Qazaqtyń belgili sýretshi qyzy Aıgúl Hakimjanovanyń shyǵarmashylyǵynda halyq ertegileriniń tańǵajaıyptyǵy men onyń óziniń jan jylýy, kóne ańyzdardyń qupııalyǵy men onyń jan seziminiń sulýlyǵy órile bitken. Ol óziniń árbir jumysynda kópshiligi – jumaq dese, keıbiri – balalyq shaq dep ataıtyn baqyt pen úılesimniń ǵaıyp bolǵan álemine qaıta oralyp otyrady. Árbir jumys tek sheber stılıstıkalyq sheshim taýyp qana qoımaı, erekshe kóńil-kúıge, súıispenshilik pen meıirimge tolǵan. Onyń shyǵarmashylyq álemi ulttyq dástúrlerdiń baılyǵymen tyǵyz baılanysty. Ol adam janynyń jylýyn dál, anyq beretin pastel tehnıkasyn artyq kóredi.
Aıgúl Hakimjanovanyń shyǵarmashylyq álemge kelýine óziniń ájesi, belgili shyǵarmashylyq tulǵa, Qazaqstannyń halyq jazýshysy Márııam Hakimjanovanyń yqpaly zor. Sýretshiniń bala kezinde olardyń úılerine Aısha Ǵalymbaeva, Ǵafý Qaıyrbekov, Sábıt Muqanov, Farıza Ońǵarsynoa, Bıbigúl Tólegenova, Maǵırash Qojahmetova, Mánshúk Mámetovanyń anasy – Ámına apa jáne t.b. osyndaı tamasha adamdar jıi kelip, qonaq bolatyn. Osy ańyz-úıge óner men jigerdiń kıesi qonǵan.
Aıgúl Hakimjanova 1962 jyly 9 aqpanda Almaty qalasynda dúnıege keldi. 1984 jyly Abaı atyndaǵy Qazaq pedagogıkalyq ınstıtýtynyń kórkemsýret-grafıka fakýltetin aıaqtady. 1995 jyldan respýblıkalyq jáne halyqaralyq kórmelerge qatysyp keledi. 2003 jyldan Qazaqstan Respýblıkasy Sýretshiler odaǵynyń múshesi.
Sýretshi «jazda aǵam ekeýimizdi týystarymyzǵa alyp baratyndyqtan, aýyl ómiriniń tynysy janyma jaqyn bolyp óstim» dep eske alady. «Máńgilik jyly», «Baqyt qusy», «Áýlıe aǵash», «Eski qudyq», «Tátti uıqy», «Saz syrnaı tartyp turǵan qyz» atty jumystaryn – eń jarqyn balalyq áserdiń jalǵasy desek bolady. Ulttyq dástúrlerdiń negizi bolǵan jylý men qýanysh onyń shyǵarmashylyǵyndaǵy basty taqyrypqa aınaldy.
Instıtýt qabyrǵasyndaǵy oqý oǵan jańa múmkinshilikter áperdi, anımaııaǵa, kitap ıllıýstraııasyna degen qulshynys paıda boldy. Aıgúl Hakimjanovanyń grafıkalyq daryny kóptegen kórmelerde, konkýrstar men jobalarda baıqalyp, órisin tapty, bular áldeneshe ret eń joǵary marapattarǵa ıe boldy. Búgingi tańda Aıgúldiń ózi – on úsh jyldyq ótili bar ustaz.
Kóptegen konkýrstar men jeńisterdiń arasynda erekshe oryn alatyndaryn atap ótetin bolsaq, olar: Halyqaralyq kitap forýmy – «Open Central Asia Book Forum & Literature Festival 2012» festıvali – 1 oryn (Qyrǵyzstan, Bishkek); London qalasynda shyqqan «Orta teńiz qudaılary» kitabyna ıllıýstraııalary; «Art Portrait Club» Halyqaralyq kórkemsýret konkýrsynda «Grafıkalyq portret» ataýy boıynsha 2-oryn (Máskeý, 2017).
Aıgúl Hakimjanova «Kerqula atty Kendebaı», «Danııaldyń sıqyrly tústeri», «Qyzyl bashmaqtyń basynan keshkenderi», «Narǵyz týraly dastan» sııaqty kóptegen qazaq ertegileri men balalar kitaptaryna arnap tamasha ıllıýstraııalar jasady. Qazaq handyǵy jaıly mýltfılmniń qoıýshy-sýretshisi retinde eskızdermen jumys istep, «Men senemin» atty mýltıplıkaııalyq vıdeoklıptiń jaryqqa shyǵýyna at salysty. Almatyda ótken 18-shi Búkildúnıejúzilik Qysqy Ýnıversıadany kórkemdik bezendirýshilerdiń ortasynda júrdi.
«Keń dalanyń ásem sáýleleri aıasynda» kórmesi sýretshiniń ár jyldary salǵan eń úzdik grafıkalyq jumystaryn usynady. Aıgúl Hakimjanovanyń kórkemdik stıli men qoltańbasy, taqyryptary men sıýjetteri qalaı qalyptasyp, qalaı ózgergenin, tutastaı alǵanda, onyń kartına áleminiń qalaı paıda bolǵanyn kórýge bolatyn, sonymen birge árdaıym bola bermeıtin múmkinshilik jasaıdy. Ekspozıııada halyq ertegileri men qazirgi zaman avtorlarynyń áńgimelerine salynǵan ıllıýstraııalar men grafıkalyq eskızderdi, nobaılar men etıýdterdi tamashalaýǵa bolady.
Sýretshi túspen jáne formamen, keńistikpen jáne syzyqpen batyl jumys isteıdi, sezim syry rýhtyń kúshimen órile bitken jigerli de kórkem, sıqyrly obrazdar týdyrady. Onyń árbir týyndysy asqan sheberlikpen, stılıstıkalyq minsiz, biraq erekshe kóńil-kúıge, mahabbat men meıirim shýaǵyna toly.