«Qazaqfılm» kınostýdııasynyń eń iri jobalarynyń biri bolyp sanalatyn fılmniń saltanatty kórsetilimi shyǵarmashylyq toptyń qatysýymen ótti.
- Osyndaı iri jobada jumys isteý men úshin jáne meniń komandam úshin úlken qurmet. Bizdiń fılm barlyq kórermenderge arnalǵan, óıtkeni bul fılmde bárimizge ortaq – elimizdiń tarıhy baıandalady. Úlken aǵa-ápkelerimizden bastap, ini-qaryndastarymyzǵa deıin bul týyndy qyzyqty bolatynyna senimdimin. Fılmdi qyzyqty ári shynaıy etip jasaýǵa tyrystyq. Kartına tarıhı faktilerge negizdelgen, sondyqtan da fılmdegi barlyq keıipkerler de shynaıy ómirdegi adamdar, bolǵan oqıǵalardyń kýágerleri, – dedi rejısser Aqan Sataev.
Aıta ketsek, «Elbasy joly. Astana» – «Elbasy joly» kınoepopeıasynyń altynshy bólimi. Onyń aldynda túsirilgen «Balalyq shaǵymnyń aspany», «Ot–ózen», «Temirtaý», «Tyǵyryqtan jol tapqan», «Juldyzdar toǵysqanda» fılmderi kórermenniń ystyq yqylas-iltıpatyna bólengeni týraly aıta ketken jón.
«Elbasy Joly. Astana» fılmine Elordamyz – Astananyń salyný tarıhy arqaý bolǵan. Oqıǵa 1994 jyldyń shilde aıynan bastaý alady. Keńes Odaǵy qulaǵannan keıin Qazaqstannyń táýelsiz dara joly bastalady. Ekonomıkalyq daǵdarys pen saıası turaqsyzdyqqa tap bolǵan sol bir qıyn-qystaý kezeńderde, Memleket basshysy astanany Almatydan Aqmolaǵa kóshirýdi usynady. Bul usynys barsha halyq úshin kútpegen oqıǵa boldy, mundaı sheshimniń iske asatynyna jáne onyń jemisti bolatynyna eshkim senbedi. Biraq qaýip-qater men qarama-qaıshylyqtarǵa qaramastan, kópshiliktiń kúdikterine, kúmánshilderdiń syny men qarjylyq qıyndyqtarǵa tótep bere otyryp, Prezıdenttiń basshylyǵymen elimiz mejelengen maqsatty iske asyrdy. 1998 jyldyń 10 maýsymynda jańa astana – Astana qalasynyń halyqaralyq tusaýkeseri ótkizildi.
Fılmniń senarıin Ádilbek Jaqsybekov jáne Tımýr Jaqsylyqov birlesip jazǵan. Kórkem týyndynyń túsirý jumystary byltyr jeltoqsan aıynda qolǵa alyndy. Kartınanyń negizgi túsirilimderi Astanada júrgizildi. Mysaly, negizgi túsirilimder Elordamyzdy Almatydan Astanaǵa aýystyrǵannan keıingi Prezıdent N. Á. Nazarbaev 1997–2004 jyldary aralyǵynda jeti jyl boıy jumys istegen alǵashqy rezıdenııasy – Elbasy kitaphanasynyń mýzeıi ǵımaratynda júrgizildi. Munda joǵary deńgeıdegi kezdesýler men kelissózder ótkizilip, elimizdiń taǵdyryna qatysty sheshimder qabyldandy. Alǵashqy keıpinde saqtalǵan Memleket basshysynyń kabıneti, qabyldaý jáne otyrys zaldary sol jyldardaǵy jumys kúnderdiń atmosferasyn birden bere aldy.
