldy. Fılmde Grýzııa jaǵalaýlarynan osy eldiń burynǵy premer-mınıstriniń jeke baqshasyna «kóship» bara jatqan iri, ádemi aǵashtar týraly baıandalady ári eks basshynyń jeke baǵyn bezendirý úshin orasan kúsh pen resýrs ketetini kórsetiledi. 100 jyldyq tarıhyn artqa tastap Qara teńizdi kesip ótip bara jatqan aǵashtardyń oqıǵasy oılandyrmaı qoımaıtyny anyq. Fılm premerasy 2021 jyly Sundance Film Festival halyqaralyq kınofestıvalinde kórsetildi.
Jastardan quralǵan ádil-qazy ujymy «Ózimizdiń jigitter» (rejıssıorleri: Djo Vemıýnd Svendsen, Petter Sommer, Norvegııa) fılmin úzdik dep tanydy. Orta jastaǵy 25 jigit ár seısenbide kúndelikti tirshilikten bas alyp, áıel, bala-shaǵasyn úıge tastap, birge rok-ánder aıtýǵa jınalady. Dostyq, baýyrmaldyq, mýzykaǵa degen mahabbat jáne ómirdiń qundylyqtary týraly fılm.
Aıta keteıik, júldeni ádil-qazy alqasynyń 3 sanaty taǵaıyndady: halyqaralyq tóreshiler, jastar tóreshisi jáne ózderińiz, qurmetti kóremen.
Halyqaralyq tóreshiler quramyna:
- Ondreı Kamenıkı, One World adam quqyqtary týraly halyqaralyq derekti fılmder festıvaliniń dırektory (Chehııa);
- Marıam Chýtkerashvılı, CinéDOC-Tbilisi halyqaralyq derekti fılmder festıvaliniń baǵdarlama úılestirýshisi (Grýzııa);
- Rýslan Iakýpov, Styq táýelsiz mýzykalyq birlestiginiń negizin qalaýshy, «Tranforma» teatrynyń art-menedjer (Qazaqstan).
Júldegerler tizimi munymen bitpeıdi. Endi kórermen qaýym óziniń súıikti týyndysyna daýys berip, «Kórermen kózaıymy» nomınaııasynyń jeńimpazyn anyqtaı alady. Ol úshin 13 qarashaǵa deıin (biraq kem degende 200 adam daýys berse ǵana, daýys berý aıaqtaldy dep sanalady) qarafilmfest.kz saıtynda onlaın daýys berýińiz qajet. Jeńimpazǵa 1,500 eýro kólemde aqshalaı syılyq tabystaımyz.
Joba avtory Ýlıana Toporovskaıa kórermenge bıylǵy festıval baǵdarlamasyna zor qyzyǵýshylyq tanytqany úshin alǵysyn bildirdi. Onyń aıtýynsha, bıyl fılmderi onlaın jáne offlaındy qosa alǵanda barlyǵy 3500 kórermen tamashalaǵan.
«Kórermenniń ystyq yqylasy men keri baılanysy erekshe qýantty. Álbette, jobanyń bolashaǵy týraly bir sózben aıtýǵa áli erte. Bul tájirıbeni taldaýdan ótkizip, oń-solyn túzetip, bolashaq baǵyt-baǵdarymyzdy túzý úshin biraz ýaqyt kerek. Desek te, aldaǵy ýaqytta da osyndaı janǵa jyly, júrekke jumsaq, kóńilge jaıly týyndylardy kórermenge usynǵym keledi. Sondaı-aq, Orta Azııa dokýmentalısterine arnalǵan AÝT Central Asia alańyn damytýǵa kóp kóńil bólemin», - dep túıdi Ýlıana Toporovskaıa.
Aıta keteıik, Qara Fim Festival aıasynda bıyl elimizde alǵash ret AÝT Central Asia 2021 Ortalyq Azııadaǵy derekti jobalar pıtchıngi ótti. Materıalǵa silteme
