Nazarbaev ortalyǵynda V «Altyn tobylǵy» ádebı baıqaýynyń jeńimpazdaryn marapattaý rásimi ótti.
Joba qazirgi zaman ádebıetine qyzyǵýshylyqty arttyryp, jastardyń shyǵarmashylyǵyn shyńdaýǵa baǵyttalǵan.
Jyl saıyn baıqaýǵa qyzyǵýshylyq artyp keledi. Aǵymdaǵy jyly 170 jumys usynyldy, al 2015 jyly 120 jumys tapsyrylǵan bolatyn.
Úzdik shyǵarmalar «Jyldyń úzdik prozasy», «Jyldyń úzdik poezııasy», «Jyldyń úzdik balalarǵa arnalǵan shyǵarmasy», «Jyldyń úzdik dramatýrgııasy» jáne Jastar jylyna arnalǵan arnaıy júlde «Uly dalanyń jasampaz urpaǵy» atty bes nomınaııa boıynsha anyqtaldy.
Qazylar alqasynyń quramyndaǵy elimizdiń belgili mádenı qaıratkerleri, jýrnalıster men jazýshylar usynylǵan jumystardy baǵalap, shyǵarmanyń kórkemdik stılin, emoıonaldy jáne estetıkalyq áserdiń tereńdigin, avtorlar oıynyń júıeliligin, ıdeıasynyń ózindik ereksheligin baǵalady.
Marapattaý rásiminde QR Tuńǵysh Prezıdenti – Elbasy Qorynyń atqarýshy dırektory Áset Isekeshev baıqaýdy qorytyndylap, jastarǵa tilegin jetkizdi: «Búgin biz júzden júırik, myńnan tulpar shyqqan jeńimpazdardy marapattaımyz. Elbasy Nursultan Ábishuly Nazarbaev «Bolashaqqa baǵdar: Rýhanı jańǵyrý» maqalasynda «Salt-dástúrlerimiz, ádebıetimiz, ulttyq rýhymyz boıymyzda máńgi qalýǵa tıis» degen edi. «Uly Dalanyń jeti qyry» maqalasynda da Elbasy rýhanııatqa kóp kóńil bóldi. Uly halyqty ózderińizdeı talantty urpaǵy jasaıdy. Búginde elimizde daryndy jastarǵa qoldaý myqty. Elbasy Qory qashanda shyǵarmashyl jastardy qoldap, túrli baıqaýlardy úzdiksiz ótkizýde. Aldaǵy ýaqytta da Qor bul jumysty jalǵastyrady. Sizderge shyǵarmashylyq shabyt tileımin! Qazaq kórkem sóz óneriniń sheberleri kóbeıe bersin!».
Úzdik shyǵarmalardyń avtorlaryn Áset Isekeshev, QR Parlamentiniń depýtattary, kórnekti qoǵam qaıratkerleri, mádenıet jáne óner qaıratkerleri marapattady.
«Altyn tobylǵy» baıqaýynyń qorytyndysy boıynsha jeńimpazdar:
- «Jyldyń úzdik prozasy» nomınaııasy – Qanat Ábilqaıyr, Doshan Jylqybaı;
- «Jyldyń úzdik balalarǵa arnalǵan shyǵarmasy» – Marat Seıilhanov, Asylan Tilegen, Mıras Asan.
Joǵaryda atalǵan jeńimpazdardyń árqaısysy 1 mıllıon teńgeden aldy.
Júlde qory 2 mıllıon teńge «Jyldyń úzdik poezııasy» jáne «Jyldyń úzdik dramasy» nomınaııalarynyń jeńimpazdary Bekzat Smadııarov pen Arshyn Nurbaqov.
«Uly dalanyń jasampaz urpaǵy» nomınaııasyn Nurtas Turǵanbek jeńip aldy. Oǵan 3 mıllıon teńgeniń sertıfıkaty tapsyryldy.
