2017 jyldyń 13-18 naýryzy aralyǵynda dástúrli «Teatr kóktemi-2017» festıvali ótedi. Bıylǵy festıval Qazaqstan jáne KSRO halyq artisi, KSRO Memlekettik syılyǵynyń laýreaty, professor Hadısha Bókeevanyń 100 jyldyǵyna arnalady.
Festıvalge qatysqaly otyrǵan qoıylymdarǵa toqtalyp óter bolsaq:
1. Ǵ.Músirepov «Aqan seri-Aqtoqty» (tragedııa). Qazaq án óneriniń aqıyǵy Aqan seriniń ómirinen jazylǵan Ǵ.Músirepovtyń bul pesasy qazaq dramatýrgııasynyń klassıkasy. Qoıylym Aqan seri men Aqtoqty arasyndaǵy mahabbat jelisine qurylǵan. Spektaklde eski men jańanyń tartysy, mahabbat úshin kúres, ótken zamandaǵy óner adamynyń beınesi jan-jaqty kórinis tabady.
2. M.Omarova «Aqtastaǵy Ahıko» (drama). Bul - teatrdyń Táýelsizdiktiń 25 jyldyǵyna arnaıy jasaǵan qoıylym. Spektakl 15 jasynda jazyqsyz sottalyp, KarLAG túzetý lagerine túsken Ahıko Teýro atty japon azamatynyń qıyn da kúrdeli taǵdyryn arqaý etken. Qoıylymda Ahıko beınesi arqyly HH ǵasyrdyń orta sheninde naqaq sottalǵan Alash azamattarynyń jáne qazaq halqynyń keń minezi men baýyrmaldyǵy da kórinis tapqan.
3. R.Kýnı «Manı-Manı» (komedııa). Áıgili aǵylshyn dramatýrgi Reı Kýnıdiń kúlkimen kómkerilgen «Manı-Manı» pesasy ǵaıyptan taıyp metrodan tabylǵan bir chemodan aqshanyń tóńiregindegi adamdardyń áreketimen órbıdi. Aqsha úshin nebir aıla men qýlyqqa barǵan keıipkerler kórermenin kúldire otyryp, oılandyrady.
4. Q.Murattyń «Baqyt kilti» (drama). «Baqyt kilti» - qazirgi zaman qoıylymy. Qaraýsyz qalǵan altyn kenin ıgermekke bel baılap, kásipkerlikke bet burǵan Baýyrjannyń maqsatyna jetý jolyndaǵy kúresi, kedergiler arqyly spektakl mazmuny ashyla túsedi. Sátti tańdalǵan mýzyka, spektakl atmosferasyn anyq beretin dekoraııa bári de kórermenin oqıǵa ishine engizedi. Ári bul spektakl Elbasynyń kásipkerlikti qoldaý, jemqorlyqpen kúresý týraly bastamalarymen de úndes.
5. M.Omarova «Kómbe nannyń dámi» (drama, premera). Qoıylym túrli tarıhı jaǵdaıda Qazaqstanǵa jer aýdarylǵan ulttardyń taǵdyryn arqaý etken. Sol surqaı zamandaǵy adam taǵdyryn kórsete otyryp, dosqa qushaǵy ashyq, meıirimi men qaıyrymy mol qazaq halqynyń mártebesin kóteredi. Tarıhty negiz etken qoıylymnyń aıtar oıy - keshegi qıyn kúnder arqyly búgingi tynyshtyq pen berekeniń narqyn bilýge, baǵalaýǵa shaqyrady.
Sondaı-aq, festıval aıasynda áıgili teatr jáne kıno akterlermen kezdesý, shetel teatr mamandarynyń qatysýymen master-klastar jáne «Hadısha Bókeeva jáne búgingi akterlik ónerdiń máseleleri» atty halyqaralyq ǵylymı praktıkalyq konferenııa ótedi. Sondaı-aq, BAQ ókilderin arnaıy marapattaý sharasy bolady.
18 naýryz saǵ.17.00 KSRO halyq artısi H.Bókeevany eske alý keshi ótedi,-dep habarlaıdy M.Áýezov atyndaǵy Qazaq memlekettik akademııalyq drama teatrynyń baspasóz qyzmeti.
Kórneki fotolar teatr saıtynan alyndy.
