Festival International des Cinemas d'Asie de Vesoul - bul Eýropaǵa Azııa kınosyn usyný jáne ilgeriletý maqsatynda jasalǵan kórsetilimder. Erjanovtyń kartınasy konkýrstan tys kórsetildi jáne Franııa kınoteatrlary ıeleriniń qazylar alqasynan marapatqa ıe boldy.
Otandyq kórermenniń búgingi kúnge osy júldeger fılmdi kórýge barlyq múmkindikteri bar - qazirgi ýaqytta "Qap-qara adam" elimizde keń prokata júrýde jáne ony Qazaqstannyń barlyq kınoteatrlarynan kórýge bolady.
- Júlde Franııa kınoteatrlarynyń ıelerinen kelgenine óte qýanyshtymyn. Fılm konkýrstan tys kórsetilse de osy syılyqqa ıe bolyp otyr - bul óte mańyzdy. Bizdiń kórermen de kınoteatrlarǵa barady dep úmittenemin. Onyń ústine, fılm qazir bizdiń prokatta júrip jatyr. Kórýge asyǵyńyzdar! – dep Ádilhan Erjanov óz áserimen bólisti.
Erjanovtyń kartınasy Arizona Productions (Franııa) qatysýymen Short Brothers (Qazaqstan) kompanııasymen túsirilgen. Bul dramalyq trıller isti tez arada japqysy keletin tergeýshi Bekzattyń (akter Danııar Alshınov) oqıǵasyn baıandaıdy , sebebi kinálini – zııansyz aqymaq Pýkýardy (Teoman Hos) jergilikti polıeıler taýyp qoıǵan. Alaıda iske qalanyń jýrnalısi Arıana (Dınara Baqtybaeva) aralasqanda, bári ózgeredi. Endi tergeýshige osy isti ómirinde birinshi ret barlyq erejeler boıynsha júrgizýge týra keledi.
"Qap-qara adam" fılminiń álemdik premerasy 2019 jyly 23 qyrkúıekte Ispanııada ótti. Kartına San-Sebastıandaǵy 67-Halyqaralyq kınofestıvaldiń negizgi konkýrstyq baǵdarlamasy aıasynda kórsetildi. San Sebastian International Film Festival - álemdegi eń kóne "A" klasty kınofestıvalderdiń biri (Kann, Berlın jáne Veneııamen qatar). 2019 jyldyń qarasha aıynda Ádilhan Erjanov "Qap-qara adam" fılmindegi óz jumysy úshin "Úzdik rejısser" nomınaııasynda "Asia Pacific Screen Awards -2019" (Azııalyq "Oskar") syılyǵyna ıe boldy. Ol osy nomınaııaǵa ıe bolǵan alǵashqy qazaqstandyq rejısser.
