Jýyqta Mańystaý oblysynyń ortalyǵy Aqtaý qalasyndaǵy biregeı óner ortalyǵy Nurmuhan Jantórın atyndaǵy mýzykalyq drama teatrynyń shańyraq kótergenine 20 jyl tolýyna oraı «Jantórınshe jańǵyrý» atty Respýblıkalyq ǵylymı-shyǵarmashylyq konferenııasy bolyp ótti. Bul alqaly jıynǵa Mańǵystaý óńiriniń basshysy Nurlan Noǵaev jáne QR Eńbek Eri, KSRO jáne Qazaqstannyń halyq artısi, KSRO jáne Qazaqstannyń Memlekettik syılyǵynyń laýreaty, professor Asanáli Áshimov jáne N.Jantórın teatrynyń negizin salýshy, sol ujymdy birneshe jyl qatarynan basqarǵan Nurnııaz Muqanov bastaǵan elimizdiń mańdaıaldy óner qaıratkerleri, respýblıkamyzdyń teatr dırektorlary, teatr rejısserleri men akterleri qatysty. Konferenııa moderatory – Ashat Maemırovtyń basqarýymen ótken basqosýda qazirgi tańdaǵy teatr óneriniń ózekti máseleleri kóterildi. Atap aıtqanda, búgingi teatr isin basqarýdyń zańnamalyq júıesi men qujattamalarynyń áli de jetik emestigi basa aıtyldy. M.Áýezov atyndaǵy Qazaq ulttyq akademııalyq drama teatrynyń dırektory, ónertaný kandıdaty Erkin Jýasbek óz sózinde ónerdi óńirlik nemese astanalyq dep qarastyrýdyń ózi túbegeıli durys emestigin tilge tıek ete otyryp, «Mańǵystaý jeri ulttyq ónerdiń tal besigi. Sonyń ishinde N.Jantórın teatry onyń júregi. Endi osy teatrdyń janynan óziniń kınostýdııasyn ashyp, akterlerdiń tanymaldylyǵyn arttyrýdyń, osy oblystyń ózin óner ortalyǵyna aınaldyrýdyń joldaryn qarstyrý kerek. Buǵan munaıly óńirdiń shamasy ábden jetedi», – degen pikirin bildirdi. Konferenııada baıandama jasaǵan Qazaqstan teatr synshylary birlestiginiń tóraıymy, ónertaný kandıdaty, Temirbek Júrgenov atyndaǵy Qazaq ulttyq óner akademııasynyń professory Anar Erkebaı búgingi tańda qazaq rejıssýrasynyń jas ókilderiniń shyǵarmashylyǵyna toqtala kelip, olardyń qazirgi tańdaǵy izdenisterin, alys-jaqyn shetelge tanylyp úlgergenin baıandady. Alaıda, qaısybir teatrlardyń jas rejısserlermen shyǵarmashylyq baılanysty áli de ornata almaı jatqandyǵyn, «Drama.kz» jobasy syndy jańa dramatýrgııamen jumys jasaýda artta kele jatqandyǵyna toqtalyp ótti.
Qazaq teatr óneriniń damýyna jańasha oılaýdyń, kreatıvtik kózqarastyń qajettiligi týraly oı qozǵaǵan Temirbek Júrgenov atyndaǵy Qazaq ulttyq óner akademııasynyń rektory Azamat Satybaldynyń pikiri de tyńdaýshylardyń qyzyǵýshylyǵyn oıatty.
Sonymen qatar, konferenııada búgingi qazaq sahnasynda mýltımedıalyq senografııanyń, jalpy sahnany bezendirý óneriniń kemshin, osal tustary kóp ekeni baıandaldy. Jas mamandardyń teatrǵa turaqtamaýynyń negizgi sebepteri qandaı degen suraqtyń tóńireginde áńgime órbip, eń bastysy, jastardy qyzyqtyratyn repertýardyń, olardy úıirip áketetin materıal men rejıssýranyń joq ekendigi de oıǵa tamyzyq boldy.
