«Osydan on eki jyl buryn men respýblıkalyq konkýrsta eki dombyrashyny súıemeldedim. Biz Qurmanǵazynyń, Dáýletkereı men Dınanyń shyǵarmalaryn tarttyq. Sodan beri qazaq áýeni meniń janymdy bılep aldy. Eki jyl ótken soń men «Qazaq rapsodııasyn» jazyp, Petr Chaıkovskıı qorynyń syılyǵyn aldym. Men endi qazaq mýzykasyna degen ózimniń bar yqylasymdy bildirýge tyrysqan albomymdy kórsetip, tanystyrǵym keledi. Albom Kıev fılarmonııasynyń solısi German Safonovtyń stýdııasynda Steinway roıalinde jazyldy. Dala sazynyń rýhyn berý úshin roıaldan ózge jetigen, shańqobyz, dombyra, qobyz, sybyzǵy, prıma-qobyz aspaptarynyń da úni qosyldy. «Qusnı-Qorlan» kompozıııasy men úshin asa ardaqty, sebebi, Batyrhan Shúkenov oǵan arnap saksofon partııasyn jazdy. Albom avtorlyq óńdeýden ótken on qazaq áni men men bes avtorlyq shyǵarmadan turady. Osy mýzyka sizderdiń júrekterińizdiń qylyn shertip, az da bolsa baqytqa bóleıdi dep úmittenemin» deıdi Oleg Pereverzev.
Oleg Pereverzev – asqan sheber pıanıst, Qurmanǵazy atyndaǵy Qazaq ulttyq konservatorııasynyń magıstratýrasy men aspırantýrasyn bitirdi. Gannoverdegi (Germanııa) Joǵary mýzyka jáne teatr mektebinde tájirıbe jınap, tálim alyp qaıtty. Jaqynda ǵana birneshe rolıgin jazdyryp, Los-Andjelesten keldi. Halyqaralyq «Shabyt» festıvaliniń, LG kameralyq mýzyka konkýrsynyń, S. Taneev atyndaǵy kameralyq ansamblder halyqaralyq konkýrsynyń (Máskeý, 2005), Qazaqstan mýzyka mádenıetiniń damýyna qosqan úlesi úshin «Ilham» syılyǵynyń laýreaty; Lıst atyndaǵy besinshi halyqaralyq konkýrstyń (Veımar, 2006), Mıssýrı shtatyndaǵy 12-halyqaralyq pıanıster konkýrsynyń (AQSh, 2008), Britain's Got Talent (London, 2014), Ýkraına mae talant (Kıev, 2013) konkýrstarynyń qatysýshysy.
Konertten túsken barlyq qarjy Á. Qasteev atyndaǵy QR MÓM-niń qajetine jumsalady. Keshti júrgizýshiler: Klara Isabaeva, Á. Qasteev atyndaǵy QR MÓM baspasóz qyzmetiniń jetekshisi jáne pıanıst Oleg Pereverzev.
Anyqtama telefondary: 394-57-18, 8-705-888-6562, 8-747-181-5126.
