Almaty qalasy ákimdiginiń uıymdastyrýymen "Alataý" dástúrli óner teatrynda qańtardyń 30-juldyzy men aqpan aıynyń 7-si aralyǵynda qazaq dástúrli mýzykasynyń konerttik keshteri ótedi. Toǵyz kún ishinde Altaı-Tarbaǵataı óńiriniń dástúrli mýzykasynan bastap, Arqanyń, Syr óńiriniń, Batys Qazaqstan óńiriniń dástúrli ánine sala kep, dástúrli án maıtalmandary - Nurjan Janpeıisov pen Erkin Shúkimannyń jáne kúıshi Batyrjan Myqtybaevtyń shyǵarmashylyq keshteri ár kúni tyńdarman qulaǵynyń quryshyn qandyrmaq.
Konertik keshterdiń uıymdastyrylýynyń basty sebepteriniń biri - úlken mereke barysynda halqymyzdyń qońyr áýeni men syrly kúıin el arasynda dáripteý jáne qazaq halqynyń ejelden kele jatqan qonaq kútý saltynyń sıpaty ispetti, ártúrli elderden jınalǵan sportshylar men olardyń jankúıerlerine erekshe jylylyqpen jaıylǵan qushaǵyn kórsetip, qazaq mádenıetimen barynsha keń tanystyrý.