Fılmge túsken akterler týraly da aıta ketken jón. N.Á. Nazarbaevtyń rólin teatr jáne kıno akteri Murat Ahmanov somdady. Sondaı-aq fılmge Erkebulan Daıyrov, Jan Baıjanbaev jáne basqa da tanymal kıno juldyzdary tústi. Aıta ketsek, osy jobaǵa brıtandyq grım boıynsha sýretshi, «Oskar» júldesiniń ıegeri Mark Koler arnaıy shaqyryldy. Ol Margaret Tetcher jáne Ýınston Cherchıldiń obrazdaryn jasaǵan.
Fılmniń túsirilimderine Prezıdenttiń keńse qyzmetkerleri, protokol qyzmeti men Memleket basshysy kúzet qyzmetkerleri keńesshi bolyp arnaıy tartyldy.
Janry: drama
Óndirisi: Sháken Aımanov atyndaǵy «Qazaqfılm» AQ
QR Mádenıet jáne aqparat mınıstrligini tapsyrysy boıynsha
Senarıı avtorlary: Ádilbek Jaqsybekov, Tımýr Jaqsylyqov
Qoıýshy rejısser: Aqan Sataev
Qoıýshy operator: Hasanbek Qydyralıev
Qoıýshy sýretshi: Nazıra Baıbekova
Kompozıtorlar: Álim Zaıyrov, Roman Vıshnevskıı
Prodıýseri: Aqan Sataev
Atqarýshy prodıýser: Álııa Meńdyǵojına
Akterler: Murat Ahmanov, Erkebulan Daıyrov, Jan Baıjanbaev, Oleg Nı, Azat Seıitmetov, Asqar Ilııasov, Gúlnar Jaqypova jáne basqalary.
Anyqtama:
Aqan Sataev 1971 jyly 23 jeltoqsanda Qaraǵandy qalasynda dúnıege keldi. 1994 jyly Almaty óner ınstıtýtynyń telearna rejısseri mamandyǵy boıynsha támamdaǵan. 1994 jyldan bastap Aqan Sataev jarnamalyq rolıkterdi túsirip, kózge túsken. 2003 jyly ol «Satai Film» prodıýserlik kompanııasyn ashady. 2007 jyly rejısser jáne prodıýser retinde alǵashqy «Reketır» fılmin túsiredi. Qazaqstannyń eńbek sińirgen óner qaıratkeri.
Fılmografııasy: «Reketır» (2007) , «Aǵaıyndy» (serıal, 2009),«Adasqandar» (2009), «Lıkvıdator» (2011)» , «Jaýjúrek Myń Bala» (2012), «Baýyrjan Momyshuly» (2013), «Haker» (2015), «Reketır- 2» (2015), «Anaǵa aparar jol» (2015), «Raıon» (2016), «Ona» (2017), «Bıznesmender», «Elbasy joly. Astana» (2018) .
Murat Ahmanov – teatr jáne kıno akteri. Ol 1959 jyly 1 maýsymda Almaty oblysynda dúnıege kelgen. 1976 jyly Almaty horeografııa ýchılıesin, 1984 jyly qazirgi Qazaq ulttyq óner akademııasynyń akterlik, al 1998 jyly – rejısserlik bólimin bitirgen. 1984-1993 jyldary -Taldyqorǵan oblystyq drama teatrynda akter, qoıýshy-rejısser qyzmetin atqarǵan. 1999-2001 jyldary Jezqazǵan mýzykalyq drama teatrynyń bas rejısseri; 2001-2005 jyldary Batys Qazaqstan oblysy drama teatrynyń bas rejısseri; 2005 jyldan Almaty oblysy drama teatrynyń dırektory – kórkemdik jetekshisi bolyp jumys istedi. Qazirgi tańda Ǵ. Músirepov atyndaǵy Qazaq Memlekettik Akademııalyq balalar men jasóspirimder teatrynda eńbek etedi.
Qazaqstan teatr qaıratkerleri odaǵynyń múshesi, Qazaqstannyń eńbek sińirgen artısi (1998), «Qurmet» ordeniniń ıegeri (2012).
