Ádilhan Erjanovtyń "Qap-qara adam" fılmi Madrıd qalasynda ótetin "Imagine India" kınofestıvaliniń negizgi konkýrsynda kórsetiletin boldy. Bul festıval 19 jyl buryn qurylǵan jáne onyń ataýy Jon Lennonnyń ańyzǵa aınalǵan "Imagine" ánimen baılanysty. Bıylǵy jyly bul festıval onlaın formatta qyrkúıek aıynyń sońynan qazan aıynyń basyna deıin sozylady.
— Men Danııardyń nomınaııaǵa ilingenine óte qýanyshtymyn — sebebi ol fılmniń oqıǵasyn, keıipkerdiń psıhologııalyq syzbasyn jetektegen basty tulǵa. Onsyz fılm múmkin bolmas edi, - dedi Ádilhan Erjanov.
Sondaı-aq, bul Danııar Alshınovtyń osy róldi somdaǵandaǵy alǵashqy jetistigi emes. Jyl basynda Alshınov Qazaqstannyń kınosynshylar qaýymdastyǵynyń jyl saıyn ótkizetin "Synshylar tańdaýy-2020" baıqaýynda osy fılm úshin "Úzdik er adamnyń róli" syılyǵyna ıe bolǵan.
— Bul meniń akterlik mansabymdaǵy alǵashqy halyqaralyq nomınaııa, sondyqtan ol men úshin óte mańyzdy. Bul sonymen birge Ádilhan ekeýmizdiń birge bir baǵytta qozǵalyp kele jatqanymyzdyń aıqyn kórinisi. Alda bizdi áli de kóptegen jobalar kútip tur dep úmittenemin jáne de ekranda shynymen qyzyqty nárse jasaı alamyz dep senemin, - dep Alshınov óz áserimen bólisti.
Erjanov kartınasyn Short Brothers (Qazaqstan) jáne Arizona Productions (Franııa) kompanııalarynyń qatysýymen Astana Film Fund (Qazaqstan) kompanııasy túsirdi. Bas prodıýserleri Aqan Sataev pen Ernar Qurmashev. Bul dramalyq trıller tergeýshi Bekzattyń (Danııar Alshınov) oqıǵasyn baıandaıdy. Ol isti tezirek jabý úshin jergilikti polıeıler taýyp qoıǵan – zııansyz Pýkýar esimdi azamatty (Teoman Hos) kináli retinde tergeýge alady. Alaıda qaladan kelgen jýrnalıst Arıana (Dınara Baqtybaeva) iske aralasyp, tekserý júrgizedi. Sol sebepti, Bekzatqa bul isti óziniń tájirıbesinde alǵash ret barlyq erejelerdi saqtaı otyryp júrgizýge týra keledi…
"Qap-qara adam" fılminiń álemdik tusaýkeseri 2019 jyly 23 qyrkúıekte Ispanııada ótti. Kartına San-Sebastıandaǵy 67-Halyqaralyq kınofestıvaldiń negizgi konkýrstyq baǵdarlamasy aıasynda kórsetildi. 2019 jyldyń qarasha aıynda Ádilhan Erjanov "Qap-qara adam" fılmindegi jumysy úshin "Úzdik rejısser" nomınaııasynda "Asia Pacific Screen Awards - 2019" (Azııalyq "Oskar") syılyǵyna ıe boldy. 2020 jyly kartına qazaqstandyq táýelsiz "Synshylardyń tańdaýy" kınopremııasynda birden 5 júldege ıe boldy: "úzdik drama", "úzdik rejısser", "úzdik er adamnyń róli", "úzdik áıel róli", sondaı-aq "úzdik operatorlyq jumys".
Esterińizge sala ketsek, 2018 jyly "Qap-qara adam" Almaty Film Festival aıasyndaǵy pıtchıń jobalarynyń jeńimpazy atanǵan bolatyn. Bıylǵy jyldyń basynda kartına keń qazaqstandyq prokatta boldy.
