Búgin Qazaqstan Respýblıkasy Mádenıet jáne sport mınıstriniń buıryǵymen Sháken Aımanov atyndaǵy «Qazaqfılm» AQ prezıdenti bolyp Aqan Sataev taǵaıyndaldy.
Ujymǵa jańa basshyny Mədenıet jəne sport vıe-mınıstri Nurǵısa Dáýeshov tanystyryp, aldaǵy qyzmetine səttilik tiledi.
Aqan Qarǵambaıuly Sataev 1971 jyly Qaraǵandy qalasynda dúnıege kelgen.
1994 jyly Almaty qalasyndaǵy T.Q. Júrgenov atyndaǵy Qazaq ulttyq óner akademııasynyń "kıno jáne TV" fakýltetin aıaqtaǵan.
2003 jyly «Sataifilm» stýdııasynyń negizin qalap, 2007 jyly «Reketır» atty alǵashqy tolyqmetrli fılmin, «Adasqan» mıstıkalyq trıllerin (2009), «Aǵaıyndy» serıalyn (2009), «Lıkvıdator» psıhologııalyq dramasyn (2011), «Jaýjúrek Myń bala» tarıhı fılmin (2012) túsirgen. Sondaı-aq «Raıony» krımınal dramasy men «Anaǵa aparar jol» tarıhı dramasynyń (2016), «Bıznesmeny» (2018), «Tomırıs» (2019) fılmderiniń rejısseri.
2014 jyly kınoındýstrııa salasynyń úzdik ókili retinde "Halyq súıiktisi" ulttyq syılyǵyna ıe boldy.
2016 jyly jas rejısserlerdi qoldaýǵa baǵyttalǵan Astana Film Found qorynyń negizin qalaǵan.