Aqmola oblystyq orys drama teatrynyń dırektory Beıbit Baqtygereev respýblıkalyq teatr basshylarynyń basyn biriktiretin Qazaqstan teatr dırektorlarynyń gıldııasyn qurý jaıynda usynys jasady. Usynys qyzý qoldaý tapty. Zaman ózgergen saıyn túrlenip otyratyn basqarýshylyq-ákimshilik qujattardy durys meńgerý, sońǵy teatrlyq jańalyqtarmen almasý, shyǵarmashylyq yntymaqtastyqty, gastroldik barys-kelisti kúsheıtý maqsatynda qurylyp jatqan bul uıymnyń qazirgi kúnde asa qajettiligine kózimizdi jetkizdi.
Keleli kezdesýde sóz alǵan Mańǵystaý oblystyq mýzykalyq-drama teatrynyń dırektory, ári bas rejısseri Gýlsına Mırǵalıeva ujymnyń jıyrma jylda aıaǵynan tik turýy, qalyptasýy kezeńindegi kezdesken qıyndyqtary men jetken jetistikterin baıandaı otyryp, bolashaqta osy óńirde sáni men saltanaty kelisken zamanaýı teatr ǵımaratynyń boı kóteretindigin, onda eń sońǵy ınnovaııalyq qurylǵylardyń ornatylatyndyǵyn maqtanyshpen aıtty. Jańa ǵımarattyń jobasy jasalyp, qurylys boı kóteretin alańnyń belgilenip, alǵashqy daıarlyqtardyń bastalyp ketkendigine de toqtaldy.
Konferenııanyń qorytyndysynda sóz alǵan Mańǵystaý oblysynyń ákimi Nurlan Noǵaev teatr óneriniń naǵyz janashyry ekenin baıqatty. Konferenııada kóterilgen qaısybir máselelerdiń, ásirese, teatrdy jańa tehnologııalarmen jabdyqtaý, t.b. túıitkilderdiń sheshiletindigin de tilge tıek etti. Osyndaı konferenııalardyń mańyzdylyǵyn alǵa tarta otyryp, 20 jyldyǵy atap ótilip jatqan Nurmuhan Jantórın atyndaǵy óner ujymynyń birqatar qyzmetkerlerin arnaıy alǵys hattarmen marapattady.
Basqosýdyń ekinshi bóliminde Nurmuhan Jantórın atyndaǵy mýzykalyq-drama teatrynyń 20 jyldyq shyǵarmashylyǵyn baıandaıtyn foto-albom men ujymnyń sahnagerleri týraly shyqqan estelik kitapshalardyń tusaý keser rásimi ótkizildi. Ár akterdiń oınaǵan rolderi men olar jaıynda jazylǵan pikirler óner súıer qaýymnyń qyzyǵýshylyǵyn arttyratyny ras. Bul basqa óner ujymdaryna úırenerlik ónege. Konferenııanyń jalǵasy «Súıem seni, teatrym» atty konerttik merekelik is-sharaǵa ulasty. Konertte teatrdyń negizin salýshy ónerpazdarmen birge búgingi tańda eńbek etip jatqan shyǵarmashylyq top qyzyl kilem ústimen júrip, súıikti kórermenimen qaýyshty. Qýanyshty bólisýge kelgen kózi qaraqty kórermen ózderiniń ardaqty sahnagerlerin zor qoshemetke bólep, yqylasyn syılady. Merekede ujymnyń úzdik spektaklderinen úzindiler kórsetildi. Bul teatr repertýaryn tanýǵa múmkindik berdi. Ásem án men jyrǵa, órnekti bı men kúıdi tógiltken konerttik baǵdarlama tamashalaýshyǵa kóterińki kóńil kúı syılap, mártebeli qonaqtar men kórermenderdiń talǵamynan shyqty.
Mańǵystaý oblystyq N.Jantórın atyndaǵy mýzykalyq-drama teatrynyń ujymyn 20 jyldyq mereıtoılarymen quttyqtaı otyryp, shyǵarmashylyq tabystar tileımiz. Osy sahna quryltaıynda aıtylǵan oılar men jobalardyń júzege asýyna tilektespiz.
Merýert Jaqsylyqova,
teatrtanýshy, ónertaný kandıdaty, professor
