Bastau Debuts baıqaý baǵdarlamasynda Amın Naıfeniń «200 metr» atty kartınasy bas júldeni ıelendi. «Úzdik fılm» atalǵan kartına birneshe elderdiń (Palestına, Iordanııa, Katar, Italııa jáne Shveııa) qatysýymen túsirilgen jáne Taıaý Shyǵystaǵy otbasynyń oqıǵasyn baıandaıdy. Mustafa men onyń áıeli Salva eki bólek aýylda turady. Ol aýyldar bir-birinen 200 metr qashyqtyqta ornalasqanymen, qabyrǵamen bólingen. Birde telefon qońyraýy estiledi, endi otbasy úshin bárine daıyn ákesi qabyrǵanyń arǵy jaǵyna ótý kerek. Ol úshin 200 metr qashyqtyq 200 shaqyrymdyq odısseıaǵa aınalady…
Iýrıı Bykov bastaǵan halyqaralyq qazylar alqasy osy fılmge «Úzdik rejıssýra» syılyǵyn da tabystady. Sonymen birge, konkýrstyq baǵdarlamada «Úzdik akter» syılyǵyn «Aq kıt» («Belyı kıt») fılmindegi Daınıýs Gavenonıs (Reseı), «Úzdik aktrısa» marapatyn «Kúmis sur tústiń ústinde uıyqtaǵan adam» fılminde oınaǵan aktrısa Inın Ma (Qytaı) jeńip aldy. «Qazylar alqasynyń arnaıy júldesi» qazaqstandyq Álisher Jádigerovtyń «Otaý» kartınasyna buıyrdy.
«Kez-kelgen festıval, belgili bir maǵynada – lotereıa bolyp esepteledi. Sondyqtan, búgin marapattalmaǵan azamattarǵa aıtarym – óz qabiletterińizge, kıno túsirýge degen talpynystaryńyzǵa jáne kıno jasaýǵa degen umtylystaryńyzǵa eshqashan kúmándanbańyzdar. Jáne eń bastysy, kıno – syılyqtar úshin, dý qol shapalaqtar úshin túsirilmeıdi. Osyny árdaıym este saqtańyzdar», - dedi qazylar alqasynyń tóraǵasy Iýrıı Bykov jabylý saltanatynda.
Festıvaldiń eń úzdik qysqametrajdy fılmi bolyp Tájikstannan kelgen rejısser Manzaralı Sheralıdiń «Aýyrtpalyq» kartınasy atandy. Reseılik Tatıana Fedorovskaıanyń tóraǵalyǵymen ótken Bastau Shorts baǵdarlamasynyń qazylar alqasy kelesi nomınaııalar boıynsha jeńimpazdardy anyqtady:
«Úzdik qysqa metrajdy anımaııalyq fılm» – Shokır Holıkovtyń (Ózbekstan) «Qyz ben bult» fılmi.
«Qazylar alqasynyń arnaıy júldesi» – qazaqstandyq rejısser Nurbol Erbolulynyń «Túıme» kartınasy.
«Erekshe atap ótý» nomınaııasy – reseılik Andreı Natoınnyń «Katıa» fılmi.
«Erekshe atap ótý» nomınaııasy – Belarýs rejısser» Iýrıı Semashkonyń «Men general bolǵanda» kartınasy.
Derekti fılmder sekııasynda «Úzdik tolyqmetrajdy derekti fılm» nomınaııasynda Ýkraınadan kelgen Andreı Lısekııdiń "Ivan jeri" atty jumysy jeńiske jetti. Ýkraınalyq Marııa Shevchenkonyń «Qal» («Rodımoe pıatno0») kartınasy «Úzdik qysqa metrajdy derekti fılm» nomınaııasyn utyp aldy. Al qazylar alqasynyń arnaıy júldesi qazaqstandyq rejısser Tilek Yrysbektiń «Jumagúldiń álemi» kartınasyna buıyrdy.
Halyqaralyq stýdenttik qazylar alqasy ózbekstandyq rejısser Sherzod Nazarovtyń «Jibek jolynda» kartınasyna festıvaldiń «Úzdik qysqametrajdy fılmi» marapatyn tapsyrdy. Sondaı-aq, stýdenttik qazylar alqasynyń arnaıy syılyǵyn rejısser Elza Gaýdjdiń (Latvııa) «Lokdaýn» fılmi jeńip aldy. Al qazaqstandyq rejısserler Dilshat Rahmatýllınniń «Besik jyry» jáne Aıdana Baýyrjanqyzynyń «Áke, án aıtyp bereıik be?» jumystary qazylar alqasy tarapynan erekshe atap ótildi.
Atap ótsek, bıyl kınofestıval qatysýshylary men qonaqtary bes kún ishinde álemniń otyzdan astam elinen 80 fılmdi tamashalady.
Jyl saıynǵy osy kıno merekesin QR Mádenıet jáne sport mınıstrliginiń, Almaty qalasy ákimdiginiń, T.Júrgenov atyndaǵy Qazaq ulttyq óner akademııasynyń, Turan Ýnıversıtetiniń, Ál-Farabı atyndaǵy Qazaq Ulttyq Ýnıverstıtetiniń, Ulttyq kınony qoldaý memlekettik ortalyǵynyń jáne Sh.Aımanov atyndaǵy «Qazaqfılm» kınostýdııasynyń qoldaýymen «Tanaris Production» jáne A Team kınokompanııalary uıymdastyrdy.
