«Beıbitshilik kindigi» fılmi Aqmolanyń qarapaıym qaladan jas orda – Astanaǵa aınalýy men kúni búginge deıingi kezeńi týraly baıandaıdy. Kartınada 1994 jyly astananyń Aqmolaǵa aýysyp, Astananyń qysqa merzim ishinde kún sanap damyp kele jatqanyn jáne úzdik álem astanalary qataryna engenin kórsetedi.
- Bizdiń fılmimiz saıasat pen saıasatkerler týraly. Sol sebepten de biz PKQ, Prezıdent hattamasynan, keńsesinen keńester alyp jatyrmyz. Astananyń turǵyzylý kezinde túrli qıyndyqtar oryn alǵany jáne prezıdent pen onyń aınalasyndaǵylardyń olardy qalaı eńsergenderi týraly kóp aqparat aldyq. Fılmdegi negizgi dramatýrgııalyq qaqtyǵys ta osy jaıynda bolmaq. Bizge Almaty men Astananyń barlyq mekemeleri qol ushyn sozýda. Sol sebepten de fılm óte shynaıy shyǵady dep bilemiz. Eń bastysy jaqsy fılm jasaımyz degen senimimiz bar. Onyń ústine, «Qazaqfılm» kınostýdııasy kameralarǵa arnalǵan zamanaýı obektıvterin satyp aldy. Endi túsirilgen materıaldyń sapasy joǵary bolady, - dedi rejısser.
Qorǵalym kezinde túsirilim toby fılmde qoldanylatyn barlyq zattar men kostıýmderdi ákep, kórme uıymdastyrdy. Eksperttik keńes aldynda fılmniń atqarýshy prodıýseri Álııa Meńdiǵojına men kastıng-dırektor Jaına Ábdıeva sóz alyp, túsirilim alańdary jáne akterlermen jumys jasalý barysyn aıtyp berdi.
- Túsirilimder Almaty men Astanada ótedi. Birinshi túsirilim blogy jeltoqsan aıynda Almatyda bolady. Sosyn qańtar aıynda Astanada túsiremiz. Ol jaqtan qaıtqan soń, qaıtadan Almatyda jalǵastyramyz. Sondaı-aq, jazǵy mezgilinde túsiretin epızodtarymyz da bar. Fılmge sheteldik grım jónindegi sýretshini shaqyrttyq, ol kıno salasynda kóptegen júldelerdiń ıegeri – Mark Kýler, - dedi Álııa Meńdiǵojına.
- Biz qazir akterlerdiń plastıkasy jáne sóıleý mánerimen tyǵyz jumys istep jatyrmyz, óıtkeni olardyń somdaıtyn keıipkerleri ómirde bar kisiler. Biz kóptegen muraǵattyq materıaldardy akterlerge kórsetip jatyrmyz, bul akterdiń óz róline enýine yqpal etedi, - dedi kastıng-dırektor Jaına Ábdıeva.
Daıyndyq kezeńi barysynda fılmniń basty jáne ekinshi plandaǵy akterleri bekitilgen. Ekranda N.Á.Nazarbaevty teatr jáne kıno akteri Murat Ahmanov somdaıdy. Sonymen qatar, fılmde Erkebulan Daıyrov, Jan Baıjanbaev jáne kóptegen kıno maıtalmandary boı kórsetedi.
- Basty rólge akter izdegende biz úshin portrettik uqsastyǵynan góri, onyń akterlik sheberligi mańyzdyraq boldy. Fılmde 14 aýyr grım bolady, ony Mark Kýler jasaıdy. Sonyń kómegimen akterdiń Elbasymen portrettik uqsastyǵyn keltiremiz. Al ekinshi plandaǵy akterlerdi negizenen túr-álpeti prototıpke uqsaıtyndaryn tańdadyq, - dep qosty A.Sataev.
Sondaı-aq, qorǵalym kezinde Aqan Sataev derekti sahnalar bolatynyn aıtyp ótti:
- Biz Elbasynyń jáne konstıtýııalyq bestiktiń qatysýymen Aqordada túsirilimder jasadyq. Bul Astananyń 20 jyldyǵyn atap ótý týraly jınalys sahnasy.
Joba qorǵalymynda Eksperttik keńes músheleri – tanymal kınematografıster jáne kınostýdııa Prezıdenti Baqyt Qaıyrbekov boldy. Kınostýdııa basshysy shyǵarmashylyq topqa sáttilik tileı otyryp, óz oıyn aıtty.
- «Shyǵarmashylyq top pen seniń boıyńda fılmdi jasaýǵa degen senimiń mol bolǵany quba-qup. Áli esimde, 1997 jyly qatty aıaz bolǵan, odan keıin ondaı aıaz bolmady-aý deımin. Menińshe, sol bizdiń bárimizge jaratqannyń jibergen synaǵy dep oılaımyn jáne sol qıyn belesti biz bárimiz de eńsere bildik», - dedi Baqyt Qaıyrbekov.
-
Fılmniń qoıýshy-operatory qazaq jáne qyrǵyz kınosynyń metri – Hasanbek Qydyrálıev («Kóshpendiler», «Mońǵol», «Anaǵa aparar jol» «Baýyrjan Momyshuly» jáne basqalar).
-
Kórkemdik bóligine jaýapty qoıýshysýretshi Nazıra Baıbekova («Qara shańyraq», «Baýyrjan Momyshuly», «Brıgada», «Anaǵa aparar jol», «Raıony» jáne basqalar).
-
Sondaı-aq, brıtandyq sýretshi-vızajıst jáne protez makııajy boıynsha sarapshy – Mark Kýler shaqyrylǵan. Ol «Grand Býdapesht oteli» fılmine jasaǵan úzdik makııaj úshin «Oskar» júldesin jáne «Temir ledı» fılmine jasaǵan úzdik makııaj ben shash úlgisi úshin 87-shi Brıtan kıno Akademısynyń BAFTA syılyǵyn ıemdengen.
«Elbasy joly. Beıbitshilik kindiginde» fılminiń shyǵarmashylyq toby túsirilimge aǵymdaǵy jyldyń sońyna qaraı shyǵady. Al fılm qalyń kórermenderge 2018 jyldyń jeltoqsan aıynda jol tartady dep josparlanýda. Fılmdi QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» kınostýdııasy men «Sataıfılm» kınokompanııasy túsiredi.
Senarıı avtorlary: Ádilbek Jaqsybekov, Tımýr Jaqsylyqov
Redaktory: Aıdar Espenbetov
Qoıýshy-rejısseri: Aqan Sataev
Qoıýshy-operatory: Hasanbek Qydyrálıev
Qoıýshy-sýretshi: Nazıra Baıbekova
Kostıým jónindegi sýretshi: Álııa Ismaǵulova
Grım jónindegi sýretshi: Álııa Shmanova
Grım jónindegi shaqyrylǵan sýretshi: Mark Kýler
Kastıng-dırektory: Jaına Ábdıeva
Atqarýshy prodıýser: Álııa Meńdiǵojına
Fılmniń prodıýseri: Aqan Sataev