Spektakldiń qoıýshy rejısseri – QR eńbek sińirgen qaıratkeri – Álimbek Orazbekov. XXVII maýsymyn bastaıtyn Qallekı teatrynyń óner súıer qaýymdy «ABAI» tragedııasymen qarsy alýy dástúrge aınalǵan. Týyndynyń alǵashqy bolyp sahna shymyldyǵyn túrip, kórermenge jol tartýynyń ereksheligi men sebepteri de bar. Óner oshaǵyna esimi berilgen Qalıbek Qýanyshbaev shyǵarmashylyǵyndaǵy shoqtyǵy bıik ról dál osy Abaı róli edi. Teatr sahnasyndaǵy «Abaı» tragedııasynan qos Abaıdyń beınesin kóre alasyzdar. Aǵa Abaı beınesin – Qazaqstannyń Halyq artısi Tilektes Meıramov somdasa, jas Abaıdy – QR eńbek sińirgen qaıratkeri Nurken Óteýilov oınaıdy.
Ótken XXVI maýsym jetistikterine keletin bolsaq, kórermender nazaryna jańa spektaklderdiń premeralary usynylyp, repertýardaǵy birneshe qoıylymdar teatr festıvalderinde qalyń qaýym - sarapshylar men belgili mamandardyń joǵary baǵasyn aldy. Teatr ujymy XXVI maýsym aıasynda kórermender nazaryna usynǵan PREMERALAR:
- «Er Tóstik» \halyq ertegisi\ Rejısseri: Bolat Uzaqov, QR eńbek sińirgen qaıratkeri
- «Ámire» \drama\ Avtory: R.Otarbaev, Rejısseri: Nurlan Jumanııazov, QR eńbek sińirgen qaıratkeri.
- «Kúlsheqyz» \ertegi\ Avtory: E.Shvar Rejısseri: Juldyzbek Jumanbaı.
- «Qorǵansyzdyń kúni» \drama\ Avtory: M.Áýezov, Rejısseri: Álimbek Orazbekov, QR eńbek sińirgen qaıratkeri.
- «Qyzyl oramaldy shynarym» \lırıkalyq drama\ Avtory: Sh.Aıtmatov, Rejısseri: Talǵat Temenov, Qazaqstannyń Halyq artısi.
- «Zere» \drama\ Avtory: U.Esdáýlet, Rejısseri: Nurqanat Jaqypbaı, QR eńbek sińirgen qaıratkeri.
Gastroldik sapar!
2017 jyldyń 17-23 sáýir aralyǵynda Atyraý qalasynda bir apta ýaqyt gastroldik sapar barysynda qoıylymdardy usynyp, atyraýlyq kórermenderdiń ystyq yqylasyna bólendi.
Teatr festıvalderi:
Qazan aıynda Taldyqorǵan qalasynda ótken "Qazaqstan - Eýrazııa júregi" atty VI Orta Azııa memleketteri teatrlarynyń Halyqaralyq festıvalinde teatr «ShIE» (Avt: A.Chehov, Rej: S.Potapov) komedııasymen qatysyp, «GRAN-PRI» júldesin utyp aldy;
Jeltoqsan aıynda Aqtaý qalasynda ótken «Ábish álemi» I Respýblıkalyq teatr Festıvaline «Sarra» \Avt: R.Muqanova, Rej: G.Merǵalıeva\ dramasymen qonaq retinde qatysty.
Naýryz aıynda Chelıabi qalasynda (Reseı) CHELoBEK TEATRA» V Halyqaralyq kishi form teatr festıvalinde «ShIE» \Avt: A.Chehov, Rej: S.Potapov\ spektaklin usyndy.
Maýsym aıynda Tatarstan Respýblıkasynyń Qazan qalasynda ótken Túrki halyqtarynyń XIII «NAÝRYZ» Halyqaralyq teatr festıvaline A.Chehovtiń «ShIE» komedııasymen qatysyp, teatr sarapshylarynyń joǵarǵy baǵasyn aldy.
