Fotosýret óneri Taımas Nurtaevtyń ómirinde erekshe oryn alady. QR Memlekettik Ortalyq mýzeıinde ótetin atalmysh kórme almatylyqtardy álemniń ásemdiligin pash etetin ádemi de áserli fotosýretterimen tanystyrmaq.
Taımas Nurtaev Bishkek qalasynyń týmasy, mamandyǵy qurylysshy, al, 60-jyldardan beri Almaty qalasynda turyp keledi. Fotoónerge degen qyzyǵýshylyǵy men súıispenshilgi onyń ekinshi mamandyǵyna aınalǵan. Onyń alǵashqy fotokamerasy keńestik «Zenıt» fotoapparaty bolsa, keıinnen ol ony kásibı kameraǵa almastyrǵan.
Avtor 2006 jyly alǵash ret Han-Táńiri taý shatqalyna barǵanynda, Qazaqstannyń ásem tabıǵatyna tánti bolyp, sol kezden-aq fotosýret ónerine degen alǵashqy qadamdaryn bastap ketken. Taımas Nurtaevtyń tek Qazaqstan boıynsha ǵana emes, sondaı-aq alys-jaqyn shetel saıahattary onyń tyń týyndylarynyń paıda bolýyna shabyt berdi.
Taımas Nurtaev álemniń kóptegen elderinde bolǵan. Atap aıtsaq, Reseı, Birikken Arab Ámirligi, Nepal jáne t.b. Fotosýretshi úshin bul kezder umytylmas sátter edi. Fotosýretshiniń týyndylarynan Jer betindegi eń iri shól dala – Saharany, ádemi araldardyń biri – Grenlandııany, tarıhı Italııa men «muzdy el» Islandııanyń áserli jerlerin kórýge bolady. Al onyń Qytaı elinde túsirgen sýretterinen Ulttyq zıýchjaıgoý parkindegi jasyl-sary Lı ózeni, Hýanlýngtyń kógildir kóli, «ushqysh» taýlar Avatardy erekshe atap ótýge bolady.
2017 jyly T. Nurtaev soltústik alqaptaǵy Shpıbergen araly aýmaǵyn aralap, onyń tabıǵaty men janýarlar álemin sýretke tartqan. Ásirese, aq aıýlar, ıtbalyqtar, morjdar men kıtterdiń fotosýretteri erekshe. Sol jyly Taımas Qýanyshuly Norvegııadaǵy Lofoten aralynyń tabıǵatyn da túsirgen. Sonymen qatar, Argentına men Brazılııa tabıǵatyn, Jerdiń ońtústik aımaǵy – Chılıdegi Gaýcho salt attylaryn, Tores Ulttyq saıabaǵyn, Greı kóli men Paın jerin fotoǵa túsirý arqyly olardyń erekshelikterin kórsete alǵan. Al Kenııada bolǵanynda dúnıejúzine belgili Masaı Mara Ulttyq qoryǵyna baryp Afrıkanyń jan-janýarlar álemin sýretke tartqan – pilder, jolbarystar, barystar, kerikter, begemottar, qoltyraýyndar men zebralardy jáne Nakýra kólinen ádemi kúlgin qoqıqazdardy túsirgen.
Fotosýret sheberi jyldar boıy álemniń eń ádemi jerleri men alys shalǵaılaryn aralaǵan: ushaqpen Kamchatkany; ataqty Korıak, Avachın, Kozel janartaýlaryn; Tynyq muhıtyndaǵy Qorym jáne Avachın shyǵanaǵyn; Solove araldaryn; Kıjı jáne t.b. Birikken Arab Ámirliginde áýe sharynan Aravııa shólindegi tańsári sýretterin de túsirip alǵan. Jaıaý júrip Gımalaıdy (Nepal) sonymen qatar, deltaplannan Dhaýlagırı (8167 m), Anapýrný (8091 m) jáne Feva kóli men tabıǵattyń basqa da tamasha jerlerin fotoǵa túsirgen.
Kórmeniń erekshe bóligin elimizdiń kórikti jerlerinen jınalǵan «Qazaqstan tabıǵatynyń marjandary» atty fotojumystary quraıdy. Onda avtor, týǵan ólkesi men Ile Alataýynyń ásem jerlerin, Almaty men Almaty oblysy aýmaǵyn, Kólsaı, Han-Táńiri, Sharyn kóli men Sharyn shatqaly, «Altynemel» Ulttyq qoryǵy, «Baıanaýyl» Ulttyq saıabaǵy, Jasybaı, Marqakól, Býrabaı, Zaısan, Qara-Sý, Qara-Kól, Qaıyńdy, Ulken Almaty ózeni, Buqtyrma sýqoımasy, Kaspıı teńizi, Kıın-Kerish taýlary, Aq-Taý, Shakelmes, Aıǵaıqum, Mańǵyshlaq, Ústirt shatqaly, Shaqpaq paı Saı shatqaly, Úshqońyr jaılaýy, Aqkergeshin, Aqtolaǵaı qyrqasy jáne t.b. túsirgen fotojumystaryn usynady.
Kórmege 150-den asa fotosýretter usynylǵan.
Kórme 2018 jyldyń 9 mamyryna deıin jalǵasady.
Baılanys telefondary: 264-46-50, 264-55-7
