Florıan Ebner
Krıstın Mıýller
Kórmeni Qazaqstan Gıote-Instıtýty mádenıet salasyndaǵy Halyqaralyq qatynastar ınstıtýtymen (ifa -Shtýtgart, Germanııa) jáne Germanııanyń Almaty qalasyndaǵy Bas konsýldyǵymen birlese otyryp usynady. Kórme germanııalyq eki zamanaýı fotograftyń – Vıktorııa Bınshtok pen Mıhael Sheferdiń shyǵarmashylyǵyna arnalǵan. Bul avtorlarǵa ortaq sıpat – búgingi «sandyq» dáýirimizde BAQ-taǵy beınelerdi saralaýǵa degen talpynys. Jumystardy Almatyda 2 sáýirge deıin tamashalaýǵa bolady.
«Aǵyn boıymen / aǵynǵa qarsy. zamanaýı fotoıntervenııalar» dep atalatyn ifa kórmeler toptamasy fotografııa óneriniń jańa qyrlaryn ashyp, ózindik beıneli tildi damytyp júrgen Germanııada ómir súretin foto-sýretshilermen tanystyrady. Bul toptama úshin kórkem túrde aralasý tásili qoldanylǵan foto-jumystar tańdap alynady. Ol tásil boıynsha foto-sýretshiler óz kadrlarynyń materıalyna nemese syrtqy naqtylyqtyń túrine ózgeris engizedi.
Bul joly Almaty turǵyndary Vıktorııa Bınshtok pen Mıhael Sheferdiń shyǵarmashylyǵymen tanysatyn bolady. Kórmege medıa-kadrlardy jańǵyrtyp, olardyń fýnkııasyna saraptama jasaıtyn jumystar qoıylǵan. Mıhael Shefer jańalyqtar men oıyn-saýyq baǵdarlamalardan alynǵan beınelerdi zerdeleýge, Vıktorııa Bınshtok jańa arnalar men vızýaldy beınelerdiń ǵalamtor dáýirindegi jumys isteý joldaryn zertteıdi. Sóıtip olar 1970-jyldarda týǵan sýretshi qaýymnyń BAQ álemine degen tabandy qyzyǵýshylyǵyna qatysty dástúrdi damytady. Eki foto-sýretshiniń eńbekteri ózindik jáne sátti tabylǵan kórkem formalardy, ózin-ózi vızýaldy túrde kórsetýdiń zamanaýı múmkindikterin bolashaqtyń múmkinshilikterimen baılanystyrady. Qos sýretshi de tabylǵan materıalmen jumys isteıdi – olar buǵan deıin medıada bar sýretterdi olardyń qabyldaný qurylymdaryn qozǵaý arqyly óńdeıdi, maqsat – sýretterdiń jasyryn áleýetin ashyqqa shyǵarý. Kórmeniń jetekshileri: Florıan Ebner, Krıstın Mıýller.
Vıktorııa Bınshtok 1972 jyly Máskeýde dúnıege kelgen, Batys Germanııada ósken. Leıpıg grafıka jáne kitap óneri joǵary mektebinde fotografııa ónerin oqyǵan. Qazir Berlınde turyp, jumys isteıdi. Jumystary kóptegen nemis jáne halyqaralyq kórmelerde – máselen, «C/O Berlin» galereıasynda, Gıottıngen sýretshiler odaǵynda, Pompıdý ortalyǵynda (Me), Lıpsıýsbaý kórkemóner mýzeıinde (Drezden), Arts Santa Monica (Barselona), Frankfýrt sýretshiler odaǵynda, «Arl kezdesýleri» festıvalinde – qoıylǵan. 2013 jyly aperture foundation qorynyń FirstPhotoBook Award júldesine usynylǵan «Tetikter álemi» kitaby jaryq kórgen.
Mıhael Shefer 1964 jyly Zıgmarıngende dúnıege kelgen, qazir Berlınde turyp, jumys isteıdi. Dortmýnd joǵary tehnıkalyq mektebinde fotodızaın jáne Leıpıg grafıka jáne kitap óneri joǵary mektebinde fotografııa ónerin oqyǵan. Hartford kórkemóner mektebinde (Konnektıkýt) jáne Óner ýnıversıtetinde (Berlın) sabaq beredi. Jumystary Konstan sýretshiler odaǵynda, «Zefır» galereıasynda (Mangeım), Leıpıg sýretshiler odaǵynda qoıylǵan. Shefer, sonymen qatar, Gambýrg óner jáne qolóner mýzeıinde, «C/O Berlin» galereıasynda, Zalbýrg fotoaýlasy men Jeneva fotografııa ortalyǵynda ótken kóptegen birikken kórmelerge de qatysqan. 2011 jyly Fotohof baspasynan «Úlgiler» kitaby jaryq kórgen.