Maýsym aıynda Á.Mámbetovtiń 85 jyldyq mereıtoıyna arnalǵan «Sahnadan sálem» V Halyqaralyq teatr festıvaline «Qarash-Qarash» \Avt: M.Áýezov, Rej: Á.Orazbekov\ áleýmettik dramasymen qatysty.
Maýsym aıynda Astana qalasynda ótken A.Áshimovtiń 80 jyldyǵyna arnalǵan I Dúnıejúzilik «Astana» teatr festıvaline «Qorǵansyzdyń kúni» \Avt: M.Áýezov, Rej: Á.Orazbekov\ dramasymen qatysyp, sheteldik mamandardan jınaqtalǵan sarapshylar alqasynyń joǵary baǵasyn aldy.
Shilde aıynda Qazaqstan ulttyq teatrlarynyń IV respýblıkalyq Festıvaline shetelden kelgen kelgen qonaqtar: aǵylshyn teatr rejısseri Davıd Popava, professor, fılologııalyq ǵylymdardyń doktory, Sh.Aıtmatov atyndaǵy Halyqaralyq komıtettiń tóraǵasy Rahıma Abdývalıeva men táýelsiz synshy ári psıholog Sara Kopleıge arnaıy suranys boıynsha T.Temenovtiń «Aqqýdyń kóz jasy» spektakli usynyldy. Spektakl London sahnasyna shaqyrtý aldy.
Qyrkúıek aıynda Astana qalasynda uıymdastyrylǵan Kórnekti synshy, QR eńbek sińirgen óner qaıratkeri, Memlekettik syılyqtyń laýreaty, professor – Áshirbek Syǵaıdyń 70 jyldyǵyna arnalǵan Qazaqstan drama teatrlarynyń HHV Respýblıkalyq festıvaline teatr «Aqqýdyń kóz jasy...» lırıkalyq dramasymen qatysty.
XXVI maýsym teatr artısterimiz úshin de marapatqa toly jyl boldy.
Áspetova Gúljahan Jarylqasynqyzy Merki aýdanynyń «Qurmetti azamaty» atandy.
Syrym Ábdiqadyruly Qashqabaev Mádenıet jáne óner salasyndaǵy joǵarǵy jetistikteri úshin Qazaqstan Respýblıkasy Tuńǵysh Prezıdenti – Elbasy qory syılyǵyn ıelendi.
Talǵat Dosymǵalıuly Temenov TMD elderiniń mádenı yntymaqtastyǵy Keńesiniń alǵys hatymen marapattaldy;
Janat Ańsabaıqyzy Chaıkına «Salalyq mádenıet, sport jáne aqparat qyzmetkerleriniń kásipodaǵy» qoǵamdyq birlestiginiń atynan QR «Eńbek ardageri» medalimen jáne arnaıy «Qurmet» gramotasymen marapattaldy;
Aktrısa Altynaı Nógerbek A.Sataevtyń «Anaǵa aparar jol» fılmindegi Marııam róli úshin: Kınomatografııa salasyndaǵy Ulttyq «Tulpar» syılyǵy – «Úzdik áıel beınesi» nomınaııasyn ıelendi; Ialtada ótken «Evrazııskıı most» kınofestıvalinde «Eń úzdik áıel beınesi» júldesine ıe boldy;
Aıman Aımaǵambet, Aınur Bermuhambetova «Qazaqstannyń eńbek sińirgen qaıratkeri» ataǵyna ıe boldy;
Akter Jasulan Erbolat «Daryn» Memlekettik Jastar syılyǵynyń ıegeri atandy;
«Parasat» ordenimen Leılo Beknazar-Hanınga marapattaldy;
Táýelsizdiń 25 jyldyǵyna oraı «Qazaq úni» gazeti men «Qazaq úni» ulttyq portalynyń «Jyl adamy-2016», «Jyl rejısseri» bolyp Talǵat Temenov atandy.
