Bul konert tek Almaty qalasy úshin emes, sonymen qatar barlyq respýblıkaǵa mańyzdy mádenı shara bolyp tabylady. Atalǵan mereıtoılyq saltanatqa Qazaqstan respýblıkasynyń ulttyq óneriniń maqtanyshy bolǵan kolledj túlekteri, sondaı-aq estrada juldyzdary shaqyryldy.
Petr Ilıch Chaıkovskıı atyndaǵy Almaty mýzykalyq kolledji 1932 jyly ashylǵan Respýblıkadaǵy tuńǵysh mýzykalyq oqý oryny. Kolledjdiń negizin qalaýshylardyń arasynda jazýshy Saǵyr Qamanov, akademık Ahmet Jubanov, Ivan Krýglıhınniń alatyn oryndary erekshe. Kolledjdiń alǵashqy oqytýshylary qatarynda Evgenıı Brýsılovskıı, Latıf Hamıdı, Borıs Erzakovıch boldy.
[video width="640" height="352" mp4="https://www.oner.kz/content/uploads/2017/12/Birzhan.mp4"][/video]
Chaıkovskıı atyndaǵy kolledjdiń negizinde Abaı atyndaǵy opera jáne balet teatry (1934), Qurmanǵazy atyndaǵy memlekettik qazaq halyq aspaptarynyń orkestri (1934), Jambyl atyndaǵy memlekettik fılarmonııa (1935), Qazaq ulttyq konservatorııasy (1944) qatarly óner ujymdary men oqý oryndary jeke otaý tigip, shańyraq kóterdi. Budan keıin de ashylǵan Respýblıkalyq mýzyka mektepteri, kolledjdermen konerttik uıymdary Chaıkovskıı atyndaǵy mýzyka kolledjiniń qamqorlyǵymen kómegin kórdi.
Kolledjd túlekteri arasynda keıinnen ataqtary álemge tarap, ulttyq mýzyka mádenıetimizdiń maqtanyshyna aınalǵan tulǵalar óte kóp. Atap aıtar bolsaq, ánshiler: Ermek Serkebaev, Álibek Dinıshev, Mýslım jáne Rıshat Abdýllınder, Shabal Beısekova, Naǵıma Esqalıeva, Lıýııa Týlesheva, Saýle Kýrmangalıeva, Nadejda Iýmasheva, Elena Dorohovskaıa; dırıjerler: Fýat Mansýrov, Ǵazız Dýgashev, Týrgýt Osmanov, Shamgon Kajgalıev, Abzal Mýhıtdınov, Alekseı Kýtýnov; kompozıtorlar: Nýrgısa Tlendıev, Erkeǵalı Rahmadıev, Gazıza Jýbanova, Sydyk Mýhamedjanov, Bakytjan Baıkadamov, Kýddýs Kojamıarov, Mansýr Sagatov, Anatolıı Bychkov, Nagım Mendygalıev, Kenjebek Kýmysbekov, Mýkagalı Koıshıbaev, Bazarbaı Djýmanııazov, Artýr Meıtýs, Kenes Dıýısekeev; dombyrashylar: Tuıaq Shamelov, Aıgúl Úlkenbaeva, Saltanat Qudaıbergenova, Bılıal Iskakov, Jolgasbek Begendıkov.
Qazirgi tańda kollejde oqytý fortepıano, shekti, úrme jáne urma, qazaq, orys, uıǵyr halyq aspaptary, jeke án salý, hor dırıjeri, estrada óneri qatarly mamandyqtar boıynsha ótkiziledi.
