Áserli jáne tartymdy oqıǵalar, jan tebirenter sezimtal, jalyndy óleńder - «Altyn tobylǵy» ádebı baıqaýyna qatysqan jas aqyndar men jazýshylardyń shyǵarmalarynyń denin osylaı sıpattaýǵa bolady.
Bıylǵy jyly pandemııa óz túzetýlerin engizdi, sondyqtan baıqaý jeńimpazdaryn jarııalaý onlaın rejıminde ótti.
Nursultan Nazarbaev Qorynyń atqarýshy dırektory Qanat Jumabaev is-sharanyń ashylý saltanatynda: «Altyn tobylǵy» - jyldan jylǵa tanymaldylyqqa ıe bolyp kele jatqan jobalardyń biri. Eger 2015 jyly baıqaýǵa qatysýǵa 120 shyǵarma berilse, bıyl avtorlardan Qazaqstannyń barlyq óńirlerinen 161 jumys kelip tústi. Biz ár qatysýshyǵa baıqaýǵa qyzyǵýshylyq tanytqany úshin, erekshe shyǵarmalary úshin alǵysymyzdy bildiremiz», - dep atap ótti.
Qanat Jumabaevtyń aıtýynsha, baıqaýǵa qatysqan jas qalam sheberleriniń shyǵarmalary ómirden alynǵan shynaıy jáne oıdan shyǵarylǵan qyzyqty oqıǵalar. Olar adamdardyń izgiligine, adamgershilik qasıetterine, elimizdiń uly tulǵalaryna, Qazaqstannyń dástúrleri men jetistikterine arnalǵan.
Quramyna jýrnalıstıka ardagerleri men mádenıet qaıratkerleri engen qazylar alqasynyń músheleri jas avtorlardyń týyndylary qoǵamda rýhanı qundylyqtardy nyǵaıtýǵa, elimizde ádebı shyǵarmashylyqty damytýǵa septigin tıgizetinin atap ótti.
Bıyl Uly Abaı Qunanbaevtyń 175 jyldyǵyna oraı «Abaıdyń 175 jyldyǵyna arnalǵan shyǵarmalar» arnaıy syılyǵy taǵaıyndaldy.
Baıqaý jeńimpazdary:
- «Jyldyń úzdik poezııasy» nomınaııasynda – «Dala jyrlary» shyǵarmasy, (Jánibek Álıman, Qaraǵandy qalasy);
- «Jyldyń úzdik prozasy» - «Májýsıler» hıkaıaty, (Baqytbek Qadyr, Túrkistan qalasy);
- «Jyldyń úzdik balalar shyǵarmasy» - «Kúnnen kelgen Batyr» shyǵarmasy (Hamıt Eseman, Taraz qalasy);
- «Jyldyń úzdik dramatýrgııasy» - «Kýáger» dramasy (Qolǵanat Murat, Almaty oblysy).
Joǵaryda atalǵan jeńimpazdardyń árqaısysy 2 mıllıon teńgeden aldy.
Qazylar alqasynyń músheleri «Abaıdyń 175 jyldyǵyna arnalǵan shyǵarmalar» arnaıy syılyǵynyń jeńimpazyn anyqtaý barysynda, syılyqty eki qatysýshyǵa taǵaıyndaýdy jón dep sanady. Olar:
- Umtyl Zaryqqanuly, Nur-Sultan qalasy («Shyńǵystaý. Minájat. Hakim» óleńder toptamasy);
- Baǵashar Tursynbaıuly, Almaty qalasy («Jas Abaı» essesi).
Bul qatysýshylardyń árqaısy 1,5 mıllıon teńge kólemindegi syıaqy aldy.
Ashylý saltanaty:
