2019 jyly jeltoqsannyń 3-i men 7-i aralyǵynda ótetin VIII Halyqaralyq «Bastaý» festıvaliniń Bastau Shorts qysqametrli stýdenttik fılmderdiń konkýrstyq baǵdarlamasy jarııalandy. Bul tizimge 21 elden kelgen 43 qysqametrli kórkem, derekti jáne anımaııalyq fılmder kirgen. Olardyń qatarynda Germanııa, AQSh, Latvııa, Armenııa, Ázirbaıjan, Úndistan, Lıtva, Sıngapýr, Túrkııa, Ózbekstan, Ýkraına, Qyrǵyzstan syndy basqa da elderdiń fılmderi bar.
Aıta ketsek, bıyl festıvalge 44 elden 360 ótinim kelip túsken. Olardyń arasynda eń kóp ótinim Reseıden kelgen (60 fılm). Nátıjesinde Bastau Shorts baǵdarlamasynda 11 reseılik fılm usynylatyn bolady.
Aıta ketsek, bul baıqaýǵa 6 otandyq fılm iriktelinip alyndy, olar: rejısser Kamılla Berdimuratovanyń «Taqsyr» derekti fılmi, rejısser Aıdarbek Abdýlqadyrdyń «Tereń sý» anımaııalyq fılmi, rejısser Samǵar Raqymnyń «Aýylǵa dıplommen» kórkem týyndysy, Elaman Shaýbanovtyń «Baýyr» kartınasy, Darına Manapovanyń «Máýlen» jáne Baǵlan Qudaıberlıevtyń «Tynyshtyq áni» kórkem fılmderi.
Festıvaldiń barlyq fılmderi Bekmambetov Cinema kınoteatrynda kórsetiledi (Abaı dańǵyly, 109 V, Globus kesheni, 2-qabat).
Halyqaralyq «Bastaý» stýdenttik jáne debıýttik fılmder festıvaliniń ashylý saltanaty «Alataý» dástúrli óner teatrynda ótedi. Bastalýy saǵat 19:00. Festıval otandyq rejısser Sharıpa Orazbaeva túsirgen «Marııam» fılmimen ashylady.
Festıvaldiń jeńimpazdary 2019 jyly 7 jeltoqsanda belgili bolady.
Halyqaralyq «Bastaý» stýdenttik jáne debıýttik fılmder festıvalin «Bastaý» HKF Bas Dırekııasy, «Kınokompanııa Tanaris Production» JShS, Almaty qalalyq ákimdiginiń qoldaýymen A Team kompanııasy, T.Júrgenov atyndaǵy Qazaq ulttyq óner Akademııasy, TURAN ýnıversıteti, Sh.Aımanov atyndaǵy «Qazaqfılm» AQ ótkizedi.
