24-aqpan kúni Batys Qazaqstan oblystyq máslıhatynyń sheshimimen oblystyq drama teatrǵa KSRO jáne Qazaqstannyń halyq artısi, KSRO Memlekettik syılyǵy laýreaty, professor Hadısha Bókeevanyń esimi berildi. Bul týraly Batys Qazaqstan oblysy ákiminiń baspasóz qyzmeti habarlady.
Hadısha Bókeeva 1917-jyldyń 21-aqpanynda Batys Qazaqstan oblysy, Kaztalov aýdany, Kaztalovka aýylynda dúnıege kelip, 31.01.2011-jyly 31-qańtarda Almaty qalasynda qaıtys bolǵan. Qazaqstan jáne burynǵy sovetodaǵynyń kıno jáne teatr aktrısasy, teatr qaıratkeri, professor. KSRO jáne Qazaqstannyń halyq ártisi. KSRO Memlekettik syılyǵynyń laýreaty. Qazaqstan Respýblıkasynyń eń joǵarǵy «Otan ordeni» men marapattalǵan (2000 jyly).
Bıyl Hadısha Bókeevanyń týǵanyna 100 jyl. Aktrısanyń júz jyldyq mereıtoıy qurmetine M.Áýezov atyndaǵy Qazaq Memlekettik akademııalyq drama teatry «Teatr kóktemi-2017» festıvalin Hadısha Bókeevaǵa arnap ótkizbekshi.
Festıval 13-18 naýryz aralyǵynda M.Áýezov teatrynda ótedi.
Fotolar M.Áýezov atyndaǵy Qazaq Memlekettik akademııalyq drama
teatrynyń saıtynan alyndy.
