Qazaqstan Respýblıkasy Tuńǵysh Prezıdenti – Elbasy qorynyń qoldaýymen uıymdastyrylǵan sharanyń maqsaty – jas talanttardy anyqtap, olardyń shyǵarmashylyq izdenisine qoldaý kórsetý, sondaı-aq qazaq án óneriniń qaıtalanbas tulǵalaryna taǵzym etip, qurmet kórsetý. Óner báıgesine Reseı, Qyrǵyzstan jáne Qazaqstannyń túkpir-túkpirinen 65 ótinish túsip, 42 úmitker baq synady.
Qazylar alqasynyń tóraıymy Qurmanǵazy atyndaǵy Qazaq ulttyq konservatorııasynyń «Vokaldyq óner» kafedrasynyń meńgerýshisi, doent Torǵyn Smaılova boldy. Al músheleri retinde Qazaqstannyń halyq artısi, professor Ǵafız Esimov, Qyrǵyzstan Respýblıkasynyń Mádenıet qaıratkeri, doent Zına Saryǵulova, Qazaqstannyń eńbek sińirgen qaıratkeri Gúlzat Dáýirbaeva, P.Chaıkovskıı atyndaǵy Almaty mýzykalyq kolledjiniń «Án aıtý» bóliminiń meńgerýshisi, ónertaný ǵylymynyń magıstri Tanagúl Beknazarova jáne «Án aıtý» bóliminiń ustazy Gúlnar Saqyshova jumys istedi.
Nátıjesinde bas júldeni J.Elebekov atyndaǵy Respýblıkalyq estarada-ırk kolledjiniń stýdenti Jandarbek Erkinbaev, I oryndy Aǵaıyndy Abdýllınder atyndaǵy Shyǵys Qazaqstan oblystyq óner ýchılıesiniń stýdenti Mereı Qadyrhanov jeńip aldy. II oryn Qazaq ulttyq óner ýnıversıtetiniń stýdenti Aıbek Ábdiáshimuly, Jaqsylyq Mıras, Sultan Ádil, III oryndy J.Elebekov atyndaǵy Respýblıkalyq estarada-ırk kolledjiniń stýdenti Maqsat Samatov, P.Chaıkovskıı atyndaǵy Almaty mýzykalyq kolledjiniń stýdenti Samat Shonov, Musa Damır, A.Jubanov atyndaǵy Daryndy balalarǵa arnalǵan mýzyka-mektep ınternatynyń oqýshysy Erkejan Mádenıetova ıelendi.
«Úmit» atalymyna Qazanǵap atyndaǵy Qyzylorda mýzykalyq kolledjiniń stýdenti Saǵynysh Kenjeǵalıqyzy, «Qazaqstan kompozıtorynyń romansyn úzdik oryndaǵany úshin» atalymyna Qazanǵap atyndaǵy Qyzylorda mýzykalyq kolledjiniń stýdenti Bóribaı Ernar, Mańǵystaý óner kollejiniń stýdenti Móldir Jaılybaeva, P.Chaıkovskıı atyndaǵy Almaty mýzykalyq kolledji dırektorynyń arnaıy syılyǵyna osy oqý ornynyń stýdenti Shyńǵys Serikbaıuly laıyq dep tabyldy.
Qazaq ulttyq óner ýnıversıtetiniń stýdenti Muhtar Romashov, Ásem Kıikbaeva, T.Júrgenov atyndaǵy Qazaq ulttyq óner akademııasynyń stýdenti Baǵdat Nysanbaı, J.Elebekov atyndaǵy Respýblıkalyq estarada-ırk kolledjiniń stýdenti Nurǵalym Amanbaı, Birjan Matanov, P.Chaıkovskıı atyndaǵy Almaty mýzykalyq kolledjiniń stýdenti Qasymhan Tajeden, Arýjan Toqtaǵan dıplomant atandy.
Qazaq óneriniń qaıtalanbas tulǵalary Káýken Kenjetaev pen Shabal Beısekovanyń esimi atalmysh oqý orny úshin erekshe qymbat. Sahna sańlaqtarynyń shyǵarmashylyq joly áý basta osy kıeli shańyraq qabyrǵasynda bilim alyp júrgen ýaqytta qalyptasqan. Stýdent Shabal 1936 jyly Opera teatryna shaqyrylyp, ómiriniń sońyna deıin óner kórsetti. Máskeý konservatorııasynda Reseıdiń eńbek sińirgen óner qaıratkeri Marııa Vladımırovadan bilim alǵan jyldary jáne maıdan shebinde óner kórsetken sátterde ǵana az-kem úzilis jasady. Ol Qazaqstan, Qyrǵyzstan, Tatarstan, Bashqurtstan, Grýzııa, Ázirbaıjan kompozıtorlary jazǵan qoıylymdarda 17 basty partııany sheber oryndady.
E.Brýsılovskııdiń «Qyz Jibegindegi» – Jibek, S.Muhamedjanovtyń «Aısulýyndaǵy» – Aısulý, M.Tólebaevtyn «Birjan-Sarasyndaǵy» – Sara, P.Chaıkovskııdiń «Evgenıı Onegındegi» – Tatıana, A.Jubanov pen L.Hamıdıdiń «Abaı» operasyndaǵy Ajar partııasyn somdap, KSRO Memlekettik syılyǵyn aldy. Izdenis aıasyn Eýropalyq repertýarmen de baıytyp, ulttyq naqyshpen árlendirdi.
Sahna sańlaǵy óziniń áriptesi ári ómirlik jary Káýken Kenjetaevpen de birqatar qoıylymdardy qatar somdaǵan.
Káýken Kenjetaev 1936 jyly Máskeý memlekettik konservatorııasy janyndaǵy qazaq stýdııasyn, 1950 jyly Almaty memlekettik konservatorııasyn bitirgen.
1942-46 jyldary Habarovskidegi shekarashylar án-bı ansamblinde, 1946 jyldan Abaı atyndaǵy Qazaqtyń memlekettik akademııalyq opera jáne balet teatrynda eńbek etti. M.Tólebaevtyń «Birjan-Sarasynda» – Janbota, E.Brýsılovskııdiń «Er Tarǵynynda» – Tarǵyn, «Qyz Jibeginde» – Bekejan, «Dýdaraıynda» – Semen, M.Glınkanyń «Rýslan men Lıýdmılasynda» – Rýslan, J.Bızeniń «Karmeninde» Eskamılo sekildi keıipkerlerdi kórermenge usyndy.
Sondaı-aq ol rejısser retinde E.Rahmadıevtiń «Alpamys», E.Brýsılovskııdiń «Amangeldi», P.Chaıkovskııdiń «Qarǵanyń mátkesi», S.Muhamedjanovtyń «Aısulý» operalaryn jurtshylyqqa tartý etti.
«Bizdiń súıikti dáriger», «Tulpardyń izi», «Án qanatynda», «El basyna kún týsa», «Gaýhartas» fılmi arqyly úlken-kishiniń súıispenshiligine bólendi.
