Qyrkúıek aıynyń 2-8 aralyǵynda Astana qalasynda ótken óner dodasynda elimizdiń ár óńirinen kelgen 13 jas rejısser túrli baǵyt pen janrdaǵy, ár alýan taqyryptaǵy qoıylymdardy kórsetip, tyń dúnıelermen serpilis alyp keletin jas býynnyń qalyptasyp kele jatqandyǵyn taǵy bir dáleldedi.
Atap aıtar bolsaq, óner súıer qaýym M.Áýezov atyndaǵy Qazaq memlekettik akademııalyq drama teatrynda J.Erǵalıevtiń "Qas-qaǵym" metafızıkalyq tragedııasyn sahnalaǵan Elik Nursultan, Aqtóbe oblystyq Alaqaı qýyrshaq teatrynda N.Gogoldiń "Shapan" spektaklin qoıǵan Meıram Habıbýllın, Aqmola oblystyq Sh.Qusaıynov atyndaǵy qazaq mýzykalyq drama teatrynda M.Qolǵanattyń "Aldamshy úmit" dramasyn sahnalaǵan Farhadbek Qanafın, J.Shanın atyndaǵy Ońtústik Qazaqstan oblystyq akademııalyq qazaq drama teatrynda O.Bogaev «Down-way» pálsapalyq áfsanasyn qoıǵan Bolat Abdrahmanov, Shyǵys Qazaqstan oblystyq Jastar teatrynyń sahnasynda L.Razýmovskaıanyń "Qymbatty Elena Sergeevna" dramasyn qoıǵan Aıdyn Salbanov, "A.I" teatrynda J.Rasınniń "Fedra" tragedııasyn sahnalaǵan Dına Jumabaeva, Ǵ.Músirepov atyndaǵy balalar men jasóspirimder teatrynda A.Gernıdiń "Mahabbat hattary" dramasyn ınterpretaııalaǵan Juldyzbek Jumanbaı, S.Muqanov atyndaǵy Soltústik Qazaqstan oblystyq qazaq sazdy-drama teatrynda R.Otarbaevtiń "Qasiret" psıhologııalyq dramasyn sahnalaǵan Farhat Moldaǵalı, Astana Jastar teatrynyń sahnasynda M.Levıdiń "Jer men Kóktiń arasy" melodramasyn qoıǵan Dáýren Serǵazın, Almaty qalasy Memlekettik qýyrshaq teatrynda J.Omarovtyń "Qulynshaq pen bóltirik" fantazııalyq ertegisin ınterpretaııalaǵan Rústem Janyamanov, Aqmola oblystyq orys drama teatrynda E.Ioneskonyń "Oryndyqtar" tragıkomedııasyn sahnalaǵan Almas Ahmetbekov, M.Ótemisuly atyndaǵy Atyraý oblystyq qazaq drama teatrynda Sh.Aıtmatovtyń "Məńgúrt" dramasyn qoıǵan Gúlnaz Qamysbaeva jáne Respýblıkalyq akademııalyq nemis drama teatrynda Ia.Frıdrıhtiń "Sındrom MNIP" fantazııasyn sahnalaǵan Álibek Ómirbekuly syndy jas talanttar baq synady.
Atalmysh óner dodasyna teatr rejısseri, Qazaqstannyń eńbek sińirgen qaıratkeri Ashat Maemırov tóraǵalyq etse, qazylar alqasynyń quramyndaǵy teatr rejısseri, Qazaqstannyń eńbek sińirgen qaıratkeri Gúlsına Mırgalıeva, teatr jáne kıno akteri, Qazaqstannyń eńbek sińirgen qaıratkeri Dýlyǵa Aqmolda, teatrtanýshy, Ónertaný kandıdaty, Halyqaralyq teatr synshylary assoıaııasynyń múshesi Anar Erkebaı jáne teatrtanýshy, Ónertaný ǵylymdarynyń magıstri Mıras Əbil syndy mamandar barynsha ádil baǵalaryn berdi. Sondaı-aq, Sh.Rýstavelı atyndaǵy Tbılısı Memlekettik teatr jáne kıno ýnıversıtetiniń rektory Gıorgı Margvelashvılı, mádenı sarapshy, Qazaqstannyń eńbek sińirgen qaıratkeri Álııa Bópejanova jáne jýrnalıst Ásııa Baǵdaýletqyzy syndy óner janashyrlarynan turatyn sarapshylar alqasy da festıvalge qatysýshy jas rejısserlerdiń spektaklderin baǵalap, baǵyt-baǵdar berýge tyrysty. Sonymen, báıgede baq synaǵan jas rejısserler júldeni tómendegideı bólisti.
Qaırat Súgirbekovtiń otbasynyń atynan berilgen arnaıy júlde Dáýren Serǵazınǵa buıyrsa, Rústem Esdəýletov atyndaǵy arnaıy júldege Farhat Moldaǵalı laıyq dep sheshildi. III oryn ıegerleri Aıdyn Salbanov pen Meıram Habıbýllın, II oryn Dına Jumabaeva, I oryn Gúlnaz Qamysbaeva, al Qaırat Súgirbekov atyndaǵy Bas júldeni Elik Nursultan ıelendi.
