"Kózimniń qarasy" mádenı-tanymdyq klýby men T.Júrgenov atyndaǵy Qazaq ulttyq óner akademııasy, "Kıno tarıhy men teorııasy" kafedrasynyń uıymdastyrýymen belgili teatr jáne kıno ártisi, M.Áýezov atyndaǵy Qazaq memlekettik akademııalyq drama teatrynyń akteri jáne kórkemdik jetekshisi, rejısser, Qazaqstannyń halyq ártisi (1976), KSRO halyq ártisi (1980), Qazaqstannyń Eńbek Eri (2017) Asanáli Áshimuly Áshimovtyń rejısserligimen túsirilgen fılmderiniń retrospektıvasy ótedi.
Retrospektıvanyń ashylýy T. Júrgenov atyndaǵy QazUÓA kınozalynda 4-sáýir kúni, saǵat 15:00 bastalady.
Retrospektıvanyń baǵdarlamasy:
1.
«Jylan jyly», 1981j
(«God drakona», oı Gýk Inmen birge) – bul fılm 1982 jyly Tallınde ótken
búkilodaqtyq 15-kınofestıvaldiń dıplomyna ıe boldy
2. “Shoqan Ýálıhanov” (1984; 4 serııaly
telefılm)
3.
«Dermene», 1994
(D.Isabekov shyǵarmasynyń jelisimen)
4.
“Qozy Kórpesh - Baıan
Sulý” (1995)
5.
Dom ý solenogo
ozera (2004)
Asanáli Áshimuly - 1937 jyly 8 mamyrda Jambyl oblysy, Sarysý aýdany, Jaıylmada dúnıege kelgen. Qazaq kınosyn álemdik deńgeıge kótergen akterlerdiń biri bolyp esepteledi. Onyń kınodaǵy Bekejan (“Qyz Jibek”, 1971), Shadııarov (“Atamannyń aqyry”, 1971, Qazaqstan memlekettik syılyǵynyń, 1972), Mámbet (“Sarqyrama”, 1973), Qasymhanov (“Transsibir ekspresi”, 1977, búkilodaqtyq 11-kınofestıvaldiń júldesi, 1978), Kemel (“Nan dámi”), Nurǵazy (“Alataýdyń aı múıizi”), Qarajal (“Jaýshy”, 1980), Shyńǵys han (“Bulǵar dalasynan esken jyly jel”, 1998) rólderi naǵyz akterlik sheberliktiń úlgisi ispetti. Áshimov rejısser retinde keń tanyldy. Ol sahnalaǵan N. Gogoldiń “Revızor” (1979, ózi Dýanbasynyń rólin oınady), Ǵ.Músirepovtyń “Amangeldi”, I. Orazbaevtiń “Men ishpegen ý bar ma?!” (ekeýi de 1987), S. Vanýstyń “Sultan bolsam eger men” (1988), jyly J. Aımaýytovtyń “Aqbilek” (1989) spektaklderi men ol túsirgen “Jylan jyly” (1981, oı Gýk Inmen birge; 1982 jyly Tallınde ótken búkilodaqtyq 15-kınofestıvaldiń dıplomyna ıe boldy), “Shoqan Ýálıhanov” (1984; 4 serııaly telefılm, ózi Shyńǵystyń rólin oınady), “Qozy Kórpesh - Baıan Sulý” (1995) fılmder Áshimovtiń rejısserlik shyǵarmashylyǵynyń da keń aýqymyn kórsetedi. Áshimov ónerine arnalǵan “Asanáli” derekti fılmi (1986, rej. I. A. Vovnıanko) túsirildi. Áshimov — Jambyl jáne Shymkent ýnıversıtetteriniń qurmetti professory. 1979—1982 jyly pedagogıkalyq qyzmetpen shuǵyldandy. 1990 jyldan “Elim-aı” kınostýdııasynyń prezıdenti. “Parasat” ordenimen marapattalǵan.
