VIII Halyqaralyq «Bastaý» kınofestıvaliniń ashylý saltanatynda álemdegi kóptegen bedeldi halyqaralyq kınofestıvalderge qatysyp júrgen rejısser Sharıpa Orazbaevanyń «Marııam» atty debıýttik fılmi kórsetiledi.
Bul tyrnaqaldy kınotýyndy festıvaldiń BASTAU DEBUTS atty debıýttik tolyqmetrli kórkem fılmderga arnalǵan negizgi konkýrstyq baǵdarlamasyna qatysady.
Al fılmniń rejısseri Sharıpa Orazbaeva BASTAU SHORTS atty halyqaralyq qysqametrli fılmder baıqaýynda qazylar alqasynyń quramynda úzdikterdi anyqtaıtyn bolady.
Shynaıy oqıǵaǵa negizdelgen «Marııam» fılmi kúıeýi is-tússiz joǵalyp ketken tórt balanyń anasy týraly baıandaıdy. Basyna túsken aýyrtpalyqty moıymaı kótere bilgen basty keıipker aýyr sheshimder qabyldaýǵa májbúr bolyp, óz-ózin tanýǵa tyrysady.
Halyqaralyq «Bastaý» stýdenttik jáne debıýttik fılmder festıvaliniń ashylý saltanaty 2019 jyly 3 jeltoqsan, «Alataý» dástúrli óner teatrynda ótedi.
Bastalýy saǵat 19.00-de. Kirý tegin.
