Mádenı astanamyzda úsh jyl buryn qurylǵan "Alataý" dástúrli óner teatrynyń jańa dırektory bolyp QR eńbek sińirgen qaıratkeri Ýáshev Dálel Zeıneshuly taǵaıyndaldy. Dástúrli óner teatrynyń jańa basshysy buǵan deıin Jambyl atyndaǵy Qazaq memlekettik fılarmonııasynyń dırektorlyq qyzmetin abyroımen atqarǵan.
Dálel Ýáshev - qazaq óneriniń damýyna 1992 jyldan beri eńbek etip keledi. óziniń shyǵarmashylyq jolynda N.Tilendıev atyndaǵy "Otyrar sazy" folklorlyq-etnografııalyq orkestri, Qurmanǵazy atyndaǵy memlekettik akademııalyq halyq aspaptar orkestri sekildi bedeldi ansambldermen óner kórsetken. 1993 jyly halyqaralyq "Altyn kúz" kameralyq ánshiler baıqaýynda laýreat atanǵan. Sonymen qatar, 1995 jyly Ýfa qalasynda ótken halyqaralyq M.Glınka atyndaǵy baıqaýdyń dıplomanty. Konservatorııada ustazdyq etip júrip, Avstrııa kompozıtory G.Malerdiń "Pesnıa stranstvýıýego Podmasterııa" atty týyndysynyń alǵash oryndaýshysy atanǵan.
"Alataý" dástúrli óner teatry megapolıstegi aıtýly mádenı nysandardyń biri. Teatrdyń ashylýy 2016 jyldyń 20 tamyzynda Almaty qalasynyń 1000 jyldyǵy aıasynda atalyp ótti.
Dástúrli teatrdyń negizgi maqsaty men qyzmeti - qazaq halqynyń tól ónerin nasıhattaý. Osy maqsatta jyrshy-jyraýlarǵa arnalǵan spektakl, konertter kóptep qoıylyp, ulttyq án salý sheberliginiń dástúrin saqtaýǵa baǵyttalǵan kýrs jumys istep jatyr. Sondaı-aq, teatrda qazaqstandyq kórkem fılmder men derekti fılmderdiń premeralarymen qatar, ulttyq mýzykalyq konertter de jıi ótip turady.
