«Anaǵa aparar jol» fılminiń avtorlary Memlekettik syılyqqa ıe boldy

Elbasy Nursultan Nazarbaevtyń Jarlyǵymen  Qazaqstan Respýblıkasynyń 2018 jylǵy ádebıet pen óner salasyndaǵy Memlekettik syılyqqa Qazaqstan Respýblıkasy Mádenıet jáne sport mınıstrligi tapsyrysy boıynsha «Qazaqfılm» kınostýdııasy «Novyı mır prodakshn» JShS jáne Sataifilm kompanııalarymen birlese túsirgen «Anaǵa aparar jol» fılminiń shyǵarmashylyq toby laıyq dep tanyldy.
«Anaǵa aparar jol» fılminiń avtorlary  Memlekettik syılyqqa ıe boldy

Jarlyqqa sáıkes, fılmniń rejısseri – Qazaqstannyń eńbek sińirgen qaıratkeri Aqan Sataev, Bas prodıýseri – Álııa Nazarbaeva, senarıı avtory – Tımýr Jaqsylyqov, jáne akterler – Altynaı Nógerbek pen Ádil Ahmetov Memlekettik syılyqtyń ıegerleri atandy.

Sondaı-aq, ádebıet salasy boıynsha «Alqońyr dúnıe» óleńder jınaǵy úshin Tynyshtyqbek Ábdikákimov, «Ana syry» óleńder jınaǵy úshin Aqushtap Baqtygereeva, «Shýaqty shaq» óleńder jınaǵy úshin Ótegen Oralbaev, «Abaı» operasyn qoıǵany úshin «Astana Opera» opera jáne balet teatrynyń ujymy – Tóleýbek Álpıev,  Alan Bóribaev, Súndet Baıǵojın  memlekettik syılyqqa ıe boldy.

«Qazaqstan Respýblıkasynyń 2018 jylǵy ádebıet pen óner salasyndaǵy memlekettik syılyǵyn berý týraly» jarlyq Elbasy ákimshiliginiń resmı saıtynda jarııalanǵan. Bul jarlyq resmı jarııa etilgen kúninen bastap qoldanysqa engiziledi.

Esterińizge sala ketsek, «Anaǵa aparar jol» tarıhı dramasy 2016 jyly qyrkúıek aıynda prokatqa shyqqan bolatyn . Fılm ómirdiń aýyrtpalyǵyna tótep bergen, qıyn qystaý kúnderi  surapyl soǵystyń mehnatyn kórgen basty keıipkerdiń taǵdyryn baıandaıdy. Bul kınotýyndy ananyń perzentine degen sheksiz mahabbaty týraly, perzentiniń Otanyna degen adaldyǵy jaıly. Atalǵan kınotýyndy 38-shi Halyqaralyq Máskeý kınofestıvalinde jáne «Eýrazııalyq kópir» atty festıvalge qatysyp, Bas júldeni, sonymen qatar aktrısa Altynaı Nógerbek «Úzdik áıel adam róli» nomınaııasynda jeńiske jetti. Odan bólek, bul týyndy 2016 jyly Qazaqstan kınosynshylar assoıaııasy uıymdastyrǵan «Synshylar tańdaýy» júldesinde úsh birdeı júldeni ıemdendi. Atap aıtsaq, «Eń úzdik aktrısa» - Altynaı Nógerbek jáne «Ekinshi plandaǵy úzdik aktrısa» Arýjan Jazylbekova dep tanyldy. Al «Fılmge jazylǵan úzdik mýzyka» nomınaııasyn atalmysh fılmniń kompozıtorlary Álim Zaırov pen Roman Vıshnevskıı bólisti.  Odan bólek, kınotýyndy Bishkekte ótken «Aq ilbiris» atty VI  ulttyq kınojúldesinde Ortalyq Azııanyń úzdik fılmi atandy. Al 2017 jyly maýsym aıynda Nıý-Iorkte ótken 5-shi eýrazııalyq kınofestıvalde  tarıhı kınotýyndy «Úzdik kórkem fılm» júldesin aldy. Sonymen qatar, fılmniń Bas prodıýseri Álııa Nazarbaeva «Kıno álemindegi eýrazııalyq áıelder» júldesimen, al kartınada ana rólin somdaǵan aktrısa Altynaı Nógerbek «Úzdik aktrısa» júldesimen marapattalǵan.

Sondaı-aq «Anaǵa aparar jol» fılmi  2017 jyly tamyz aıynda Horvatııada ótken Halyqaralyq «Marko Polo» kınofestıvalinde «Úzdik kórkem fılm» júldesin aldy. Sonymen qatar, atalǵan kınotýyndy «Eń úzdik senarıı» jáne «Kórermender kózaıymy» júldelerimen marapattaldy.

«Anaǵa aparar jol»

Fılm týraly: Fılmniń jelisi qazaq halqynyń HH ǵasyrda bastan keshken  kúrdeli tarıhı kezeńderden qurylǵan, atap aıtsaq, kúshtep júrgizilgen ujymdastyrý naýqany, ulttyń basyna túsken uly tragedııa – jut (asharshylyq), Uly Otan soǵysy jáne soǵystan keıingi beınetti jyldar. Fılm ómirdiń aýrtpashylyǵyna tótep bergen, qıyn qystaý kúnderi  surapyl soǵystyń mehnatyn kórgen, jat elde tutqynda bolǵan Ilııas esimdi jigittiń taǵdyryn baıandaıdy. Bóten jerde aıdaýda júrse de, jat eldiń zorlyq-zombylyǵyn kórip, qııanatyn keshse de, jalǵyzdyqtyń taýqimetin  tartsa da, bas Qaharman atajurtyn ańsap, anasyn saǵynyp, týǵan jerine oralatynyna eshqashan kúmandanbaıdy.

Óndirýshi: Sháken Aımanov atyndaǵy «Qazaqfılm» AQ,  «Novyı mır» Prodakshn» JShS qatysýymen.

Janry: tarıhı drama

Rejısseri: Aqan Sataev

Senarıı avtory: Tımýr Jaqsylyqov

Qoıýshy operatory: Hasan Qydyrálıev

Qoıýshy sýretshi: Nazıra Baıbekova, Larısa Reshetova

Rólderde: Ádil Ahmetov, Arýjan Jazylbekova, Altynaı Nógerbek, Azamat Satybaldy jáne t.b.