Gúlim Kópbaıqyzy
kınotanýshy
Ultyn ardaqtaǵan ultjandy tulǵany aǵymdaǵy jyldyń 31 mamyr kúni «Temirbek Qarauly Júrgenov» qoǵamdyq qory men T.Júrgenov atyndaǵy Qazaq ulttyq óner akademııasy birige otyryp, Qazaqstandaǵy saıası qýǵyn-súrgin qurbandaryn eske alý kúnine oraı T.Q.Júrgenov eskertkishine arnaıy gúl shoǵyn qoıyp, alash arysyn zııaly qaýym ókilderi, akademııanyń ustazdar qaýymy men stýdentteri rýhyna taǵzym etip, eske aldy. Sharada mereıli mereıtoıǵa oraı respýblıka kóleminde uıymdastyrylǵan jazba aqyndar músháırasy men prozaıkter arasynda ótkizilgen ádebı baıqaý qorytyndysyn jarııalady. Baıqaýdyń basty maqsaty – Temirbek Júrgenovtyń saıası kózqarastaryn, oqý-aǵartý jáne mádenıet salasyndaǵy jumystaryn, ádebı, pýblııstıkalyq murasyn óleń arqyly urpaqqa nasıhattaý; Táýelsiz Qazaqstannyń «Máńgilik el» ulttyq ıdeıasynan týyndaıtyn qazaq tarıhynda qaldyrǵan eren eńbegin jyrlaý; Temirbek Júrgenovtiń jazbalarynda kezdesetin rýhanı ulttyq muramyz ben eldik-erlik qundylyqtarymyzdy ulyqtaý jáne onyń repressııa qurbany bolǵanyn ádebı shyǵarmalar arqyly qazaq halqynyń basyna náýbet bop tóngen jyldardy urpaq sanasyna jańǵyrtý edi.
Kesh barysynda ónertaný doktory, professor, T.Q.Júrgenov atyndaǵy Qazaq ulttyq óner akademııasynyń «Ónertaný» fakýltetiniń dekany B.Nurpeıis «T.Q.Júrgenovtiń qazaq mádenıeti men ónerin damytýdaǵy orny» taqyrybynda mazmundy baıandama jasady. Surapyl zamannyń shekteýli sheńberinen attap ótip, qazaq memleketin nyǵaıtýǵa, bilimi men órkendetýdiń ozyq úlgisin kórsetken Temirbek Júrgenovtiń rýhyna arnalǵan jyr múshaırasy men proza baǵytyndaǵy baıqaýǵa barlyǵy 14 aqynnan 23 óleń, 8 jazýshydan 9 shyǵarmalar kelip túsken.
Baıqaý qorytyndysy boıynsha aqyndar músháırasynyń III orny jáne 100 myń teńge sertıfıkat «Ult rýhynyń shyraǵy» shyǵarmasymen Bekmahanov Ibragım, «Bolsa ǵoı mınıstrler Júrgenovteı!» shyǵarmasymen Shaǵyr Qaıyrbek, «Temirbek jáne Azattyq joly (nemese Temirbek týraly tolǵaý)» shyǵarmasymen Ashat Aımaǵanbetovke buıyrdy. 150 myń teńge sertıfıkat pen II oryndy «Ámir, Duǵa, Dáýir júregi» shyǵarmalarynyń avtory Nııazbaeva Asylaı, «Shyraqshy. Dosy Jaıyq Bekturov» shyǵarmasymen Jetkergen Ábdireıuly ıelense, I oryn men 200 myń teńge syıaqyny «Temirbek pen Turmaǵambet» (ballada) shyǵarmasynyń avtory Tolybaı Abylaevqa buıyrdy. Al, bas júlde Qajı Serikjanǵa 300 myń teńge syıaqymen qosa tabystaldy.
Respýblıkalyq prozaıkter baıqaýynyń II oryn men 150 myń teńge sertıfıkat «Ómir men ókinish» áńgimesiniń avtory Bekbolat Bekmuratulyna, I oryn men 200 myń teńge syıaqy «Temirbekti atqan jendet» áńgimesiniń avtory Ertaı Aıǵalıulyna berildi. «Temirbek Júrgenov» qoǵamdyq qorynyń tóraǵasy, qazylar alqasynyń tóraǵasy Sapen Ańsatov respýblıkalyq prozaıkter ádebı baıqaýynyń bas júldesin «Temirshe» áńgimesiniń avtory Aıgúl Kemelbaevaǵa (300 myń teńge) tabystady.
Kesh sońy Qazaqstannyń eńbek sińirgen qaıratkeri, professor Darıǵa Turanqulovanyń rejısserligimen baıqaýǵa qatysýshylardyń shyǵarmalarynan daıyndalǵan arnaıy kompozıııaǵa ulasty.