Kınobaıqaýda baǵyn synaǵan árbir eldiń fılmderin tamashalaı otyryp, jańa álem esigin ashqandaı sezimde bolǵanymyzdy jasyra almaımyz. Sonyń biri – gaıtılyq rejısser ári prodıýser Gettı Felınniń «Gaıtı – mahabbatym meniń» atty kórkemsýretti fılmi. Atalmysh fılm kórermenge Gaıtı Respýblıkasyn basqa qyrynan kórsetýge umtylys jasaıdy. Jergilikti halyqtyń turmys-tirshiligi jáne nanym-senimderimen tanystyrady.
«Gaıtı – mahabbatym meniń» fılmindegi keıipkerlerdiń túrli-tústi kıimder kııýi, adam jaratylysyn tabıǵatpen salystyrý, sonymen qatar, fılmde keıipkerler arqyly aıtylǵan dana sózder avtordyń týǵan jerge, óz halqyna degen ystyq mahabbatyn baıqatady. Bul fılmde belgili bir sıýjettik baǵyt baıqalmaıdy, alaıda, kórinis arqyly tek avtordyń ishki sezimin jetkizedi. Iaǵnı, fılmniń basty maqsaty – keıipkerlerdiń basynan ótip jatqan oqıǵany bir tizbektep jetkizýdi emes, ishki emoıonaldy turǵyda jetkizýdi kózdeıdi. Rejısserdiń aıtýy boıynsha, jergilikti turǵyndar o dúnıelik bolǵan adamnyń jany sý astyna ketip, denesindegi artyq zattar teńiz tolqynymen qurǵylyqqa shyǵady degenge senetin kórinedi. Osyny rejısser basty nysaǵa ala otyryp, jıi bolyp turatyn tabıǵat apattarynyń bergen zalalyn kórsetýge tyrysady. Iaǵnı, fılmde adamnyń qaıtys bolǵany ashyq túrde kórsetilmeı, kıimderdiń teńiz jaǵasyna tolastaýy arqyly baıqatady. 2010 jyly Gaıtıde bolǵan qýatty jersilkinisi úsh júz myńnan astam adamnyń ómirin qıdy. Kóptegen mádenı qurylystardy qıratty. Degenmen de, bundaı qaıǵyǵa dýshar bolǵan halyqtyń rýhyn syndyrmaǵan. Rejısser, fılmdi jersilkinisinen keıingi ómirdi sýretteı otyryp, halyqtyń burynǵysha ómir súrýin jalǵastyra beretinin, tirshilik etýge qaýipti meken bolsa da, týǵan mekendi tastap ketpeýge bekingen halyqtyń rýhyn kórsetedi.
Qoryta aıtqanda, Mega Silk Way oıyn-saýyq ortalyǵyndaǵy Chaplin Cinemas kınoteatrynda kórsetilgen «Gaıtı – mahbbatym meniń» fılmi astanalyq kórermenderdiń kóńiliniń tórinen oryn aldy. Endeshe, fılmniń kórsetiliminen keıingi kórermender men rejısser arasynda bolǵan dıalogty usynamyz.
Kórermen: Fılmde kórsetilgen basty keıipker (áıel) qandaı ról atqarady? Sol keıipker arqyly rejısser ne kórsetkisi kelgen eken?
Rejısser: Ózińiz qalaı oılaısyz?
Kórermen: Meniń oıymsha, ol jınaqtalǵan beıne sııaqty. Basynda, biz ony o dúnıelik bolǵan rýh retinde qabyldadyq, al, fılmniń sońyna qaraı, ol tiri adamdarmen sóılese bastady. Nátıjesinde, bir áıel arqyly barsha halyqtyń beınesin kórsetýge umtylys bar sııaqty kórinedi.
Rejısser: Árıne, sizdiń kóz-qarasynyń óte durys. Biraq, meniń aıtqym kelgeni, eger rejısser fılm túsirse, kórermen ony óz yrqyna qaraı qabyldaıdy. Sonymen, fılm rejısserge emes, kórermenge tıesili bolyp shyǵady. Osynda otyrǵan ár kórermen atalmysh fılmdi ózdiginshe taldaı alady, nátıjesinde men túsirgen fılm meniki emes, sizderdiki bolady.
Kórermen: Fılmde kórsetilgen keıipkerler jaıynda aıta ketseńiz. Olar kásibı akterler me?
Rejısser: Joq. Shyn máninde, fılmde kórsetilgen balyqshylardyń tirshiligi – shynaıy kórinis. Gaıtı turǵyndary maǵan senim artady, sol sebepti fılmge túsýge esh qarsylyq bildirmedi. Al, basty róldegi áıel – meniń jaqyn qurbym. Jas jigit – meniń ulym. Osy fılmdi túsirýge meniń ulym úlken septigin tıgizdi. Onyń obrazy meni shabyttandyrdy. Sodan onyń fılmge túsýin ótinip suradym. Alaıda ol qarsylyq bildirdi. Biraq tórt tilde (gaıtı, franýz, aǵylshyn, japon tilderi) sóıleı alatyn akter tabý men úshin qıynǵa soqty. Sodan ulymnan fılmge qatysýyn ótine suradym. Ol kelisti, alaıda bir shartpen: meniń kele jatqan týǵan kúnime, jańa jylǵa, analar kúnine arnalǵan syılyq bolsyn dedi, endi kelispeýge amalym joq. Osy fılmnen keıin odan artyq eshteńe suraı almaımyn (jymıyp).
Kórermen: Fılmdi kórip otyryp, biz úlken áser aldyq. Shyndyǵyn aıtý kerek, fılmniń atmosferasy óte qaıǵyly. Sizdiń bizge jetkizgińiz kelgen emoıonaldy ınformaııańyz tolyqtaı jetkizildi dep aıta alamyn. Sonymen meniń suraǵym, 2010 jyly bolǵan jersilkinisinen zardap shekkenderdiń arasynda ózinińdiń týǵan-týystaryńyz boldy ma?
Rejısser: Bolǵan apattan qaıtys bolǵan 300 myń adam meniń týǵan-týystarym. Arasynda, eń jaqyn qurbym da qaza tapty. Onyń esimi Magalı bolatyn, ol Gaıtıdegi femınıstik baǵytta qyrýar jumys atqarǵan qurmetti qaıratkerlerdiń biri. Odan aıyrylyp qalý men úshin óte qıynǵa soqty. Fılmdegi basty keıipker de qurbymnyń bir bóligin kórsetedi.
Kórermen: Siz qazaqstandyq fılmderdi kórdińiz be?
Rejısser: Qazaqstanǵa jol júrgeli turǵanymda, anam qaı jerge barasyń dep surady. Men Qazaqstanǵa dep qýana jaýap berdim. Sodan, ol barlyq tanystarǵa habarlasyp, meniń óte alys jerge jol júrgeli jatqanymdy aıtyp qoıypty. Osynda kelgenimde, olar maǵan habarlasyp, sizderge ystyq sálem joldady. Al, qazaqstandyq fılmder jaıynda aıtatyn bolsam, sizderdiń kınematografı ónerińiz keń aýqymdy. Óte baı. Ókinishke oraı, Amerıkada sizderdiń fılmderińizben jaqynyraq tanysýǵa múmkindikter óte az, al osy uıymdastyrylyp otyrǵan kınofestıval men úshin qazaq kınematografııasyna ashylǵan esik sııaqty boldy.