«QR Táýelsizdigine 25 jyl» merekelik medalin Bolat Uzaqov, Q.Qystyqbaev, T.Temenov, A.Jumashev, S.Qashqabaev, A.Qoıshybekova ıelendi.
Máskeýde ótken Halyqaralyq «Ostankıno» kıno jáne televıdenıe festıvalinde «Fotograf» atty qysqametrli fılmdegi róli úshin «Úzdik er adam beınesi» nomınaııasynda Zańǵar Ábenov marapattaldy. Rejısseri: Sh.Qýanalı.
QR Mádenıet jáne sport mınıstrligi atynan «Mádenıet salasynyń úzdigi» tósbelgisin trýppa meńgerýshisi - Lázzat Omarova jáne sýretshi - Berik Býrbaev ıelendi.
Akter Musaev Jánibek QR Ulttyq ulany Bas qolbasshysynyń buıryǵymen Qazaqstan Respýblıkasy quqyq qorǵaý áskerine 25 jyl» tósbelgimen marapattaldy.
27-naýryz Halyqaralyq teatr kúnine oraı Astana qalasy ákimi Á.Isekeshevtiń «Alǵys hatymen» artıster Aqmaral Tanabaeva, Kasymova Janar, Janat Ospanov marapattaldy.
Meenat Bekzat Altynbekov taǵaıyndaǵan akter, QR eńbek sińirgen qaıratkeri «Keńesbaı Nurlanov» atyndaǵy qarjylaı syılyq aktrısa Aqmaral Tanabaevaǵa jáne akter Álimov Dastanǵa buıyrdy.
«SAHNAGER-2017» Tuńǵysh ulttyq syılyǵy: «Sahnalyq ǵumyr» atalymy boıynsha – Qazaqstannyń Halyq artısteri - Talǵat Temenov, Gúljahan Áspetova ıe boldy;
«Úzdik dybys rejısseri» atalymy boıynsha – Lázzat Qystyqbaeva; «Úmit» atalymy boıynsha – Ábilmansur Serikov marapattaldy.
Altyngúl Serkebaeva, Aısholpan Ibraeva - «Mádenıet jáne sportmınıstri» Arystanbek Muhamedıulynyń arnaıy dıplomymen marapattaldy.
Mədenıet jəne óner salasy qyzmetkerleri kúni merekesinde Qallekı teatrynyń artısteri - Túımehan Atymtaeva, Baqyt Isabekova, Gúlbarshyn Qylyshbaı, Kúlııa Qojahmetova, Zıbagúl Karına elimizdiń mədenıeti men óneriniń damýyna qosyp kele jatqan orasan zor eńbegi úshin Astana qalasy əkimi Əset Isekeshev atynan alǵys hatpen marapattaldy.
Amanjol Moldahmet, Asqat Sultan - Mədenıet, muraǵattar jəne qujattama basqarmasynyń basshysy Bolat Majaǵulov atynan alǵys hatqa ıe boldy.
Bolat Uzaqov QR Memlekettik syılyǵynyń laýreaty, aqyn Muqaǵalı Maqataevtyń 85 jyldyq mereıtoıyna arnalǵan tósbelgi ıesi atandy.
Jańa HHVII teatr maýsymy da teatr repertýaryn tyń týyndylarmen tolyqtyryp, qazaq teatr ónerine óz jańalyqtaryn ákelýge daıyn.
Qarasha aıynda Qazaqstannyń eńbek sińirgen qaıratkeri, «Tarlan» syılyǵynyń laýreaty Janat Hadjıevke arnalǵan aımaqtyq festıval aıasynda Jezqazǵan qalasynyń kórermenderi nazaryna «Kún sáýlesi túspegen» psıhologııalyq dramasyn usynýdy josparlap otyr. Teatr ujymy aldaǵy jańa maýsymda aptanyń seısenbi men jeksenbi kúnderi aralyǵynda kórermender nazaryna kúndelikti qoıylymdardy usynady.
