Baıqaý jyl saıyn QR
Tuńǵysh Prezıdenti – Elbasynyń qorymen, sonymen qatar Qazaqstan
Jazýshylar odaǵy men Memlekettik tildi damytý qorynyń qoldaýymen ótkizilýde.
Baıqaýdyń negizgi
maqsaty – ulttyq ádebıette jańa esimderdi qalyptastyrý jáne jas qalamgerlerdiń
ómirlik fılosofııasyn kórsetetin qazirgi zamanǵy ádebıetke qoǵamnyń
qyzyǵýshylyǵyn arttyrý bolyp tabylady.
Baıqaýǵa elimizdiń 18-35 jas aralyǵyndaǵy jas daryndar qatysty. Budan buryn esh jerde
jarııalanbaǵan týyndylar ǵana qabyldandy. «Altyn Tobylǵy»
syılyǵy «Úzdik proza», «Úzdik poezııa»,
«Úzdik dramatýrgııa», «Úzdik balalarǵa arnalǵan shyǵarma» jáne «Týǵan el» arnaıy nomınaııalary boıynsha beriledi.
Marapattaý rásimi barysynda QR
Tuńǵysh Prezıdenti – Elbasy qorynyń atqarýshy dırektory Jumabaev Qanat bylaı dedi:
«Altyn tobylǵy» baıqaýy Qazaqstannyń jas
talanttaryn qoldaýǵa baǵyttalǵan jáne olardyń ádebıet salasyndaǵy shyǵarmashylyq
áleýetin kópshilikke tanymal etýge múmkindik beredi. Jas aqyn-jazýshylar,
prozaıkter men dramatýrgterdiń jańa esimderi elge tanymal bolyp, shyǵarmalary qazirgi
zamanǵy ádebıette laıyqty orynǵa ıe bolýda. Osyndaı baıqaýlardyń kómegimen qazaqtyń
ataqty aqyn – jazýshylary Abaı Qunanbaev, Sáken Seıfýllın, Muhtar Áýezov sııaqty bolashaqta
jaryq juldyzdar shyǵady degen úmittemin. Bıyl biz «Altyn tobylǵy»
baıqaýynyń 2015 jáne 2016
jylǵy úzdik jumystarynan turatyn kitap basyp shyǵardyq. Al búgin 2017 jyldyń
úzdik qalamgerlerin marapattap otyrmyz. Jeńimpazdarymyzdy shyn júrekten quttyqtaımyn!»
Shyǵarmalardy elimizdiń tanymal mádenıet
qaıratkerleri, aqyn-jazýshylar jáne jýrnalısterden qurylǵan Qazylar alqasy
saraptady. Qazylar alqasyn Qazaqstannyń jazýshylar odaǵynyń basqarma tóraǵasy Orazalın Nurlan basqardy. Baıqaýǵa usynylǵan jumystar janrǵa sáıkestik, oılaý derbestigi, avtorlyq
ustanym, baıandaý rettiligi men maǵynalylyǵy, ıdeıa ereksheligi, ádebı-kórkem
qundylyǵy, kórkemdik qııal men shyǵarmashylyq kózqaras, estetıkalyq áser tereńdigi
sııaqty ólshemder boıynsha baǵalandy. Baıqaýǵa usynylǵan týyndylardy baǵalaý
ádildigi barynsha joǵary bolý úshin shyǵarma laqap atpen qabyldanyp, saraptaý
kezinde qazylyr alqasy shyǵarmalar avtorlarynyń esimderin bilmedi.
Baıqaýǵa 132 qatysýshy óz týyndylaryn jiberdi. Sonyń
ishinde úzdik dep kelesi qalamgerler tańdaldy:
1) «Úzdik proza» nomınaııasy
boıynsha - Sarybaev Beıbit Shegebaıuly atandy.
Syılyq qory - 1 000 000 tg;
2) «Úzdik poezııa» nomınaııasy
boıynsha - Qart Mereı Meırtaıuly jáne
Nurǵalym Ularbek atandy. Syılyq qory – árbir jeńipmazǵa 750 000
teńgeden;
3) «Balalarǵa arnalǵan úzdik
shyǵarma» nomınaııasy boıynsha - Álmash
Aısulý Joltaıqyzy jáne Týrehanova Zaýre Galymbekovna atandy. Syılyq qory –
árbir jeńimpazǵa 750 000 teńgeden;
4) «Týǵan el» taqyrybyna arnalǵan úzdik ádebı týyndy boıynsha - Maqpal Mazaqqyzy Mysa atandy. Syılyq
qory - 1 500 000 tg.
Bıyl, ókinishke qaraı, «Úzdik
dramatýrgııa» nomınaııasy boıynsha baıqaýdyń barlyq sharttaryna sáıkes keletin jumystar
bolmady.
Is-sharaǵa tanymal memlekettik jáne qoǵam qaıratkerleri qatysty: QR
Parlamentiniń Májilis depýtattary - Sultanov
Qýanysh, Seıdýmanov Serik, Ahmetov Sapar, Mamyraev Beıbit; Qazaqstannyń
Jazýshylar odaǵynyń tóraǵasy - Orazalın Nurlan,
kompozıtor, qoǵam qaıratkeri -
Muhamedjanov Tólegen, M.Gorkıı atyndaǵy teatr dırektory - Qasenov Erkin, «Qoǵamdyq kelisim»
RMM dırektory - Tarakov Aleksandr,
aqyn - Sarın Qalqaman jáne basqalar.
QR Tuńǵysh Prezıdenti – Elbasynyń Qory «Altyn
Tobylǵy» ádebıet syılyǵyn alǵash ret 2015 jyly taǵaıyndady. Baıqaý
elimizdiń shyǵarmashyl daryndy jastaryn qoldaýǵa arnalǵan Tuńǵysh Prezıdent
qorynyń jobalarynyń biri bolyp tabylady.
QR Tuńǵysh Prezıdenti – Elbasy qorynyń baspasóz qyzmeti
