2017 jyly 5 qyrkúıek kúni Á.Qasteev atyndaǵy QR memlekttik óner mýzeıinde sán áleminde keńinen tanylyp júrgen qazaqstandyq dızaıner, sýretshi Balnur Asanovanyń "2720K Altynshy sezim" atty jeke kórmesi ashylady.
Balnur Asanova − dızaıner, "Symbat" sán Akademııasynyń art-dırektory, "Almaty" ýnıversıtetiniń halyqaralyq yntymaq jáne shyǵarmashylyǵy boıynsha prorektory. "Dızaın" nomınaııasynda Halyqaralyq Eýrazııalyq syılyqtyń altyn laýreaty, halyqaralyq sán kórmeleriniń laýreaty, joǵary sán ulttyq kostıýminiń halyqaralyq saıystarynyń birneshe dúrkin jeńimpazy (Máskeý qalasy), Máskeý qalasynda ótkiziletin sán Aptalyǵynyń (Reseı), Dýbaı qalasynda (BAE), Vashıngtonda DCFashionweek, Qazaqstandaǵy sán Aptalyǵynyń (Almaty) turaqty qatysýshysy.
Balnur Asanova − isker, óz isiniń sheberi, jaýapkershiligi mol, bilikti maman. "Men ashyq, jarqyn tústerdi unatamyn, álemdi tek qana ashyq boıaýlar arqyly sezinemin. Ásirese, ulttyq boıaý – janyma jaqyn. Jan dúnıemde tynyshtyq ornaǵanda ǵana sýretter salamyn" – deıdi. Mysaly "Astana", "Dastarhan", "Kıiz úı", "Báıterek", "Han Shatyr", "Dombyra ustaǵan qyz" atty gobelenderge kóńil-kúı týdyryp, sonymen birge, maǵynasyna yqpal etetin erekshe tústik úılesim tán. Sýretshi adamdarmen óziniń sulýlyqqa degen qushtarlyǵyn bóliskisi keledi. Onyń toqyma kompozıııalarynyń erekshe obrazdy áleminde ótken men búgin, baqyt, mahabbat, sulýlyq týraly poetıkalyq jáne fılosofııalyq oılary birtutas oıý-órnektik astarly mánge ıe bolǵan. Balnurdyń kartınalarynda tústerdiń úılesimdiligin jáne túrli-tústi reńkterdiń úılesimdi baılanysy, boıaýdyń ashyqtyǵy, kórermenniń kóńil-kúıin kóterip, adam boıyna qýat beredi. Onyń sándik – keskindemeli mánerde oryndalǵan týyndylary erekshe sazdy. Sýretshi óz eńbekterinde ǵasyrlar boıy qalyptasqan túster men belgilerdiń kúrdeli sımvolıkasyna da úlken mán beredi. Onyń keskindeme jáne gobelenderinde dástúrli ónerdiń jańa múmkindikteri kórsetiledi, sonymen qatar, sózben jetkize almaıtyn erekshe tartymdylyǵyn saqtap qalady. Sýretshi tabıǵat saryndaryna jıi júginedi jáne gobelen óneriniń sándik-órnektik dástúriniń mol múmkindikterin paıdalana otyryp, óz kózqarasyn bildiredi. Túster men reńkterdiń úılesimin ashyq qylyp, erekshe obrazdardy quraıdy.
Barlyq shyǵarmashylyq izdenisinde sýretshiniń jeke tulǵasy men talanty, zerdesi men ishki túısigi úlken oryn alady. Dál osy qasıetteri onyń jumystaryn eshkimge uqsamaıtyndaı zamanǵa saı etedi.
Balnur Asanova shyǵarmashylyǵymen birge ǵylymı qyzmetti qatar alyp keledi. Ol kóshpendi órkennıettiń fenomeni sanalatyn kórkem kıiz jáne qazaq mádenıetiniń, dekor-órnek beınelemesi men onyń zamanaýı dızaınerlik tájirıbede qoldanylýyn, kóne jáne ortaǵasyrlyq kezeńde qazaq ulttyq kıiminiń tarıhı jáne etnografııalyq damýynyń ǵylymı zertteýlerimen aınalysady.
Kórmeniń kýratory - Gúlaıym Jumabekova, Qazaqstan qolóner ortalyǵynyń jetekshisi.
