Dárııa Bolsanbek Amerıkadaǵy baıqaýdan bas júldemen oraldy

Dárııa Bolsanbek Amerıkada ótken “Pearl of the New York” án baıqaýynan bas júlde aldy!
Dárııa Bolsanbek Amerıkadaǵy baıqaýdan bas júldemen oraldy

Temirbek Júrgenov atyndaǵy Qazaq ulttyq óner akademııasynyń «Teatr óneri» fakýltetiniń III kýrs stýdenti Dárııa Bolsanbek 2019 jyldyń 3-6 qazan aralyǵynda Ispanııada ótken TU ONDA úshinshi shyǵarmashyl jastar festıvalinde júzden júırik shyǵyp, I oryndy ıelengen edi. Ispanııanyń Marbelıa qalasynda álemniń túkpir-túkpirinen kelgen 80 úmitker ózara baq synaǵan baıqaý Dárııaǵa úlken tájirıbe berdi. Bul dodaǵa belgili mýzykatanýshy mamandar Marına Andrýsenko, Tatıana Mıhalkova, Elena Pındjoıan, Marına Poltaeva, Valerıı Sorokovoı, Sergeı Fılın, Qarlyǵash Ábdikárimova jáne Enrıke Vısent tórelik etken bolatyn. Konkýrsta Dárııa Bolsanbek "Rise Like a Phoenix" ánin oryndaǵan-dy.

Dárııa ánshilik izdenisin munymen toqtatqan emes. Aldaǵy jyly Belarýs Respýblıkasynda «Vıtebsk – 2020» baıqaýyna qonaq retinde shaqyrlsa, dál sol baıqaýda Nıý-Iorkte ótetin «Pearl of  New York» ánshiler saıysyna  joldama alǵan edi. Mine, búginde Dárııa Bolsanbek taǵy da júldeli boldy!

Dárııa Bolsanbek Amerıkada ótken “Pearl of the New York” án baıqaýynan bas júlde aldy!

12 memleket qatysqan dodada úzdik shyqqan ol osy nátıjege jetý úshin uzaq ári turaqty daıyndalǵan.  Jas ánshiniń aıtýynsha, buǵan deıingi qatysqan baıqaýlary osy jarystyń baspaldaǵy ispetti bolypty. Óıtkeni “Pearl of the New York”  Dárııaǵa taǵy da basqa álemdik saıystarǵa joldama alýǵa múmkindik beredi. Máselen, ol endi Italııaǵa baryp taǵy bir baıqaýǵa qatysady. Daryndy Dárııany jeńisimen quttyqtaımyz! Aldaǵy baıqaýlardyń da júldegeri atanady degen úlken senim bildiremiz!