M.Áýezov atyndaǵy Qazaq memlekettik akademııalyq drama teatrynda sahnalanǵan «Bir úzim nan» pesasynyń avtory, dramatýrg, ánshi, teatr rejısseri Ámir Májıtovtiń bıyl 80-jyldyq eske alý mereıtoıy atap ótilip jatyr. Osy oraıda teatr salasyna qajyrly eńbegi sińgen tulǵa jaıly belgili kınorejısser Qalıla Omarovtyń derekti fılminiń kórsetilimine T.Júrgenov atyndaǵy QazUÓA-nyń «Kınotaný», «Kınoteledramatýrgııa» mamandyqtarynyń stýdentteri, oqytýshylary jáne fılm avtorlary qatysty.
Májıtov týraly belgili teatr qaıratkeri T.Jamanqulov: «Ámir Majıtov qazaq dramatýrgııasyna tuńǵysh ret asharshylyq taqyrybyn ashqan «Bir úzim nan» atty pesasymen kelgen jáne ony ózi sahnalap, qazaq teatry tarıhynda ózindik erekshe qoltańbasyn qaldyrǵan tulǵa», - dep baǵasyn bergen eken. Aýdandyq mádenıet úıinde uzaq jyldar eńbektenip, óziniń týǵan topyraǵyn taǵylymdy óner mektebine aınaldyra bilgen Májıtov obrazy derekti fılmde sheber ashylǵan. Rejısser mol muraǵat materııaldary, óner men mádenıet qaıratkerleriniń Á.Májıtov týraly shynaıy pikirleri men baǵasy berilgen kadrlar arqyly keıipker tulǵasyn jan-jaqty jetkize bilgen.
«Ámirdiń qalamynan órbigen týyndylardyń ishinde «Bir úzim nan» atty eńbegi erekshe qunǵa ıe. Sebebi, ol ǵasyr qasireti, qazaq qasireti. Sonaý keńestik kezeńniń qylyshynan qan tamyp turǵan shaǵynda bundaı dunıeni esh qaımyqpaı sahnaǵa shyǵarý ol Ámirdiń erligi. Men Májıtovty «Dala talanty» dep atar edim», - deıdi KSRO halyq ártisi, Qazaqstannyń Eńbek eri A.Áshimov.
Kórsetilimnen soń fılm rejısseri men stýdentter derekti karıtnanyń túsirilim jumystary, keıipkerleri, kórkemdik sheshimderi men tehnıkalyq erekshelikteri týraly ózara pikir almasyp, shyǵarmany keńinen talqylady. Sonymen qatar, kezdesýge kelgen Májıtovtyń týystary «Ámir Májıtov» dep atalatyn basty keıipkerimizdiń shyǵarmalary men estelikteri jınaqtalǵan kitapty kafedaraǵa tabys etti.
Kórnekti teatr synshysy Áshirbek Syǵaı: «sońynda rýhanı murasy, ol týraly kitaby, fılmi, eskertkish taqtalary, estelikteri qalǵan adamnyń aty ólmek emes», - dep baǵasyn bergen taǵylymdy tulǵa jaıly fılmnen jastar jaǵy az áser almasa kerek-ti.