Olga Shangınanyń keskindemesi – bul qupııa men tylsymǵa toly erekshe maǵynaly shyndyq. Ol – sezimtal, názik, óz kemeline jetken áıeldiń minsiz álemi. Onyń sulýlyǵy men náziktigi tabıǵattyń shynaıylyǵymen úılesimdilikte úndestik tapqan. Olganyń keıipkerleri úshin eshqandaı shekteý joq – olar jaratýshysynyń qalaýymen ýaqyt pen keńistikte erkin ári jeńil qozǵalady, ózderin jerde de, aspan men sýda da birdeı yńǵaıly sezinedi. Tabıǵı apattar men qýattardy daralandyryp, sýretshi aǵash, tún, qys, ózenderge áıelge tán dara náziktik beredi. Sý apatynyń saqtaýshylary balyqtar men marjandardyń qorshaýynda, armanshyl ári oıǵa batqan, birtindep teńiz apatymen joq bolyp tas músinderge aınalǵan, tynyshtyqta tynǵan kúıinde kórinis tabady. Bıik aǵashtan symbatty, aıbarly áıeldiń músinin boljaýǵa bolady, al qar basqan butanyń toǵaıy appaq qyzdyń beınesin beredi. Natıýrmort aıasyndaǵy tútin aǵynynan quralǵan áıel kelbeti kúmán týdyrady, bul shyndyq nemese qııal oıyny. Beınelengen oqıǵanyń naqty orny men ýaqytyn anyqtaý múmkin emes – armandar mundaı shekteýlerdi bilmeıdi.
Metamorfozdar rólderdiń ózgerýine ákeledi – shynaıy keıipkerler mıfter men ańyzdar keıipkerlerine uqsas, al oıdan shyǵarylǵan keıipkerler jeke qasıetterge ıe bolady jáne shynaıy sezimderdi bastan ótkizedi. Qymbat tastar men sándi qaýyrsyndary bar patshaıymnyń jamylǵysy qystyń qar jamylǵysyna aınalady. Shyǵys sáldesi men kómeski jamylǵydaǵy ejelgi Salomeıa óz sulýlyǵymen masattanady, ol shyǵarma kompozıııasynda basy «jasyrylǵan» Ioann Shoqyndyrýshynyń ólimine janama sebepker bolady. Tutastaı alǵanda, Olga óz týyndylarynda kórermenge sheshýdi usynatyn ózindik jumbaq sózderdi qoldanbaıdy. Jumbaqtyń kilti ańyzdyń taqyryby nemese sıýjeti bolyp tabylady. Optıkalyq elester kórermendi ózine baýraıdy, jańalyqtar ashýǵa shaqyrady. Sol kezde, batyp bara jatqan kúnniń sáýlelerindegi altyn tóbeler jıren mysyqtyń ıilgen arqasyna aınalady, bulttar ushyp bara jatqan tabynǵa aınalady, al shahmat jylqysy oıynnyń nátıjesin anyqtaý sátinde tiriletini anyqtalady. Shyǵarmalarda sýretshiniń kózqarasy men qoly ustap qalatyn qyzyqty sáıkestik sátteri bar.
Ádettegideı, Shangınanyń keskindemeli álemin jaılaǵan súıikti nyshandary balyqtar men mysyqtar bolyp tabylady. Keıde olar kútpegen keıipte, landshafttyń bir bóligi nemese sánqoıdyń tańyrqaıtyn bas kıimi retinde kórinis tabady.
Olga – detaldar jasaýdyń sheberi. Kózge kórinetin formalardyń kómegimen dene túısigi arqyly sezinýdi bildirýge talpynady. Bettik sıpattar − matalardyń tyǵyzdyǵy nemese móldirligi, jyltyraǵan tastardyń tazalyǵy, metall men áınektiń sýyq jarqyraýy, gúlderdiń náziktigi, jemistiń shyryndy máıegi, anardyń jarqyraǵan túıirshikteri. Sulýlyq pen úılesimdilikti izdeýde mańyzdy emes jeńil-jelpilik bolýy múmkin emes.
Toptamalar óz jalǵasyn tanys nysandar men keıipkerler birigýinde tabady. “C’est la vie” («Se lıa vı») natıýrmorttar toptamasyn «jansyz tabıǵat» janryna jatqyzý qıyn, munda zattar ózderiniń ıeleriniń, sondaı-aq, ómirbaıandyq kórinisi bolyp tabylady. «Altyn ymyrt nemese jıren mysyq» toptamasynda shynaıy keıipker alynǵan. Olganyń shyǵarmalarynda otbasynyń tolyqqandy múshesi jıren mysyq Semen, Qudaı sııaqty, keneptegi kórkemdik ári maǵynaly barlyq keńistikti alatyn monýmentaldy tirshilik ıesi mártebesine ıe.
Árbir jeke shyǵarma, kórmeniń búkil keńistigi sııaqty kúrdeli, qyzyqty «Beıneler shytyrmanyn» týdyrady, ol Olga Shangınanyń tabynýshylary men shyǵarmashylyǵyn alǵash ret tamashalaǵan kórermenderdi ózine baýraıdy. Kórme 2017 jyldyń 19 qarashasyna deıin jalǵasady.
Kórmeniń kýratory - Katerına Reznıkova, ónertaný kandıdaty.